#IFFIWood, 21 नोव्‍हेंबर 2024 

जागतीक मंचाचेर अपरिमीत काणयो मुखार हाडून भारताच्या 55व्या आंतरराष्ट्रीय चित्रपट महोत्सवांतल्या नॉन-फीचर फिल्म विभागाची सुरवात “घर जैसा कुछ ” ह्या लडाखी भाशेंतल्या चित्रपटान आयज जाली.  55व्या इफफींत पीआयबीन घेतिल्ले पत्रकार परिशदेंत कलाकार आनी क्रूसयत फिल्म निर्मात्यान प्रसार माध्यमां कडेन संवाद सादलो.

घर जैसा कुछ ” हो एक स्वतंत्र दिग्दर्शक श्री हर्ष सांगनी हाणें दिग्दर्शीत केल्लो लघुपट. इफफींत नॉन फीचर वर्गाचे पडदे उगडपी लद्दाखाचो पयलो चित्रपट आशिल्ल्यान  हो लघुपट सगळ्या कोनशांतल्यान लक्ष ओडून घेवपाक येसस्वी जाला.

मनशाची वारसाहक्कान मेळिल्ल्या परंपरेक पाळो दिवपाची इत्सा आनी फुडाराच्यो आकांक्षा पाळप हांचे मदल्या  सासणाच्या संघर्षाचो हो  चित्रपट सोद घेता. ह्या संघर्शाचें चित्रण ह्या सिनेमांत एके खाशेले रितीन केलां, जंय नायकाच्या आवय-बापायच्या आत्म्यांचो कथेक आकार दिवपाक म्हत्वाचो वांटो आसा. कथानकांत प्रेक्षकांखातीर  लद्दाखांतल्या समुदायाची भास, परंपरा आनी सार ,आकर्शक आनी भावनीक रितीन प्रस्तुत केला. 

म्हजे भितर ही काणी सदांच आशिल्ली, पूण आतां मेरेन ती केन्नाच वास्तवांत मूर्त रूपात येवंक  ना अशे पत्रकार परिशदेंत प्रसार माध्यमांक संबोधीत करतना दिग्दर्शक हर्ष सांगनी हांणी सांगले .  एके काळात अस्तित्वांत आशिल्लें घर सोदपाचो यत्न करपाच्या मुखेल पात्राच्या संघर्शां कडेन हांव जोडला कारण हांवेंय म्हज्या स्वताच्या जिवितांत अशीच परिस्थिती अणभवल्या.” अशेंय तांणी सांगले . 

नव्या आनी  उज्वल  संभाव्यतेच्या सोदांत आपल्या मूळ गांवाची वळख सोडून , आपल्या घराविशी आशिल्ल्या उमळशीके आड झगडत एका अज्ञात शारा कडेन वचपी सगळ्यांचे सार्वत्रिक संघर्श ह्या सिनेमांत मार्मिकपणान दाखयल्यात.

"प्रेक्षकांक सोयी आनी उबदारपण आशिल्ल्या घराविशी  तळमळीची जाणविकाय करून दिवपाखातीर, 'घर जैसा कुछ' हे नांव चित्रपटाक फावो जातले अशे आमकां दिसले अशे चित्रपटाचे दिग्दर्शकान मुखार सांगले. 

“एक सिनेमाटोग्राफर म्हूण लद्दाख सारक्या सुवातेर शूटिंग करप हें एक सपन आशिल्लें. पूण अशा सैमरम्य जाग्यार पात्रांक वेगळेपण  दिवपा  खातीर सदांच अतिरिक्त यत्न करचे पडटात, तेंय सामकें जबरदस्त जाता.” अशे पत्रकार परिशदेंत हाजीर आशिल्ल्या ह्या सिनेमाचे छायाचित्रण दिग्दर्शक श्री कबीर नायक हांणी सांगले.

लद्दाखांत तशेंच देशांतल्या हेर वाठारांनी प्रेक्षक मेळटले अशी आस्त बाळगून दिग्दर्शकान सांगले  की, “इफफीं च्या  निवडींत प्रवेश करचे पयलीं हालींच फिल्म तयार करपाचें काम सोंपलें म्हण आमकां  प्रेक्षकांक अजून हे  फिल्म दाखोवपाची संद मेळ्ळी ना; पूण सिनेमाची वळख करून घेवपी आनी ताचे कडेन प्रतिध्वनीत करपी प्रेक्षक मेळटले अशी आस्त आसा.”

देशभरांतल्या नामनेच्या चित्रपट व्यक्तींनी परीक्षण केल्ल्या नॉन फिचर फिल्म विभागांत 262 चित्रपट नोंदी आयल्यो आनी 55व्या इफ्फी खातीर 20 चित्रपटांची निवड जाली.

इफ्फींतलो नॉन फीचर फिल्म वर्ग उदेंते वटेनच्या तशेंच स्थापन जाल्ल्या फिल्म निर्मात्यांक समर्पित आसा जो डॉक्युमेंटरी आनी लघुपटांतल्यान आपलीं कामां दाखोवपाचो यत्न करतात.

लद्दाख सारक्या उण्या प्रमाणांत प्रतिनिधित्व आशिल्ल्या वाठारातल्या  ह्या सिनेमाचो आस्पाव भारतांतल्या प्रादेशिक सिनेमाचें वाडत वचपी म्हत्व दाखयता.

* * *

PIB IFFI CAST AND CREW | Subhash/Utkarsha/Darshana | IFFI 55

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai