ڈائریکٹوریٹ آف ریونیو انٹیلی جنس (ڈی آر آئی) نے ایک اہم کارروائی میں 22 نومبر 2024 کو ممبئی کے چھترپتی شیواجی مہاراج بین الاقوامی ہوائی اڈے پر سیرا لیون سے آنے والے ایک لائبیریائی شہری کو گرفتار کیا۔مسافر کے ٹرالی بیگ کی جانچ کے دوران، ڈی آر آئی افسران نے محسوس کیا کہ وہ غیر معمولی طور پر بھاری تھا۔ مکمل معائنہ کرنے پر دو پیکٹ سامنے آئے جن میں ایک سفید پاؤڈر تھا جو بڑی مہارت سے ٹرالی بیگ کے فرضی نچلے حصے میں چھپایا گیا تھا۔فیلڈ ٹیسٹوں میں اس مادہ کے کوکین ہونے کی تصدیق ہو گئی۔ اس کا وزن کل 3496 گرام تھا جس کی غیر قانونی مارکیٹ میں قیمت تقریباً 34.96 کروڑروپے ہے۔ مسافر کو گرفتار کر لیا گیا ہے اورچھان بین جاری ہے۔ ڈی آر آئی منشیات کی اسمگلنگ کے سنڈیکیٹس کو ختم کرنے اور منشیات کی لعنت سے ملك كے شہریوں کی حفاظت کو یقینی بنانے کے لیے پرعزم ہے۔

*****

U.No:2836

ش ح۔ع س۔س ا