0 5

Ka International Film Festival of India (IFFI) kaba 55 ka pyni ia lai tylli ki phlim ba kyrpang: ka phlim Gujarati, ka ‘Karkhanu’, ka phlim Assamese, ka ‘Rador Pakhi’, bad ka ‘Google Matrimony’. La shna da ki director bad ki producer ba iohi jngai, kine ki phlim ba itynnad ki peit ia ka phang jong ka jingap, ka jingsamrkhie, ka jingtieng bad ka jingwad ia ka jingiadei ba shisha hapdeng ki briew, bad ka bor ban pdiang ia ki jingeh ha ka jingim.

Ha ka jingiakren bad ki lad pathai khubor, u Rushabh Thanki, Director jong ka ‘Karkhanu’, u la iasam da kaba ong ba ka phlim kadei kaba don tynrai ha ka khana ba hiar pateng jong ka Gujarat. Nyngkong la shna kum ka phlim lyngkot, dei hadien ba la pyniar sha ka phlim kaba pura. U Actor Parth Dave, u la batai ia ka phlim kum ka jingiaid lynti kaba ar snem, ka  phlim kaba la bei tyngka dalade, kaba long u mawmer ba thymmai na ka bynta ka kam shna phlim Gujarati da kaba pyni ia ka ha ka IFFI.

Na ka bynta ka phlim, ‘Google Matrimony’, u Director, Shreekarthick S S, u la batai ba ka phlim kadei shi bynta ka thup. U nongshna phlim Abhinav G Atrey, u la ong ba ka khana ka phaikhmat kumno ka teknoloji ka ktah ia ka jingim. U Actor Dev u la bynrap ba ka kynhun ka kheinkor ia ka jingiaroh ba ka ioh ha ka IFFI, kaba la ai mynsiem ia ki nongshna phlim ba dang sdang.

Na ka bynta ka phlim ‘Rador Pakhi’ ka Dr. Bobby Sharma Baruah, u la ong ba ka phlim ka dei ka jingpyni ia ka khynnah kaba don ia ka Spinal Muscular Atrophy. Haba la kylli shaphang kane ka phang, ka la ong ba kane ka don nongrim ha ka jingjia shisha. Ka aktress, Sulakhyana Baruah, ka la ong ba ka jingdon bynta ha ka ‘Rador Pakhi’ ka dei kaba ktah bha ia ka jingmut jingpyrkhat bad ka bor met, hynrei ka dei kaba sngew ioh burom bha namar ka pyni ia ka briew kaba don shisha.

Shaphang ki phlim:

Karkhanu - ‘Karkhanu’, ka dei kaba pyni ha ka thup ‘Indian Feature-Film’, bad la pyni nyngkong ia ka kum ka ‘Smart Horror Comedy’ kaba nyngkong ha ka Gujrati kaba pyni ia ka jingiathuh khana "Karkhana ba shong ksuid ". Ha ka miet Kali Chaudas, lai ngut ki mistiri ki sahkut ha ka karkhana kaba kynjah, ha kaba ka bor kaba phylla ka pynbor ia ki ban khyllie ia ki jingshisha shuwa ban dier ka por. Kane ka dei ka khana jong ka jingap, ka jingsamrkhie bad ka jingtieng.

Google Matrimony – Ka ‘Google Matrimony’, ka dei kaba pyni ha ka thup ‘Indian Non-Feature Film’, bad ka dei shaphang u Blind Ananthu, uba sah marwei da kaba shaniah ha ki Google Glass jong u ban iohi. Ha ka jingiakhun namar ka jingshah kyntait ha ka kam shong kha namar ka jing matlah jong u, ka pyrthei jong u ka kylla haba ka Google Glass ka lap ia ka kynthei kaba rymmuin ia u kaba sdang ia ka jingieid. Kane ka phlim ka peit ia ka jingiadei kaba shisha hapdeng ki briew ha kane ka pyrthei teknoloji ha kaba ka jingmutdur bad ka jingshisha ka iasoh lang, bad ka jingieid bad ka jingpdiang ka long ka thong.

Rador Pakhi - ‘Rador Pakhi’ ka dei ka khana jong ka Jyoti, kaba kwah ban long nongthoh na Assam hynrei kaba ioh ia ka jingpang Spinal Muscular Atrophy, kaba pynlong ba kam lah khie na ka jingthiah. Wat hapdeng ki jingeh, ka trei shitom ban pynurlong ia ka jingthrang ban long nongthoh. Kane ka phlim ka pyni ia ka jingiaid lynti jong ka bad ka jingskhem jingmut ha ka jinglong briew bad ruh ka bor kaba wan na ka jingjop ia ki jingeh kiba wan bad ki jingthrang jong ki briew.

Peit ia ka jingiakynduh bad ki lad pathai khubor hangne:

* * *