#IFFIWood, 22 नोव्‍हेंबर 2024 

55व्या भारतीय आंतरराष्ट्रीय चित्रपट महोत्सवात भारतीय सिनेमांतले ट्रेलब्लेजर अक्किनेनी नागेश्वर राव (एएनआर) हांकां “सेंटिनरी स्पेशल एएनआर: अक्किनेनी नागेश्वर राव हांचें जिवीत आनी काम मनोवप” ह्या खाशेल्या सत्रांतल्यान श्रद्धांजली ओपली. पणजेच्या कला अकादेमींत जाल्ल्या ह्या सत्रात अभिनेत्री खुशबू सुंदर हिणे तांचो पूत नागार्जुन अक्किनेनी हांचे कडेन संवाद सादलो.

एएनआर हांची, दायज आनी तेलुगू सिनेमाक आकार दिवपाक म्हत्वाची भुमिका दाखोवपी, श्रद्धांजली व्हिडियो सादर करून ही कार्यावळ सुरू जाली. नागार्जुनान आपल्या बापायच्यो यादी सांगल्यो आनी ह्या क्षेत्राप्रती ताचें विचार उक्तायले.

"म्हज्या बापायचे ध्येय स्पश्ट आशिल्ले: तेलुगू सिनेमाक मेजपा सारकी शक्त म्हण मुखार हाडप" अशें नागार्जुनान सांगलें. "ताणी अन्नपूर्णा स्टुडिओ स्थापन केलो, जो आयज ह्या उद्देगाचो म्हत्वाचो भाग आसा." तशेंच तांणी तेलुगू सिनेमाक पॅन इंडिया करपाच्या एएनआर हांच्या दृष्टिचेर भर दिलो आनी म्हणलें, कि "भास आडखळ जावंक फावना, असो ताचो समज आशिल्लो जो तांच्या काळा परस फुडें आशिल्लो."

खुशबू सुंदर हीणे नागार्जुनाकडेन, एएनआर हांचे दायज मुखार व्हरपाची जापसालदारकी हाचेर भासाभास केली. अन्नपूर्णा कॉलेज ऑफ फिल्म सारकिल्या उपक्रमांतल्यान एएनआरची दृश्टी सांबाळपाचें श्रेय, नागार्जुनान आपल्या कुटुंबाक दिलें आनी "हातूंतल्यान फुडले पिळगेच्या फिल्म निर्मात्यांखातीर, एक माची तयार करपाचे आसा" अशें सांगलें.

ह्यावेळार  प्रस्न आनी जाप सत्रांत एएनआरचेर बायोपिका विशीं विचारलें, तेन्ना नागार्जुनान म्हायतीपटाखातीर आपली येवजण उक्तायली. "एक म्हायतीपट तांच्या जिविताचें आनी दृश्टीकोनाचें सार चड बरें सांगतली," अशें तांणी स्पश्ट केलें.

नागार्जुन आनी खुशबू हांणी सिनेमांतल्या एएनआरच्या योगदानाचो उत्सव मनयलो आनी एका सिनेमॅटिक दिग्गजाच्या चिरस्थायी वारशान प्रेक्षकांक प्रेरित केले.

चड तपशीलां खातीर: https://pib.gov.in/PressReleasePage.aspx?PRID=2070826

* * *

PIB IFFI CAST AND CREW | Subhash/Manali/Darshana | IFFI 55