ساگرمنتھن- دی گریٹ اوشین ڈائیلاگ، یعنی جنوبی ایشیا کی وسیع تر بحری قیادت سے متعلق سربراہ ملاقات کا آغاز آج یہاں عمل میں آیا۔ افتتاحی سیشن سے خطاب کرنے والوں میں بندرگاہوں، جہاز رانی اور آبی راستوں کے مرکزی وزیر (ایم او پی ایس ڈبلیو)، سربانند سونووال؛ یونان کے بحری امور اور انسولر پالیسی کے وزیر ، کرسٹوس اسٹائلیانائیڈس؛ مالدیپ کے ماہی پروری اور سمندری وسائل کے وزیر مملکت، ڈاکٹر عظمت احمد؛ پروونس آف ریو نیگرو، ارجنٹائنا کی قومی نمائندہ محترمہ ماریا لورینا ولاواردے؛ ایم او پی ایس ڈبلیو کے سکریٹری، ٹی کے راماچندرن کے علاوہ آبزرور ریسرچ فاؤندیشن (او آر ایف) کے صدر سمیر سرن شامل تھے۔ اس تقریب میں 61 ممالک کے نمائندوں کے ساتھ ساتھ بحری شعبے کے سینکڑوں مندوبین کی شرکت ملاحظہ کی گئی۔

حکومت ہند کی بندرگاہوں، جہاز رانی اور آبی راستوں کی وزارت (ایم او پی ایس ڈبلیو) آبزرور ریسرچ فاؤنڈیشن کے تعاون سے دو روزہ پروگرام ساگر منتھن: دی گریٹ اوشین ڈائیلاگ کا انعقاد کر رہی ہے۔ یہ پہل قدمی عالمی پالیسی سازوں، بحری ماہرین، صنعتی رہنماؤں، اور اسکالرحضرات کو ایک اسٹیج پر لے کر آتی ہے تاکہ پائیدار اور جدید بحری طریقوں کو آگے بڑھانے پر غور کیا جا سکے۔

افتتاحی اجلاس سے خطاب کرتے ہوئے، مرکزی وزیر، سربانند سونووال نے کہا، "بھارت کا میری ٹائم ویژن 2047 پائیداری کو فروغ دینے، کنیکٹیویٹی کو بڑھا کر، اور ٹیکنالوجی کا فائدہ اٹھا کر بحری شعبے کو تغیر سے ہمکنار کرنے کا ایک روڈ میپ ہے۔ وزیر اعظم نریندر مودی جی کی بصیرت افروز قیادت کے تحت ، ہماری وزارت کا مقصد ساگرمالا اور میری ٹائم امرت کال ویژن جیسے اقدامات کے ذریعے بھارت کو عالمی سمندری تجارت میں ایک رہنما بنانا ہے، 2047 تک وکٹ بھارت کے اپنے ہدف کو حاصل کرنا ہے۔ ہمارے وژن کا مقصد ہندوستان میں انقلاب لانا ہے۔ ہمارے ویژن کا مقصد بندرگاہ صلاحیت میں اضافہ کرنے، جہازرانی، بحری جہازوں کی تعمیر اور اندرونِ ملک آبی راستوں میں اضافہ کرنے کے لیے 80 لاکھ کروڑ روپئے کی سرمایہ کاری کے ساتھ بھارت کے بحری شعبے میں انقلاب برپا کرنا ہے۔ کلیدی منصوبوں میں کیرالہ میں وِزنجم بین الاقوامی بندرگاہ، مہاراشٹر میں ودھاون میں نئی ​​میگا بندرگاہیں، اور نکوبار میں خلیج گالاتھیا شامل ہیں۔ 2047 تک، ہندوستان نے 10,000 ملین میٹرک ٹن سالانہ کی بندرگاہ نقل و حمل صلاحیت کا ہدف مقرر کیا ہے، جس کے لیے ہندوستان-مشرق وسطی-یورپ اقتصادی راہداری (آئی ایم ای ای سی) اور بین الاقوامی شمال-جنوب نقل و حمل راہداری جیسی پہل قدمیوں کے ذریعے کلیدی تجارتی راستوں کو بروئے کار لایا جائے گا۔ اپنی جہاز سازی کی میراث کو زندہ کرتے ہوئے، بھارت مستقبل کے ہمہ گیر مقاصد کو پورا کرنے کی غرض سے صاف ستھرے ایندھن سے چلنے والی جہاز سازی کو آگے بڑھاتے ہوئے لوتھل میں قومی میری ٹائم ہیریٹیج کمپلیکس تعمیر کر رہا ہے۔"

یہ مکالمہ عالمی تجارت میں بھارت کے کلیدی کردار کی نشاندہی کرتا ہے، جس میں 7,500 کلومیٹر طویل ساحلی پٹی اور کلیدی جزائر اس کی سمندری صلاحیت کو تقویت فراہم کرتے ہیں۔ یہ تقریب ہریت ساگر رہنما خطوط اور قومی سبز ہائیڈروجن مشن جیسی سبز پہل قدمیوں کے ذریعے سمندری شعبے کے ڈی کاربنائزیشن کے لیے قوم کے عزم کو بھی اجاگر کرتی ہے۔

