#IFFIWood, 21 नोव्‍हेंबर 2024 

 

देशांतल्या नव्या आनी तरणाट्या प्रतिभेक चालना दिवपाच्या हेतान भारतीय आंतरराष्ट्रीय चित्रपट महोत्सवाच्या 55व्या आवृत्तीन नवो पुरस्कार वर्ग स्थापन केला: ‘भारतीय फिचर फिल्माचो उत्कृश्ट पदार्पण दिग्दर्शक’ जातूंत पांच उल्लेखनीय पदार्पण चित्रपट दाखयतले जे भारतभरांतल्या नवो  दृष्टिकोन , विंगड विंगड कथात्मक  आनी अभिनव सिनेमा शैलीचेर भर दितात.

आयज ह्या वर्गांतल्या पांच प्रवेशां मदलो उत्कृश्ट चित्रपट वेंचून काडपाचें काम जूरीन केले. गोंयच्या पणजे हांगाच्या इफ्फी मिडिया सेंटरांत तांणी मिडिया कडेन संवाद सादलो. ह्या संवादांत, भारतीय सिनेमा सुरक्षीत आसा आनी ह्या क्षेत्रांतल्या सृजनशील प्रतिभेची आनी आकांक्षी तरणाट्यांची संख्या भरपूर प्रमाणांत आशिल्ल्यान चित्रपट निर्मितीच्या सगळ्या आंगांनी नेटान सुदारणा जाता अशी आस्त आनी खात्री ह्या  जूरी वांगड्यांनी उक्तायली. तशेंच पुरस्काराचे निकश आनी निवड प्रक्रिया हांचे विशीं तांणी म्हायती दिली.

विद्यार्थी चित्रपट, खासा  करून  फिल्म इन्स्टिट्यूटच्या विद्यार्थ्यांनी तयार केल्या चित्रपटांचो आस्पाव करपाखातीर वर्ग  वाडोवपाची  शिफारस ज्युरींनी केल्या अशे 12 राष्ट्रीय चित्रपट पुरस्कारांसयत  अनेक पुरस्कार प्राप्त फामाद  सिनेमॅटोग्राफर, ज्युरीचे अध्यक्ष श्री संतोष सिवन हांणी  आपल्या सुर्वेच्या भाषणात सांगले.  

भारतीय सिनेमाच्या फुडाराक आकार दिवपाक अशे उपक्रम म्हत्वाचे आसात हाचेर  भर दिताना  तांणी ह्या उद्देगाच्या "भविष्याक " पोसपाक तांचें म्हत्व स्पश्ट केलें. तशेंच पुरस्कार आनी मान्यताय मेळ्ळ्यार आकांक्षी फिल्म निर्माते  सशक्त जातले  आनी तांकां नवे विचार येवपाक आनी तांचें कसब सुदारपाक प्रोत्साहन मेळटलें अशें तांणी सांगलें.

डिजिटल युगाक लागून पयलेच खेपे फिल्म निर्मात्यांक आतां चड संख्येन प्रेक्षकां मुखार आपलो फुडाकार दवरपाक मात्शें सोंपें जाला अशे जूरी वांगडी श्री शेखर दास हांणी  म्हळे . पूण डिजिटल युगांत संद मेळ्ळ्यार लेगीत इफ्फीचो हो उपक्रम आकांक्षी मनशांचें मनोबल वाडयतलो आनी तांकां खूब प्रेरणा दितलो हाचेर  तांणी  भर दिलो. आदिवासी समाजाचेर आदारिल्ल्या आपल्या पयल्या चित्रपटांत ताणें मेस्ट्रो सत्यजीत रे हाच्या निमाण्या चित्रपटांतल्या ‘अगंतुक’ ह्या चित्रपटाच्या चित्रणांत कशे तरेन थोडे प्रस्न उप्रासपाचें धाडस केलें, जंय नायक परतून आदिवासी जिणेचो साधेपणांत वचपाची आकांक्षा दवरता, हाचोय उगडास श्री दासान केलो.  फुडाराक वाट मेकळी करपा खातीर मास्तरांच्या निर्मितीचेर अशे तरेचे विमर्शीक प्रस्न विचारप म्हत्वाचें हाचेर ताणें भर दिलो.

