0 6

#IFFIWood, 21 नोव्‍हेंबर 2024 

गोंयांत जाल्ल्या 55व्या आंतरराष्ट्रीय फिल्म महोत्सवाचो एक भाग म्हूण जाल्ल्यो  पॅनल चर्चा- “360° सिनेमा: जागतीक सिनेमाचो प्रसार आनी ताचो फुडार निश्चीत करपाचें म्हत्व सांगपा खातीर फिल्म फेस्टिवल दिग्दर्शकांक हाडले. ह्या पॅनलांत टोरोंटो आंतरराष्ट्रीय चित्रपट महोत्सवाचो (टीआयएफएफ) सीईओ कॅमेरॉन बेली; लोकार्नो फिल्म फेस्टिवलाची कला दिग्दर्शक जियोना नाझारो; एडिंबरो आंतरराष्ट्रीय चित्रपट महोत्सवाची फेस्टिवल निर्माती एम्मा बोआ. हे चर्चेचें संचालन शेखर कपूर ह्या भारतीय चित्रपट निर्मातो आनी इफ्फीच्या फेस्टिवल डायरेक्टर केले.

तंत्रगिन्यानाची भुमिका आनी ताचो सिनेमा जगाचेर जावपी परिणाम हांचेर भासाभास करतना पॅनेलिस्टांनी ह्या नव्या माध्यमांक लागून पारंपारीक सिनेमाक धोको आसा काय संद आसा हाचेर चर्चा केली. व्हर्च्युअल रियलिटी आनी डिजिटल फिल्म निर्मिती साधनां अशा तंत्रगिन्यानान कथा सांगपाचें क्षितीज वाडयलां हें कॅमेरॉन बेलीन मान्य केलें. पूण चित्रपट पळोवपाच्या सामुदायीक अणभवाची सुवात खंयचीच तंत्रीक उदरगत घेवंक शकना हें ताणी दाखयले.

संवसारीक सिनेमाच्या परिदृश्याक आकार दिवपाक भारतीय सिनेमाची खाशेली भुमिकेचेर जियोना नझारोन भर दिलो. भारतीय कलाकारांचे आंतरराश्ट्रीय आकर्शण ताणें मांडलें. भारतीय सिनेमा आपल्या गिरेस्त कथाकथन आनी सार्वत्रिक विशयांतल्यान संवसारीक प्रेक्षकांच्या काळजांत कशी खाशेली सुवात दवरता हाचेर तांणी भर दिलो.

प्रबळ कथनांक आव्हान दिवपी आवाज वाडोवपा खातीर महोत्सव कशे तरेन विमर्शीक मंच म्हूण काम करतात हाचेर पॅनेलिस्टांनी चर्चा केली. चित्रपट दाखोवपा भायर महोत्सवांनी सांस्कृतीक आदान-प्रदान वाडयतात, जाका लागून विंगड विंगड फाटभूंय आशिल्ल्या चित्रपट निर्मात्यांक मुखेल प्रवाहांतल्या सिनेमाक चड करून मेळनाशिल्ल्या पद्दतीन प्रेक्षकां कडेन संपर्क सादपाक मेळटा. सिनेमा एक कला प्रकार आनी संस्कृतीक अणभव अशे दोनूय प्रकार म्हणून वाडपाक आनी तिगोवन दवरपाक हो आदान-प्रदान म्हत्वाचो आसा.

तशेंच भारताची सिनेमाची खोलायेन रुजल्ली आवड पॅनेलिस्टांनी उक्तायली. कॅमेरॉन बेलीन टिप्पणी केली, “संवसारांतली ही म्हजी एक आवडीची सुवात. भारत हो सिनेमाची चड आवड आशिल्लो देश आनी ह्या कलाप्रकारांत ताचो म्हत्वाचो विकास जाला.” जियोना नझारोन आनीक म्हणलें, दर वर्सा भारतांतल्यान भायर सरपी असामान्य कलाकृती पळोवन म्हाका अजाप जाता. हांगासर आशिल्ल्यान म्हाका खोलायेन उपकाराची भावना दिसता.” कितल्याशाच वेळार भारताक भेट दिल्ल्या एम्मा बोआन आपल्या बऱ्याच काळासावन आशिल्ल्या संबंदाचेर चिंतन करून सांगलें, हांगा येवप म्हळयार घरांत परत येवपा सारकें सदांच दिसता. ही म्हजी सवी भेट, आनी हांगा सगळेच सिनेमा विशीं कितले मोगान उलयतात तें पळोवन म्हाका खोस  जाता.”

एकुणिसाव्या शेंकड्यांत जागतीक सिनेमा मुखार आशिल्ल्या आव्हानां आनी संदीची विचार करपा सारकी म्हायती ह्या पॅनेलान दिली. हो उद्देग जसो जसो जसो वाडत वता तसो तसो सिनेमाची कला सांबाळपाक, सांस्कृतीक आदान-प्रदान करपाक आनी अर्थपूर्ण कथनां संवसारीक प्रेक्षकां मेरेन पावपाक इफ्फी सारकिल्या चित्रपट महोत्सवांचें म्हत्व पयलीं सारकें म्हत्वाचें उरलां.

* * *

PIB IFFI CAST AND CREW | Subhash/Manali/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa