0 5

ہندوستان كے 55ویں بین اقوامی فلمی میلے میں تین غیر معمولی فلموں کی نمائش کی گئی:گجراتی فلم، 'کارخانو'، آسامی فلم، 'راڈور پکھی'، اور 'گوگل میٹریمونی'۔ با بصیرت  ہدایت کاروں اور پروڈیوسروں کی تخلیق کردہ سنیما کے یہ جواہرات سسپنس، مزاح، خوف، حقیقی انسانی تعلق کی تلاش اور زندگی کے چیلنجوں کو قبول کرنے کی طاقت کے گہرے موضوعات دریافت کرتے ہیں۔

میڈیا سے بات چیت كرتے ہوئے، 'کارخانو' کے ڈائریکٹر رشبھ تھانکی نے بتایا کہ فلم کی جڑیں گجرات کی لوک داستانوں میں گہرائی میں ہیں۔ ابتدائی طور پر  ایک مختصر فلم کے طور پر  اسےتخلیق کیا گیاتھا لیكن پھر  اسے ایک مکمل اور  طویل فلم كی شكل دیدی گئی۔اداکار پارتھ ڈیو نے اس فلم کو دو سالہ سفر، ایک طنزیہ فلم، اور ون کٹ پروجیکٹ کے طور پر پیش کیا جو نجی مالی اعانت سے بنائی گئی۔ ہندوستان كے بین الاقوامی فلمی میلے میں اس کی نمائش کے ساتھ گجراتی فلم انڈسٹری کے لیے یہ ایک نیا سنگ میل ثابت ہوئی۔

فلم  'گوگل میٹریمونی' كے ڈائریکٹر شری کارتک ایس ایس نے وضاحت کی کہ یہ فلم ایک انتھولوجی کا حصہ ہے۔ فلم ساز ابھینو جی اترے نے بتایا کہ کہانی اس بات کی کھوج کرتی ہے کہ ٹیکنالوجی زندگیوں پر کیسے اثر انداز ہوتی ہے۔ اداکار دیو نے مزید کہا کہ اُن كی  ٹیم ہندوستان كے بین اقوامی فلمی میلے میں ملنے والی تعریف کی قدر کرتی ہے، جو ابھرتے ہوئے فلم سازوں کو متحرك کرتی ہے۔ جب ان سے فلم کے کمرشیئل طور پر قابلِ عمل ہونے کے بارے میں پوچھا گیا تو انہوں نے اس بات پر زور دیا کہ ان کی توجہ پیسہ کمانے کے بجائے ایک بامعنی فلم بنانے پر مرکوز ہے۔

فلم ’ردور پاکھی‘ کے  ہدایت کار ڈاکٹر بوبی شرما باروہ نے فلم کو ریڑھ کی ہڈی کی پٹھوں کے ایٹروفی کے ساتھ جینے پر مجبور ایک لڑکی کی حساس تصویر کشی کے طور پر پیش کیا۔ جب ان سے فلم کے انڈر اسٹیٹ ٹون کے بارے میں پوچھا گیا تو انہوں نے وضاحت کی کہ یہ ایک سچی، دل کو چھونے والی کہانی پر مبنی ہے۔ اداکارہ سُلاکھیانہ بروا نے کہا کہ ’ردور پاکھی‘ کا حصہ بننا ذہنی اور جسمانی طور پر مشکل تھا، لیکن یہ ایک بہت بڑا اعزاز رہا کیونکہ اس نے حقیقی زندگی کی ایک متاثر کن شخصیت کو پیش کیا۔

******

U.No:2862

ش ح۔ع س۔س ا