میگا بحث و مباحثے اور تبادلہ خیال کے لیے سیاق و سباق طے کرتے ہوئے، سربانند سونووال نے مزید کہا، "بھارت کی سمندری صلاحیت اور اقتصادی ترقی کے لیے اس کی اہمیت کو تسلیم کرتے ہوئے، ہماری حکومت نے گزشتہ دہائی کے دوران 'نیلگوں اور سمندر پر مبنی معیشت' کے لیے اہم پالیسی اقدامات نافذ کیے ہیں۔ بھارت –مشرق وسطیٰ-یوروپ اقتصادی راہداری(آئی ایم ای ای سی) اور بین الاقوامی شمال –جنوب نقل و حمل راہداری جیسی پہل قدمیوں میں ہماری شرکت عالمی تجارتی شراکت داری کو مضبوط بنانے کے ہمارے عزم کو واضح کرتی ہے۔ ہم مستقبل میں ایسے بحری جہاز بنانے کی بھی تیاری کر رہے ہیں جو امونیا، ہائیڈروجن اور بجلی جیسے صاف ستھرے ایندھن سے چلتے ہیں، جو بھورے، سبز اور نیلے پانی کو عبور کرنے کی صلاحیت رکھتے ہیں۔ ہمارے امرت کال میری ٹائم ویژن 2047 نے موسمیاتی عمل اور ماحولیاتی استحکام پر بہت زور دیا ہے۔

یونان کے بحری امور اور انسولر پالیسی کے وزیر کرسٹوس اسٹائلانائیڈس نے کہا، "ہمارے پالیسی سازوں کے لیے، ایک مستحکم ریگولیٹری فریم ورک اور صنعت کے لیے عالمی سطح پر یکساں مواقع کی دستیابی کو یقینی بنانا بہت ضروری ہے۔ اب وقت آگیا ہے کہ مستقبل کے حوالے سے اور حقیقت پسندانہ پالیسیوں کی بنیاد رکھی جائے جو موجودہ سمندری چنوتیوں کو مواقع میں بدل دے گی۔ بین الاقوامی نقل و حمل کے نظام جس کے بنیادی حصے میں جہازرانی ہے، کو پائیداری کے تین ستونوں کی خدمت کرنی چاہیے: ماحولیاتی، سماجی اور اقتصادی۔ یہ رابطے میں کارکردگی کو بہتر بنانے، آلودگی کو کم کرنے اور پوری میری ٹائم چین میں لچک کو یقینی بنا کر کیا جائے گا۔ اب ہمیں جس چیز کی ضرورت ہے وہ تعاون ہے اور ’ساگر منتھن: دی گریٹ اوشین ڈائیلاگ‘ اس سمت میں ایک بہترین مثال ہے۔ شراکت داری کے جذبے کے تحت، اسے یقینی بنانا ہمارے ہاتھ میں ہے۔ "

ایم او پی ایس ڈبلیو کے وزیر مملکت شانتنو ٹھاکر نے ساحلی برادریوں کی سماجی و اقتصادی صلاحیت اور عالمی شراکت داری کی ضرورت پر روشنی ڈالی۔ وزیر نے کہا، "بھارت کی اقتصادی ترقی کی رہنمائی واسودھیو کٹمبکم - 'دنیا ایک خاندان ہے۔'کے اصول سے ہوتی ہے۔  ہماری بندرگاہیں اور جہاز رانی کی راہداری صرف تجارت کے بارے میں نہیں ہے بلکہ اس کا تعلق کنیکٹیویٹی، تعاون، اور ساحلی برادریوں اور ماحولیات کی دیکھ بھال سے بھی ہے۔ سمندروں کو نہ صرف اقتصادی ترقی کے لیے بلکہ ماحولیاتی تحفظ اور توانائی کی جدت کے لیے ایک عالمی ترجیح ہونا چاہیے۔

اس اولین پہل قدمی - ساگرمنتھن کے بارے میں بات کرتے ہوئے وزیر اعظم کی اقتصادی مشاورتی کونسل (پی ایم – ای اے سی) کے رکن  سنجیو سانیال نے کہا، "یہ ہم سب کے لیے اپنے سمندری کلسٹر کو مضبوط کرنے اور نشو و نما کے لیے رہنما اصول کے طور پر کام کرنا چاہیے۔ ہمارا مقصد خود کو بحری شعبے میں سب سے آگے رکھنا ہے، اور اس مقصد کے حصول کے لیے، ہمیں صنعت کے رہنماؤں کی مہارت حاصل کرنی چاہیے جو مختلف عمودی حصوں میں معیارات مرتب کرتے ہیں۔ چھوٹے اور بڑے سمندر ، قدرت کے تحفے، وسائل، توانائی اور صلاحیت سے بھرپور ہیں۔ یہ ہماری ذمہ داری ہے کہ ہم پائیدار ترقی حاصل کرنے کے لیے علم و ہنر کو یکجا کرتے ہوئے انہیں دانشمندانہ طور پر استعمال کریں۔ ہماری عہد بندگی کو اس امر کو یقینی بنانا ہوگا کہ معیشت اور ماحولیات دونوں ہم آہنگی کے ساتھ پروان چڑھیں، اور سمجھوتہ کیے بغیر ترقی کو فروغ دیں۔ ہمارے پاس ٹیکنالوجی، نوجوان کارکن، تجارتی حجم، اسٹیل اور ساحلی پٹی - تمام تر اجزاء موجود ہیں۔ لہذا، ہمیں 10 برسوں میں دنیا کے 10-12 فیصد بحری جہازوں کی تعمیر اور دنیا کے 8 فیصد بحری جہازوں کی ملکیت/ جھنڈا لگانے کی خواہش کرنی چاہیے۔"

