কেন্দ্রগী মহৈ মশিং মন্ত্রী, শ্রী ধরমেন্দ্র প্রধান্না, লেবর অমসুং এমপ্লোইমেন্ত, অমদি য়ুথ এফ্যার্স অমসুং স্পোর্তস মন্ত্রী দোক্তর মনসুখ মন্দাবিয়াগা লোয়ননা ঙসি নই দিল্লীদা পাঙথোকপা থৌরম অমদা জোব্স এত য়োর দোরস্তেপ: এ জোব্স দাইগ্নোস্তিক্স ফোর য়ং পীপল ইন সিক্স স্তেতস কৌবা রিপোর্ত অমা ফোঙখ্রে‍। দিপার্তমেন্ত ওফ স্কুল এজুকেসন এন্দ লিতরেসীগী সেক্রেতরী, শ্রী সঞ্জয় কুমার; স্কিল দিভেলপমেন্ত অমসুং ওন্ত্রপ্রিন্যুরসিপ মন্ত্রালয়গী সেক্রেতরী, শ্রী অতুল কুমার তিৱারী; ৱর্ল্দ বেঙ্ক, ইন্দিয়াগী কন্ত্রী দাইরেক্তর, মিস্তর ওগস্ত তানো কৌমে; ৱর্ল্দ বেঙ্ক, ইন্দিয়াগী লীদ এজুকেসন স্পিসিএলিস্ত, শ্রীমতী সব্নম সিন্হা, মন্ত্রালয়গী ওফিসিএলশিং অমসুং স্কুল খরগী প্রিন্সিপালশিংসু থৌরমদুদা শরুক য়াখি‍।

 

থৌরমদুদা ৱা ঙাংলদুনা, শ্রী ধরমেন্দ্র প্রধান্না ৱর্ল্দ বেঙ্ক তীমবু স্তেত তরুক্কী মচা খায়বা রিপোর্ত অসিগীদমক থাগৎপা ফোঙদোকখি‍। মহাক্না ৱর্ল্দ বেঙ্ক তীমদা ভারত পুম্বগী ওইবা ফ্রেমৱর্ক অমা লৌখৎনবা ৱাফমসু হৌদোকখি‍। অসিগুম্বা স্কিলিং অমসুং জোব্সকী মনুং হুৎপা দাইগ্নোস্তিক্স অসিনা স্তেকহোল্দরশিংবু অনৌবা আর্কিতেকচরশিং শেমগৎপা অমসুং ঐখোয়গী মীয়ামবু মপাঙ্গল হাপ্নবা মাঙদা চঙশিনগদবা খুজিল থৌরাংশিং শেম্বা ঙমহনগনি হায়না মহাক্না হায়খি‍। মহাক্না জোব্স অমসুং এমপ্লোইমেন্তকী ৱাহন্থোক হেন্না পাকথোক চাউথোকহন্বগী মথৌ তাবা ৱাফম ফোঙদোকখি‍। শ্রী প্রধান্না ফ্রেমৱর্ক অসি হেন্না পাকথোক চাউথোকহনগদবনি অমসুং শেন্মিৎলোনগী খুদোংচাব অমদি এম্পৱারমেন্তকী মীৎয়েঙদগী য়েঙবা মথৌ তাই হায়খি‍।

প্রধান মন্ত্রী শ্রী নরেন্দ্র মোদীবু ভারতপু মালেমগী স্কিল হব অমা ওন্থোক্নবা থম্লিবা মহাক্কী মীৎয়েঙগীদমক থাগৎপা ফোঙদোক্লদুনা, লৈবাকসিগী মীয়াম্না মালেমগী শেন্মিৎলোন্দা খোঙজেল হাপ্লিবা মীওইশিং ওইগনি হায়না মন্ত্রীনা হায়খি‍‍। মসিগীদমক, স্কিলিং অসি স্কুলদগী হৌবা তাই অমসুং NEP  ২০২০না স্কিলিংবু স্কুলশিংদা মপুং ওইনা চৎনহন্নবা মীৎয়েঙ থম্লি হায়না মহাক্না হায়খি‍।

শ্রী প্রধান্না তেক্নোলোজীনা পীরকপা অপনবশিংনাআ থবক অমসুং এমপ্লোইমেন্তকী থবক থৌওংশিংগী মওং মতৌ হোংহল্লক্কনি অমসুং তুংগীদমক শেম শাদুনা লৈনবগীদমক ৱর্কফোর্স অসি লেপ্পা লৈতনা অপ-স্কিল অমসুং রি-স্কিল তৌবা মথৌ তাগনি হায়নসু ফোঙদোকখি‍। মালেমগী স্কিল কেপিতেল ওইরক্নবা ‘হোল-ওফ-এ.গভর্নমেন্ত’ এপ্রোচ অমসুং ঐখোয়গী য়াম্লবা মীয়ামবু স্কিল লৈহন্নবা, অপ-স্কিল অমসুং রি-স্কিল তৌনবা খুৎশম্ননা থবক পায়খৎমিন্নবা মথৌ তাই হায়না মহাক্না ফোঙদোকখি‍।

