0 3

#IFFIWood, 21 नोव्‍हेंबर 2024 

वेव्हारीक आनी सृजनशील निर्बंधांक लागून आमच्या विचारांचेर विस्वास उणो जाता म्हणून आमच्यो जायत्यो कथा कल्पना वेळा पयलींच मरतात. अशे तरेन भारत ही कथेच्या उगमस्थानाची सुवात अशी टिप्पणी नामनेचो लेखक आनी गीतकार प्रसून जोशी हांणी आयज गोंयांत आयएफआय 2024 च्या कडेक ‘द जर्नी फ्रॉम स्क्रिप्ट टू स्क्रीन: रायटिंग फॉर फिल्म अँड बियॉन्ड’ ह्या मास्टरक्लासांत उलयतना सांगलें.

संद आमच्या दारांत येतं तेन्ना सराव सुरू करपाक मेळना म्हणून सतत आपल्या क्राफ्टाचो  सराव करप महत्वाचे आसा अशें श्री जोशी हांणी सांगलें.

“खरो आशय भाशेन मर्यादीत ना आनी अशे तरेन आमी म्हणूं येता की उत्तम कविता मौनांत घडटा आनी मौन हो आमकां जोडपी सासणाचो आवाज. मौन ही निमाणी भास.” श्री जोशीन फुडें सांगलें की आमी फिल्म निर्मिती प्रक्रियेची गूढताय सोडोवची पडटली. चित्रपटांत त्रास  आसूं येता पूण चित्रपट तयार करपाची प्रक्रिया कटकट न्हय.

फिल्म करपाच्या विचारांच्या प्रवासाचेर खोलायेन वतना श्री जोशीन आपल्या भुरगेपणांतल्या घडणुकांचें कथन केलें जीं तारे जमीन पार सिनेमांतल्या ताच्या गितां खातीर प्रेरणा आशिल्लीं. “जेन्ना तुमी कितेंय खोलायेन वैयक्तीक कथन करतात तेन्ना तें सार्वत्रिक जाता” प्रसून जोशी.

“म्हज्या कवितेंत कठीण उतरांचो वापर केल्ल्यार म्हजी आवय तिडकताली, जाका लागून म्हज्या लेखन प्रक्रियेक आकार मेळ्ळो आनी ताका लागून वाचप्यां कडेन लागी वचपाक मेळळे. 

सृजनशील मळार एआय च्या जावपी परिणामा विशीं उलयतना ताणी सांगले की “I don’t take Artificial Intelligence lightly. कृत्रिम बुध्दीचेर प्रभुत्व मेळोवंक शकता हें आमी लक्षांत दवरचें पडटलें, पूण कोणाची कविता वा कथा कांय निमाण्या सत्यांतल्यान भायर सरल्या जाल्यार एआय तें तयार करूंक शकना. एआय वर्चस्व गाजोवपा वांगडाच निर्मातोच परिणाम जावपाक लागला आनी निर्मितीचेर न्हय अशें सीबीएफसीचे अध्यक्षान जोडलें.

कथा सांगप फकत कांय शारां कडेन केंद्रीत उरना हें आमी पळोवचें पडटलें आनी क्रिएटिव्ह माइंड्स ऑफ टुमॉरो (सीएमओटी) उपक्रम ह्या वाठारांतल्या कथाकारांक उदयाक येवपाक सक्षम करून ही प्रक्रिया विकेंद्रीत करपाचो यत्न करता अशें श्री जोशी हांणी जोडलें. त्या सुवातीं वयल्यान फिल्म निर्माते भायर सरले बगर ल्हान शारांनी आनी शारांतल्यो कथा आमी प्रभावीपणान सांगूंक शकनात. भारतांतल्यान खरी कथा भायर सरपाक जाय जाल्यार देशाच्या पयसुल्ल्या कोनशांतल्या लोकांक फिल्म निर्मिती सुलभ करची पडटली अशें तांणी निमाणें सांगलें.

श्री अनंत विजय हांणी मास्टरक्लासाचें संचालन केलें.

* * *

PIB IFFI CAST AND CREW | Subhash/Utkarsha/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa