#IFFIWood, 22 नोव्हेंबर 2024

55व्या भारतीय आंतरराष्ट्रीय चित्रपट महोत्सवांत सगळ्यां खातीर सुलभताय आनी समावेशकता सुनिश्चीत करपाच्या मळार म्हत्वाची मोख सादल्या. "इफ्फीत सुलभताय" ह्या विशयाचेर पत्रकार परिशदेंत म्हायती आनी प्रसारण मंत्रालयाचे संयुक्त सचीव प्रसारण श्री पृथ्वी कुमार आनी एनएफडीसीचे वेवस्थापकीय संचालक श्री ताहा आय. स्वायमची मुखेली वंदना बूलचंद हांणी महोत्सवाक समावेशकतायेचें आदर्श करपा खातीर घेतिल्ल्या परिवर्तनकारी पावलांचेर भर दिलो. 55 वी आयएफएफआय, सबका मनोरंजन ह्या विशयांतल्यान, सांकेतिक भाशेचो अर्थ लावप, सुलभ चित्रपट प्रदर्शन, आडमेळीं मुक्त सुवाती, संवेदनशीलताय प्रशिक्षीत कर्मचारी, आनी मूवी बफ अॅपा सारकिल्या डिजिटल साधनां सारकिल्या समावेशकता उपक्रमांची वळख करून दिली, जाका लागून सगळ्यां खातीर येवकार दिवपी सिनेमा अणभवाची खात्री जाता.

श्री पृथ्वी कुमार हांणी महोत्सवाच्या समावेशी उपक्रमांचेर विस्वास उक्तायलो. “इफफींत अंदूं सुलभतायेची पातळी वाडयल्या. प्रशिक्षीत स्वयंसेवक आनी संवेदनशील अधिकारी ते अपंगत्व आशिल्ल्या व्यक्तीं खातीर स फिल्मांचो समर्पीत विभाग आनी हेर 11 सुलभ चित्रपट मेरेन आमी सुलभताय मुळाव्यान गुंथल्यात अशें तांणी सांगलें. श्री कुमार हांणी सिनेमा चड समावेशक करपा खातीर मनरिजवण उद्देगा खातीर जाहीर केल्ल्या सुलभ मार्गदर्शक तत्वांचो उल्लेख करून समावेशकताये खातीर मंत्रालयाची वचनबद्धताय उक्तायली. गोवा सरकार आनी मनरिजवण सोसायटी ऑफ गोवा (ईएसजी) हांणी इतले समावेशीपणान ही कार्यावळ घडोवन हाडपा खातीर केल्ल्या यत्नांची तांणी तोखणाय केली.

श्री ताहा आय.हाझिक हांणी सुलभताय उपक्रमांत गोंयची आद्यप्रवर्तक भुमिका हाचेर भर दिलो. “इफ्फीन खऱ्या अर्थान सबका मनोरंजनाची भावना मुखार हाडल्या. रॅम्प आनी लायव्ह सांकेतिक भाशेचो अर्थ लावपा सावन ‘12 वी  फेल’ सारकिल्या सुलभ चित्रपटांचें प्रदर्शन मेरेन हो महोत्सव सगळ्यां खातीर आसा हाची खात्री आमी करतात,” अशें तांणी नदरेक हाडलें. श्री हाजीक हांणी नदरेक हाडलें की उत्पादन घरां आनी ओटीटी प्लॅटफॉर्म लेगीत सुलभताय खाशेलपणां आपणावपाच्या मळार क्रमीकपणान मुखार वतात. तशेंच इफ्फी 2024 वेळार सुलभ मुळावी बांदावळ, सुलभ ई-रिक्शा, आनी खासा सक्षम आनी बऱ्या प्रशिक्षीत स्वयंसेवकां खातीर व्हीलचेरांची उपलब्धताय आनी सुलभ संकेतथळांची तोखणाय केली.सुलभताये खातीर आदर्श राज्य जावपाची गोंयची वचनबद्धताय तांणी पुष्टी केली.

वंदना बूलचंद हांणी सुलभताय ऑडिट आनी प्रशिक्षण दिवपाच्या स्वयंम कार्याची भुमिका उजवाडायली. ५५व्या इफ्फीचो एक्सेसबिलिटी पार्टनर म्हूण स्वायमान हो महोत्सव समावेशी करपा खातीर जायत्या आंगांचेर काम केलें. स्वयंम उपक्रमांत सोशल मिडिया पोस्ट, वेबसायट आनी हेर संवाद सामुग्री उणी नदर आशिल्ल्यां खातीर इश्टागत करपा खातीर एनएफडीसीच्या मिडिया पंगडाक प्रशिक्षण दिवपाचो आस्पाव आशिल्लो अशें तिणें सांगलें. तशेंच स्वयंम स्वयंसेवकांक आनी अधिकाऱ्यांक प्रशिक्षण दिलें, जाका लागून महोत्सवाक हाजीर आशिल्ल्या वेगवेगळ्या क्षमताय आशिल्ल्या व्यक्तींक संवेदनशील हाताळणी करपाची खात्री जाली.

बूलचंद हांणी हाजीर आशिल्ल्यांक टेक पॅव्हिलियनाच्या सिमुलेशन झोनाचो अणभव घेवपाक आपयलें. आयएफएफआयंत पयलेच खेपे, तंत्रगिन्यान मंडपांतलो स्वयंमचो सिमुलेशन झोन हाजीर आशिल्ल्यांक अपंगत्व आशिल्ल्या लोकांक तोंड दिवपी आव्हानांचो अणभव घेवंक दिता, सुलभतायेची खोलायेन समजूत वाडोवपाक दिता, भौशीक सुवातींनी आनी संवादांत चड समावेशक आनी सहानुभूतीपूर्ण डिझायनांक प्रेरणा दिता.

सगळ्यां खातीर समावेशक सिनेमा अणभव तयार करपाच्या भागधारकांच्या सामुहीक यत्नाची गवाय म्हणून आयएफएफआय 2024 उबी आसा.

Read more: https://pib.gov.in/PressReleaseIframePage.aspx?PRID=2074789

* * *

PIB IFFI CAST AND CREW | Subhash/Manali/Darshana | IFFI 55