দোক্তর মনসুখ মন্দাবিয়ানা, মহাক্কী ৱারোলদা, মমাঙগী বজেত্তা, হব-এন্দ-স্পোক মোদেলদা লম-লমগী ওইবা স্কিল অমসুং এমপ্লোইমেন্তকী মতিং লোকশিন্নবা করিগুলম অমা শেম্নবা ৱাফম হৌদোকখি হায়খি‍। মহাক্না জোব্সকী ৱাহন্থোকপু এমপ্লোইমেন্তকী ৱাংমদা শেমদোক্নবা ৱাফমসু থমখি‍। একাদমিক ইন্সতিত্যুসনশিংদা ইনফোর্মেল এগুকেসন হাপচিন্বা মরুওই হায়না মহাক্না মখা তাখি‍। মহাক্না প্রধান মন্ত্রী শ্রী নরেন্দ্র মোদীবু বিক্সিত ভারত অমা শেমগৎনবা মহাক্না লেপ্লিবা খোঙফম, অমসুং মসিনা লৈবাক অসিবু স্কিল্দ তেলেন্তকী মালেমগী মকোন অমা ওইহন্নবা লৈবাকসিবু লমজিংলিবা অসিগীদমক থাগৎপা ফোঙদোকখি‍।

শ্রী সঞ্জয় কুমারনা প্রধান মন্ত্রী শ্রী নরেন্দ্র মোদীগী ‘হোল-ওফ-গভর্নমেন্ত’ এপ্রোচকী মীৎয়েঙবু নৌহৌননা ফোঙদোক্লদুনা, মসিনা স্কিল এজুকেসনগী মচৎ অমা পুরক্নবা স্কুলশিংগী সিস্তেম অমা শেমগৎনবা মন্ত্রালয় অনিগী মরক্তা খুৎশম্ননা চৎমিন্ননবা পুক্নিং থৌগৎলি হায়খি‍। মাস্তরী ফংবা ঙম্নবগীদমক স্কিল অমবু প্রাক্তিস তৌবগী মরুওইবা ৱাফমশিং পল্লদুনা, NEP ২০২০ না মহৈরোয়শিংদা পুক্নিং চঙনা অমসুং হন্বা লৈতনা হোৎনবগী থৌওং রিকমেন্দ তৌরি হায়না মহাক্না ফোঙদোকখি‍।

ভারত লৈঙাক্কী মফমদা ২০৪৭ ফাওবদা শেন্থোক য়াম্না ৱাংনা লৈবা লৈবাক অমগী থাক্তুনা পুখৎলক্নবগীদমক শেন্মিৎলোন্দা অওনবা পুরক্নবা থৌরাং অমা লৈরি‍। ভারতনা প্রদক্তিব ইকনমী অমা ওইরক্নবগী পান্দম ফংনবগীদমক, লৈবাক অসিনা এমপ্লোইমেন্ত লেন্দস্কেপ্তা থেংনরিবা শিংনবশিংগী পাম্ববৈ অথুবা মতমদা পুথোকপা অমসুং মাগী ৱর্কফোর্সবু শেম শাবা মথৌ তাই‍। মহৈ মশিংগী রিফোর্ম অমসুং মার্কেত-লিঙ্ক স্কিল দিভেলপমেন্ত (SD)গী পরিংদা লৈবা মায়কৈ কয়া লোঙবা, দাইনামিক অমসুং কনভর্জেন্ত এপ্রোচশিংনা ভারতপু মাগী জোব গ্রোথকী মতিং ফংহন্বদা মতেঙ পাংগনি‍। ভারত লৈঙাক্না পুরকপা মরুওইবা রিফোর্মশিংনা, শেন্থোক ৱাংবা ভারত অমগী মথৌ তাবা স্কিলশিংগীদমক ৱর্কফোর্সপু ত্রেন তৌনবগীদমক, ভোকেস্নেল এজুকেসন সেক্তরবু দিসেন্ত্রেলাইজ তৌরবা, লোকেল কৈথেলনা লমজিংবা, ইনক্লুজিব অমসুং শেলথুমগী ওইনা সস্তেনেবল ওইবা সেক্তর অমা ওইহন্দুনা মপাঙ্গল কনখৎহন্বদা মতেঙ ওইগনি‍।

