#IFFIWood, 23 नोव्‍हेंबर 2024

भारताच्या 55व्या आंतरराष्ट्रीय चित्रपट महोत्सवांत गुजराती चित्रपट, ‘कारखानू’, आसामी चित्रपट, ‘रादोर पाखी’ आनी ‘गूगल मॅट्रिमोनी’ अशे तीन असामान्य चित्रपट दाखयले. दूरदर्शी दिग्दर्शक आनी निर्मात्यांनी तयार केल्लीं हीं सिनेमाचीं रत्नां गूढ, विनोद, भंय, अस्सल मनशाच्या संबंदाचो सोद आनी जिणेंतल्या आव्हानांक स्वीकारपाची तांक हांचे खोल विशय सोदून काडटात.

प्रसार माध्यमां कडेन संवाद सादतना ‘कारखानू’ दिग्दर्शक रुशभ थांकी हांणी हो सिनेमा गुजरातांतल्या लोकवेदांत खोलायेन रुजला अशें सांगलां. सुरवेक लघुपट म्हणून तयार केल्लो, उपरांत ताचो विस्तार पुराय लांबायेचो चित्रपट तयार जालो. अभिनेतो पार्थ डेवान ह्या सिनेमाचें वर्णन केलां की एक दोन वर्सांचो प्रवास, एक व्यंग्य आनी एक कट प्रकल्प, जो स्वताच्या अर्थीक आदारान आशिल्लो, जाका लागून गुजराती चित्रपट उद्देगा खातीर एक नवो मार्गदर्शक वांटचिरो  तयार जालो आनी ताचें प्रदर्शन इफ्फींत जालें.

‘गूगल मॅट्रिमोनी’ ह्या सिनेमा खातीर दिग्दर्शक श्रीकार्तिक एस.एस. तंत्रगिन्यानाचो जिणेचेर कसो परिणाम जाता तें ही कथा सांगता अशें फिल्म निर्मातो अभिनव जी अत्रे हांणी सांगलें. नवोदित फिल्म निर्मात्यांक प्रेरणा दिवपी इफ्फींत मेळिल्ले कदरेक हो पंगड मोल दिता अशें अभिनेतो देव हांणी सांगलें. ह्या चित्रपटाची वेवसायीक कार्यक्षमताय कितें अशें विचारतकच ताणें पयशे जोडचे परस फायद्याचो चित्रपट तयार करपाचेर लक्ष केंद्रीत केलें अशे सांगले. 

‘राडोर पाखी’ ह्या सिनेमा खातीर दिग्दर्शक डॉ. बॉबी शर्मा बरुआ हांका ह्या  सिनेमाच्या संयमी स्वरा विशीं विचारलें तेन्ना ताणें स्पश्ट केलें की हो सिनेमा खऱ्या, काळजाक स्पर्श करपी काणयेचेर आदारिल्लो आसा. अभिनेत्री, सुलख्याना बरुआन सांगलें की ‘राडोर पाखी’ चो भाग जावप मानसीक आनी शारिरीक नदरेन आव्हानात्मक आशिल्लें, पूण खऱ्या जिवितांतल्या प्रेरणादायी व्यक्तीचें पात्र उबे  केल्ल्यान हो एक व्हडलो भोवमान थारला.

सिनेमा विशीं:

1. 'कारखानू' - 'भारतीय फीचर-फिल्म' विभाग - 'कारखानू' हो गुजरातांतली पयली 'स्मार्ट हॉरर कॉमेडी' जावन आसा जी भयानक "भूतकाळांतली कारखानो" आख्यायिका जिवीत करता. काली चौदासाचे रातीं तीन मेस्त  एके भुतांखेतांचो शाळेंत आडखळून पडटात, थंय विचित्र घडणुकांनी तांकां ताची गुपीतां  उशीर जावचे पयलींच उक्ती करपाक लायतात. गूढ, विनोद आनी भंयकर कथांचो रोमांचक मेळ, हो सिनेमा एक अविस्मरणीय अणभव दिवपाचें उतर दिता.

2. 'गूगल मॅट्रिमोनी' - ‘इंडियन नॉन फिचर फिल्म’ विभागांतलो ‘गूगल मॅट्रिमोनी’ ही कुड्ड्या अनंथूची काणी, जो एकांत जिवीत जगता, नदर आनी मजती खातीर आपल्या गूगल ग्लासाचेर आदारून रावता. कुड्डेपणाक लागून लग्नाच्या सुवातींनी नाका म्हणपा कडेन झुजपी ताचो संवसार बदलता जेन्ना ताच्या गूगल ग्लासांत एक बायल ताका हांसता तें पळोवन रोमान्साचे  स्फुरण जाता. तंत्रगिन्यानाच्या आदारान चलपी संवसारांतल्या खऱ्या मनशाच्या संबंदाचो सोद ह्या चित्रपटांत दाखयला, जंय वास्तव आनी भ्रम चड करून गुंथिल्ले आसतात आनी मोग आनी मान्यताय हीं निमाणीं इत्सा उरतात.

3. 'रादोर पाखी' - ‘रादोर पाखी’ हातूंत आसामांतली एक आकांक्षी लेखिका ज्योतीची खरी काणी सांगल्या, तिका मेरुरज्जूंतल्या स्नायूंच्या क्षयरोगाचें निदान जावन खाटीर पडून उरता. शारिरीक आव्हानां आसून लेगीत लेखिका जावपाचें सपन ती फुडें व्हरपाक लागता. मनशाच्या आत्म्याची लवचीकताय  आनी आपलीं सपनां साध्य करपा खातीर आडमेळीं पयस करपाक मेळपी बळगें दाखोवपी ह्या सिनेमांत तिच्या प्रवासाचेर भर दिला.

पत्रकार परिशद पळयात हांगा:

* * *

PIB IFFI CAST AND CREW | Subhash/Manali/Darshana | IFFI 55