कॅमेऱ्याच्या पयल्याच प्रयोगा खातीर विशय वेंचपाच्या मळार पयलेच खेपे चित्रपट निर्मात्यांची तांक आनी परिपक्वतेची  जूरी वांगडी  श्री.सुनील पुराणीक हांणी  पुराय मनान तोखणाय केली. तशेंच पदार्पण दिग्दर्शक  पुरस्कार हाडून सृजनशील यत्नांतले सगळ्यांत बरे यत्न वळखुपा खातीर अशी ऑर्गेनिक आनी बरी जाण आशिल्ली यंत्रणा दवरपा खातीर एनएफडीसी आनी म्हायती आनी प्रसारण मंत्रालयाक तांणी परबीं दिली.

श्री. एम.व्ही.रघु हांचेखातीर  सिनेमा म्हळ्यार जादू. उजवाड, कॅमेरा आनी ऍक्शन हांचेवरवीं चित्रपट तयार करपाच्या कलेक  ताणें म्हत्व दिलें. अद्भुत नवे कलाकार  तयार करपा खातीर दर्जेदार चित्रपट शिक्षणाची गरज आसा हाचेरय ताणें भर दिलो .

पयलेच खेपे जूरी वांगडी श्री. विनीत कनोजिया  हांणी फिल्म निर्मात्यांचो मार्ग बदलून एक जुरी म्हण  जूरीच्या पॅनलांत आस्पाव जावपाक ताका दिसपी कामाची कठीणताय सांगली.

सगळ्या जूरी वांगड्यांनी खूब आदीं पदार्पण दिग्दर्शक जावपाचो अणभव सांगलो आनी आयच्या तरणाट्यांक आपली प्रतिभा दाखोवपाखातीर प्लॅटफॉर्माच्या मळार भरपूर संद मेळ्ळ्या अशें सांगलें. मांची  ना जाल्यार ती तयार करतले अशें श्री शिवन हांणी सांगलें. ते दिस गेले जेन्ना ह्या मळार पदार्पण करपाक फिल्म निर्मितीचें औपचारीक प्रशिक्षण जाय पडटाले,  ह्या दिसांनी तरणाट्यांची  कॅमेऱ्यांच्या मळार  खूब बेगीन वळख जाता अशेंय तांणी सांगले . 

पत्रकार परिशदेचें संचालन रजित चंद्रन हांणी  केलें.

पदार्पण संचालक जूरींत फुडले वांगडी आसात :

1. श्री संतोष सिवान (अध्यक्ष), सिनेमाटोग्राफर आनी दिग्दर्शक

2. श्री. सुनील पुरणीक, अभिनेतो, दिग्दर्शक आनी निर्मातो

3. श्री. सेखर दास, फिल्म दिग्दर्शक आनी पटकथा लेखक

4. श्री. एम.व्ही.रघु, सिनेमाटोग्राफर आनी दिग्दर्शक

5. श्री. विनीत कानोजिया, फिल्म निर्मातो, लेखक आनी संपादक

भारतीय सिनेमाच्या मळार  पयलेच खेपे दिग्दर्शक जाल्ल्या लोकांच्या सृजनशीलतेक आनी क्षमतेक मान दिवपाचो हो पुरस्कार आसा. हो  निर्णय ह्या नव्यान आयिल्ल्या लोकांक आदार  दिवन फुडले पिळगेंतल्या सिनेमा कथाकारांक प्रोत्साहन दिवपाची इफ्फीची वचनबद्धताय दाखयता. पुरस्कार फावो जाल्ल्या फिल्माच्या दिग्दर्शकाक ताची सृजनशील नदर, कथा सांगपाची योग्य कला, आनी एकंदर परिणामा खातीर प्रमाणपत्र आनी रोख इनाम  5 लाख रुपया मेळटलें हें सांगपा सारकें. 

जूरी विशीं चड जाणून घेवपाक:  https://iffigoa.org/debut-director-jury

पदार्पण दिग्दर्शक फिल्मां विशीं चड जाणून घेवपाक: https://iffigoa.org/debut-director-films/2024/debut-director-films

पदार्पण संचालक पूर्वावलोकन समिती विशीं चड जाणून घेवपाक: https://iffigoa.org/debut-directors-previw-commitee-2024

 

* * *

PIB IFFI CAST AND CREW | Subhash/Utkarsha/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa

(Release ID: 2075696) Visitor Counter : 6