জনজাতিয়া গৌরব দিবসতা ভগবান বিরসা মুন্দাবু শ্যদ্ধাঞ্জলি কৎলদুনা পোস্ত বিভাগনা লেজেন্দরী ত্রাইবেল লুচিংবা অমসুং ফ্রীদম ফাইতরগী ১৫০শুবা মপোক কুমওনবু ইকায় খুম্নরদুনা নিংশিংনিঙাই ওইরবা পোস্তেজ স্তাম্প অমা চাউথোক্না রিলিজ তৌখ্রে। স্তাম্প অসি ইকায় খুম্নরবা প্রধান মন্ত্রী শ্রী নরেন্দ্র মোদীনা বিহারগী জমুইদা পাংথোকপা অচৌবা থৌরম অমদা বিহারগী মুখ্য মন্ত্রী শ্রী নিতিশ কুমার অমসুং অতোপ্পা শক্নাইরবা কয়ানা শরুক য়াদুনা মায়খুম হাংদোকখি।

ইকায় খুম্নরবা প্রধান মন্ত্রী শ্রী নরেন্দ্র মোদীনা অখন্নবা পোস্তেজ স্তাম্প রিলিজ তৌবা

বিহারগী উলিহাতু (হৌজিক্না ঝার্খন্দদা)দা ১৮৭৫গী নবেম্বর ১৫দা পোকখিবা বিরসা মুন্দানা ১৮৯৯দগী ১৯০০ ফাওবা পুৱারী ওইরবা উলগুলান (গ্রেত রেবেলিয়ন) লুচিংখি, মদুদা ত্রাইবেলগী লম অমুক হন্না লৌশিন্নবা অমসুং কোলোনিয়েল ওপরেসনশিং থিংনবগীদমক মহাক্না মীওই লিশিং কয়া পুন্সিনখি। “মুন্দা রাজ”গীদমক মহাক্কী থবক থৌরমনা নমথবিবা লৈত্রবা ন্যায় লৈবা অমসুং মরোমদোম-লেপচবা সমাজ অমগী মহাক্কী মংলানগী খুদম্নি। মশাগী চহি ২৫ শুবদা মহাক মনুং মতম চাদনা লৈখিদে, অদুবু থৌনা অমসুং রেসিলিয়েন্সকী ওইবা মহাক্কী পাউজেল লৈবাক পুম্বদা কম্যুনিতীশিংবু ঙসিসু পুক্নিং থৌগৎলি।

বিরসা মুন্দাগী ১৫০শুবা মপোক কুমওনদা নিংশিংনিঙাই ওইরবা পোস্তেজ স্তাম্প
https://drive.google.com/file/d/1Hl1KV5c9yDA-8k-f10z3D6u06un-QpFq/view?usp=sharing

শ্রী শংখ সামন্তনা দিজাইন তৌবা স্তাম্প অসিদা ভগবান বিরসা মুন্দাগী শক্তি লৈরবা পোর্ত্রেয়েল অমা উৎলি, মদুগী বেকদ্রোপতা মহাক্না মহাক্কী তুংইনবশিংদা ৱা ঙাংবা অদু উৎলি। নিংশিংনিঙাই ওইরবা স্তাম্প অসি ভারতকী ফ্রীদম স্ত্রগলদা মহাক্কী নিংশিংনিঙাই ওইরবা থৌদাং অমসুং ত্রাইবেলগী ঙক ঙাক্তুনা থম্নবগীদমক মহাক্কী শ্রদ্ধাঞ্জলি অমনি।

নিংশিংনিঙাই ওইরবা পোস্তেজ স্তাম্প অসি ফার্সত দে কোবর (এফ.দি.সি.) অমসুং ব্রোশরগা লোয়ননা কোল্লেক্তিবল অমা ওইনা ফংলি, মদুনা ভারতকী নিংতম্বদা ভগবান বিরসা মুন্দাগী মমল নায়দ্রবা থৌদাং অমসুং ত্রাইবেল কম্যুনিতীদা মহাক্কী অখাংকনবগী ইম্পেক্ত অদু সেলেব্রেত তৌরি।

হৌজিক অদোমগী কলেক্সন ফংনবগীদমক ভিজিৎ তৌবিয়ু https://www.epostoffice.gov.in/

সোসিয়েল মীদিয়া লিঙ্কশিং:
1. https://x.com/JM_Scindia/status/1857327868457488735
2. https://x.com/IndiaPostOffice/status/1857372981019791684
3. https://x.com/MinOfCultureGoI/status/1857361327582253459

*****