மத்திய அறிவியல் மற்றும் தொழில்நுட்பம், புவி அறிவியல், பிரதமர் அலுவலகம், அணுசக்தி துறை, விண்வெளி, பணியாளர், பொது குறைகள் மற்றும் ஓய்வூதியங்கள் துறை இணையமைச்சர்  டாக்டர் ஜிதேந்திர சிங், இந்தியாவின் 'வளர்ந்த இந்தியா' பயணத்தில் ஜம்மு-காஷ்மீர் ஒரு முக்கிய பங்கு வகிக்கிறது என்று கூறினார்.

எஸ்.கே.ஐ.சி.சி.யில் இன்று நடைபெற்ற சி.எஸ்.ஐ.ஆர் ஹெல்த்கேர் தீம் கான்க்ளேவின் தொடக்க அமர்வில் உரையாற்றி அவர், உயிரி தொழில்நுட்பம், விண்வெளி தொழில்நுட்பம் மற்றும் இளைஞர்கள் தலைமையிலான ஸ்டார்ட் அப் நிறுவனங்களின் மாற்றத்தக்க திறனை வலியுறுத்தி, இந்தியாவின் புதுமையான கண்டுபிடிப்புகளால் இயக்கப்படும் எதிர்காலம் குறித்த துடிப்பான சித்திரத்தை முன்வைத்தார். அவர் ஜம்மு-காஷ்மீரை பயன்படுத்தப்படாத வளங்களின் புதையலாக நிலைநிறுத்தினார்.

ஸ்டார்ட் அப்கள், மருத்துவர்கள், விஞ்ஞானிகள், கண்டுபிடிப்பாளர்கள் மற்றும் இளம் தொழில்முனைவோர் நிரம்பிய பார்வையாளர்களிடையே பேசிய டாக்டர் ஜிதேந்திர சிங், இந்தியாவின் ஸ்டார்ட்அப் சூழல் அமைப்பு, இப்போது 1.6 லட்சத்திற்கும் அதிகமான நிறுவனங்களுடன் உலகளவில் மூன்றாவது பெரியது, நமது தொழில்முனைவோர் உணர்வுக்கு சான்றாக நிற்கிறது. ஒரு தசாப்தத்திற்கு முன்பு வெறும் 350 ஸ்டார்ட்அப்-களிலிருந்து, நாம் அதிவேகமாக வளர்ந்துள்ளோம், புதுமைகளின் அதிகார மையமாக மாறியுள்ளோம் என்று கூறினார்.

விண்வெளித் துறையில் பொதுத்துறை-தனியார் கூட்டாண்மை மூலம் இந்தியா அடைந்துள்ள குறிப்பிடத்தக்க முன்னேற்றத்தை அமைச்சர் எடுத்துரைத்தார். "மூன்று ஆண்டுகளுக்கு முன்பு, விண்வெளியில் ஒற்றை இலக்க ஒத்துழைப்பு மட்டுமே இருந்தது; இன்று, 300 க்கும் மேற்பட்ட உலகத் தரம் வாய்ந்த கூட்டாளிகள் இஸ்ரோவுடன் கைகோர்த்துள்ளனர். நமது முதல் தலைமுறை விண்வெளி ஸ்டார்ட்அப்கள் இப்போது கொண்டாடப்படும் தொழில்முனைவோர் மற்றும் அறிவுத் தலைவர்கள்" என்று அவர் பகிர்ந்து கொண்டார்.

பிரதமர் திரு. நரேந்திர மோடியின் தொலைநோக்கு கொள்கைகளே இந்த சாதனைகளுக்கு ஊக்கமளிக்கும் என்று டாக்டர் ஜிதேந்திர சிங் பாராட்டினார். உலகப் பொருளாதாரத்தின் எதிர்காலம் என்று அவர் அழைத்த உயிரி தொழில்நுட்பத் துறையில் ஏற்பட்டுள்ள அசாதாரண முன்னேற்றங்களையும் அமைச்சர் கோடிட்டுக் காட்டினார். இந்தியாவின் முதல் டி.என்.ஏ தடுப்பூசி மற்றும் கர்ப்பப்பை வாய்ப் புற்றுநோய்க்கான தடுப்பூசி போன்ற முன்னோடி சாதனைகளை அவர் சுட்டிக்காட்டினார்,

"2014 ஆம் ஆண்டில், இந்தியாவின் உயிரி பொருளாதாரத்தின் மதிப்பு வெறும் 10 பில்லியன் டாலராக இருந்தது. இன்று, அது 130 பில்லியன் டாலராக உள்ளது, மேலும் 2030 க்குள் 300 பில்லியன் டாலரை எட்டும் பாதையில் நாம் இருக்கிறோம், "என்று அவர் அறிவித்தார். இந்த மாற்றத்தில் ஜம்மு-காஷ்மீரின் பங்கு குறித்தும் அவர் உணர்ச்சிகரமாக பேசினார். "இப்பகுதி ஒரு உயிரி பொருளாதார மையமாக மாற தயாராக உள்ளது, அதன் தனித்துவமான இயற்கை வளங்களுடன் அடுத்த தொழில்துறை புரட்சியை இயக்குகிறது" என்று அவர் தெரிவித்தார்.

டாக்டர் ஜிதேந்திர சிங், இளம் கண்டுபிடிப்பாளர்களுக்கு இதயப்பூர்வமான வேண்டுகோளை விடுத்தார், "2047 இந்தியாவின் சிற்பிகளாக" மாறுமாறு அவர்களை வலியுறுத்தினார். சமூக விழிப்புணர்வின் முக்கியத்துவத்தை வலியுறுத்திய அவர், தலைமுறை அறிவு இடைவெளிகளைக் குறைக்க பெற்றோர்கள் தங்கள் குழந்தைகளுடன் இதுபோன்ற கூட்டங்களுக்கு வர வேண்டும் என்று பரிந்துரைத்தார்.

இரண்டு நாள் மாநாடு நிபுணர்கள் மற்றும் பங்குதாரர்களை ஒன்றிணைத்து சுகாதார முன்னேற்றங்கள், உயிரி தொழில்நுட்பம் மற்றும் நிலையான மேம்பாட்டு உத்திகள் பற்றி விவாதிக்கிறது. குறிப்பாக இளம் ஸ்டார்ட் அப் நிறுவனங்களின் அதிநவீன கண்டுபிடிப்புகளை வெளிப்படுத்தும் கண்காட்சிகளும் இதில் இடம்பெற்றுள்ளன.

***

PKV/DL