ساگرمنتھن کے شانہ بہ شانہ، بندرگاہوں، جہاز رانی اور آبی راستوں کے مرکزی وزیر جناب سربانند سونووال نے آج یہاں بحری امور اور انسولر پالیسی حکومت یونان کے وزیر کرسٹوس اسٹائلانائیڈس کے ساتھ باہمی ملاقات میں حصہ لیا۔ دونوں رہنماؤں نے مختلف موضوعات پر تبادلہ خیال کیا اور دونوں ممالک کے درمیان سمندری تعلقات کو مزید گہرا کرنے پر اتفاق کیا۔ دونوں رہنماؤں نے تجارت کو موجودہ 1.94 بلین امریکی ڈالر سے بڑھا کر 2030 تک وسیع کرنے، بڑھانے اور توازن پر توجہ مرکوز کرتے ہوئے اسے دوگنا کرنے پر اتفاق کیا۔

میٹنگ کے بعد بات کرتے ہوئے، مرکزی وزیر جناب سربانند سونووال نے کہا، ’’یہ ایک اچھی ملاقات تھی جو آج یہاں ساگر منتھن کے موقع پر ہوئی تھی۔ ہم نے دونوں ممالک کے درمیان میری ٹائم سیکٹر کے متعدد شعبوں میں تعاون اور تعاون پر تبادلہ خیال کیا۔ وزیر اعظم جناب نریندر مودی جی کی متحرک قیادت میں، ہندوستان نے یونان کے ساتھ اپنے دوطرفہ تعلقات کو مزید گہرا کیا ہے۔ اس پلیٹ فارم کے ساتھ، ہندوستان یورپی یونین کے بازار کے ساتھ اقتصادی تعاون کو بڑھانے کے لیے یونان کے ساتھ کام کر رہا ہے۔ ہندوستانی منڈی میں اقتصادی صلاحیت کو دیکھتے ہوئے، میں یونان کی جہاز رانی کی صنعتوں تک بھی پہنچ رہا ہوں تاکہ وہ یونان کے بحری امور اور انسولر پالیسی کے وزیر اعلیٰ کے ذریعے یہاں اپنا کام شروع کرنے پر غور کریں۔‘‘

دونوں بحری وزراء نے بحری اور جہاز رانی کے امور پر مشترکہ ورکنگ گروپ (جی ڈبلیو جی) کی اہمیت پر بھی تبادلہ خیال کیا جو سیکٹر کے مخصوص تعاون کو مستحکم کرنے کے لیے دو طرفہ ادارہ جاتی میکانزم کے طور پر اہم ہے۔ دونوں رہنماؤں نے پائیدار ترقی کے لیے اسٹریٹجک بحری اثاثوں کے بہترین استعمال پر اتفاق کیا۔ دونوں ممالک کے بھرپور ورثے کو دیکھتے ہوئے وزراء نے بندرگاہوں، جہاز رانی اور آبی گزرگاہوں کی وزارت اور حکومت ہند کے ذریعے لوتھل، گجرات میں نیشنل میری ٹائم ہیریٹیج کمپلیکس کی جاری ترقی میں تعاون کرنے پر اتفاق کیا۔ بات چیت میں قابل تجدید توانائی، بحری مطالعات میں ثقافتی اور تعلیمی تعاون اور بحری انفراسٹرکچر کی ترقی اور اس کی صلاحیت کے متعدد شعبوں کو تلاش کرنے جیسے اہم موضوعات پر بھی بات ہوئی۔

دو روزہ فورم کے ایجنڈے میں بحری کنکٹیویٹی، ہمہ گیر ترقی، تکنیکی جدت اور عالمی بحری حکمرانی کے موضوع پر سیشن شامل ہیں۔ وزارت نے پورٹ ڈیجیٹائزیشن، قابل تجدید توانائی کے انضمام، اور ڈیکاربونائزڈ شپنگ میں ہندوستان کی پیش رفت کو بھی اجاگر کیا، جس سے عالمی سمندری مرکز بننے کے ملک کے وژن کی عکاسی ہوتی ہے۔ اس ڈائیلاگ میں وزراء، سابق سربراہان مملکت و حکومت، صحافی اور ماہرین سمیت دنیا بھر کے 60 ممالک سے 1700 سے زائد شرکاء شامل تھے ۔

**********

(ش ح –ا ب ن)

U.No:2604