தெலங்கானாவின் ஐதராபாதில் உள்ள என்.டி.ஆர் விளையாட்டரங்கில்  இன்று (நவம்பர் 21, 2024) நடைபெற்ற கோடி தீபோத்சவம்-2024 நிகழ்ச்சியில் இந்தியக் குடியரசுத்தலைவர் திருமதி திரௌபதி முர்மு கலந்து கொண்டார்.

நிகழ்ச்சியில் பேசிய குடியரசுத்தலைவர், தெலுங்கு கலை, கலாச்சாரம் மற்றும் பாரம்பரியம் நிறைந்த பூமியில், இந்த ஆன்மீக நிகழ்ச்சியான தீபோத்சவத்தில் பங்கேற்பதில் மகிழ்ச்சி அடைவதாகக் கூறினார். விளக்கேற்றுவது ஒவ்வொருவருக்கும் இருளில் இருந்து வெளிச்சத்திற்கும், அறியாமையிலிருந்து அறிவிற்கும் செல்லும் ஒரு செய்தியை அளிக்கிறது என்று அவர் கூறினார். தொடர்ச்சியான வளர்ச்சிப் பாதையில் நாட்டை முன்னெடுத்துச் செல்வதற்கான தீர்மானம், உண்மை மற்றும் தர்மத்தின் பாதையில் நடைபோடுவதற்கான தீர்மானம், ஒடுக்கப்பட்ட மக்களின் நலனுக்காக உழைப்பதற்கான தீர்மானம் என்ற விளக்கை ஏற்றுமாறு அவர் அனைவரையும் கேட்டுக் கொண்டார்.

இந்தியா இன்று முழுமையாக அனைவரையும் உள்ளடக்கிய வளர்ச்சி என்ற இலக்கை நோக்கி முன்னேறி வருகிறது என்றும்  இந்த இலக்கை அடைய, நாம் ஒன்றாக முன்னேறிச் செல்ல வேண்டும், வளர்ந்த இந்தியாவை உருவாக்க பங்களிக்க வேண்டும்.என்றும் குடியரசுத்தலைவர் கூறினார். நவீன வளர்ச்சியை ஏற்றுக்கொள்வதன் மூலமும், நமது புகழ்பெற்ற கலாச்சாரத்தை பாதுகாத்து பரப்புவதன் மூலமும், வளர்ச்சியின் இலக்குகளை நாம் விரைவில் அடைய முடியும் என்று அவர் நம்பிக்கை தெரிவித்தார்.

***

(Release ID: 2075675)

TS/SMB/RS/KR

(Release ID: 2075887) Visitor Counter : 9