এজুকেসন মন্ত্রালয়না নেস্নেল এজুকেসন পোলিসী (NEP) ২০২০ অমসুং নেস্নেল করিকুলম ফ্রেমৱর্ক (NCF) ২০২৪ পুথোক্তুনা হীরম অসিদা চাউনা খোঙ থাংজিল্লি‍। খুজিল থৌরাং অনিমক্না স্কুলশিংদা স্কিলিং হাপচিনবগী মরুওইবা ৱাফমশিং ফোঙদোক্তুনা, NEP ২০২৫ ফাওবদা মহৈরোয় চাদা ৫০না স্কিল এজুকেসন ফংহন্নবা, অমসুং ২০৩০ ফাওবদা সেকেন্দরী স্কুল পুম্নমক্না স্কিল এজুকেসন পীননবা পান্দম থম্লি‍। ভারতনা হায়রিবা পান্দমশিং অসি ফংনবা চঙশিল্লক্লিবা অসিদা, “জোব্স এত য়োর দোরস্তেপ” রিপোর্ত অসিনা ভারতকী এজুকেসন অমসুং জোব এজেন্দাগী মরক্তা স্ত্রেতেজিক লিঙ্কেজ অমসুং কনভর্জেন্স পুরক্নবা দাইগ্নোস্তিক অমসুং রোদমেপ অনিমক ওইনা মথৌ তৌরি‍। মসিনা হিমাচল প্রদেশ, কেরলা, মধ্য প্রদেশ, মহারাস্ত্র, ওরিসা, অমসুং রাজস্থান হায়রিবা স্তেত তরুকসিগী জোব লেন্দস্কেপ্তা মনুং হুৎনা চঙশিন্দুনা সেকেন্দরী স্কুল লোইরক্লবা নহাশিংগী থবক ফংবগী খ্বায়দগী ৱাংবা মতিং পীগদবা মরুওইবা প্রাইওরিতী সেক্তরশিং অমসুং থৌদাংশিং মশক খঙদোক্লি‍।

এজুকেসন মন্ত্রালয় অমসুং মসিগী স্ত্রেংদনিং তীচিং-লর্নিং এন্দ রিজল্তস ফোর সস্তেতস (STARS) হায়রিবা, হিমাচল প্রদেশ, কেরলা, মধ্য প্রদেশ, মহারাস্ত্র, ওরিসা, অমসুং রাজস্থান হায়রিবা স্তেত তরুকসিবু (পুন্না STARS স্তেত) কোনশিল্লিবা প্রোগ্রাম অসিদা ৱর্ল্দ বেঙ্কনা মতেঙ পাংলি‍। STARS স্কীমদা মরুওইবা রিফোর্মশিং পায়খৎনবা ফংহল্লিবা নেস্নেল কম্পোনেন্ত অমা য়াওরি‍। রিপোর্ত অসিনা স্তেত তরুক অসিগী দিস্ত্রিক্তশিংদা মনুং হুৎনা চঙশিন্দুনা, বতম-অপ এপ্রোচদা য়ুম্ফম ওইদুনা খেন্নবা করিয়রগী লম্বীশিংগীমক মহৈরোয়শিংবু শেম শাননবা গ্রেদ ৯-১২ দা স্কিল-বেজ এজুকেসন হাপচিনবগী শিংথানিংঙাই ওইবা কান্নবশিং উৎলি‍। হৌজিক লৈরিবা খেন্নবা সোসিও-ইকনমিক প্রোফাইলশিং অসিনা ইন্দস্ত্রী অমসুং লৈঙাক অনিমক্না জোব এজেন্দাগী মায়কৈদা থৌদাং য়াগদবা অকুপ্পা মীৎয়েঙ অমা পীরি‍।

জোব্স এত য়োর দোরস্তেপ অসি স্কুলশিংদা ফংহল্লিবা ত্রেদশিংবু স্কুলশিং অদুনা লৈরিবা দিস্ত্রিক্তশিংদা লৈবা ইন্দস্ত্রীশিংগী মথৌ তারিবশিংগী পরিংদা পুরক্নবা হোৎনরিবা স্কিল গেপ এনালাইসিস অমনি‍। স্তদী অসি ফংহল্লিবা স্কিল এজুকেসন অসিবু STARS স্তেত তরুক্তা মনুং হুৎপা প্রাইমারী লোয়ননা সেকেন্দরী রীছর্চশিংগী খুত্থাঙদা অওন্বা পুরক্নবা হৌদোকখিবনি‍।

*****

(Release ID: 2076141) Visitor Counter : 6