0 9

#IFFIWood, 13 নবেম্বর 2024

মালেম অসিগী অকোইবদগী ফিলম ১৫না মখোয়গী পুক্নিংবু চিংশিনবা ঙম্বা অদুগুম্বা য়াম্না মতিক-মগুন লৈরবা ৱারি লিবা ঙম্বগি মতৌ অদু উত্তুনা 55শুবা ইন্তর্নেস্নেল ফিলম ফেস্তিবল 2024দা ময়াম্না পাম্নরবা গোলদন পীকোক্কঈদমক্তা অথোই-অহেন তান্নরগনি। হন্দক্কী চহি অসিগী লাইন-অপ অসিদা ইন্তর্নেস্নেলগী ১২ অমসুং ভারতকী ফিলম অহুমনা শরুক য়ারগনি, মখোয় খুদিংমক অসি মখোয়গী তোপ-তোপ্পা মিৎয়েং, খোঞ্জেল অমসুং মখোয়গী কলা অদুগীদমক্তা খনগৎলবশিংনি।

মালেমগী অমসুং ভারতকী সিনিমাগী খ্বাইদগী অথোইবা শক্তম অদুবু উৎলদুনা, ফিলম খুদিংমক্না মীওইবগী মগুনশিং, চৎনবী অমসুং ৱারি লৈবগী কলা অসিগী মতাংদা তোপ-তোপ্পা শক্লোনশিং উৎলি।

হন্দক্কী চহি অসি, ইকাইখুম্ননিংঙাই ওইরবা গোলদন পীকোক্কী জ্যুরী, ভারতকী শক্নাইরবা ফিলমমেকর আশুতোশ গোৱারিকর লুচিংবা অসিদা সিঙ্গাপোরগী এৱার্দ ৱিন্নিং দাইরেক্তর, এন্থোনী চেন, ব্রিতিশ অমেরিকন প্রোদ্যুসর, ইলিজবেথ কার্লসেন, স্পেনিশ প্রোদ্যুসর, ফ্রান বোর্গিয়া, অমসুং য়াম্না মমিং লৈরবা ওস্ত্রেইলয়াগী ফিলম এদিতর, জিল বিলকোকশু য়াওরি। মখোয় ময়াম পুনবা জ্যুরী অসিনা বেস্ত ফিলম, বেস্ত দাইরেক্তর, বেস্ত এক্তর (নুপা), বেস্ত এক্তর (নুপী) অমসুং স্পিসিয়েল জ্যুরী প্রাইজ য়াওনা হায়রিবা কেতেগোরীশিং অসিদা ৱিন্নরশিং অদু লেপকনি। মাইপাক্লবা ফিলম অদুনা ফেস্তিবল অসিগী খ্বাইদগী অথৌই-অহেনবগী ইকাইখুম্নবীবগা লোইননা ₹40 লাখকী মনা ফংগনি।

হন্দক্কী চহি অসিগী লাইন-অপ অসিদা তোঙান-তোঙানবা থীমশিং অমসুং জোনরাশিং কয়া অমা য়াওরি, মসিদা অমুক্তা খোদাদ্রিবা তেরিতোরীশিংদা, ঐখোয়না খংলি-উরিবশিংবশিংবু শিংনহনবা অমসুং অনৌবা খোঞ্জেল কয়া অমবু হৌন-চাউনা তাহনবা অনৌবা লম কয়া অমদা ঐখোয়বু পুক্নিং চিংশিনবা ফিলমশিং য়াওরি। 

মসিদা শিংথানিংঙাই ওইরবা নোমিনেশনশিং অদুগী মিৎয়েং খরদং তামিন্নসি:

1. ফিয়র এন্দ ত্রেমব্লিং (ইরান)

ইরানগী খ্বাইদগী হেন্না ইকাইখুম্নরবা নুপী ফিলমমেকর অনি, মানিজেহ হেকমাত অমসুং ফাইজ আজিজখানিনা মখোয়গী ফিলম ‘ফিয়র  এন্দ ত্রেমব্লিং’ দা য়াম্না য়াংনা হোংলক্লিবা মালেম অসিদা অকি-তুজুং অমসুং নাইতোম লেনবা পুনশিগা মায়োক্নরিবা অহল ওইরিবী নুপী, মাঞ্জারগী য়াম্না নিংঙমদবা ৱারি অমা উৎলি।

ইরানগী ফিলম অসি হন্দক্কী চহি অসিগী IFFIদা ৱার্ল্দ প্রমিয়র তৌরি। মসিনা খুনাই অসিদা হোংলক্লিবা ফিভমশিং অসিগী মরক অসিদা কনাগুম্বা অমনা করম্না হোংলকপগে হায়বদু উৎলি অমসুং মতম অসিগী ইরানদা নুপীশিংনা ময়োক্নরিবা শিংনবশিং অদুবুশু উৎলি।

2. গুলিজার (তর্কী)

মহাক্কী খ্বাইদগী অহানবা ফীচর অসিদা, তর্কিশ রাইতর-দাইরেক্তর বেলকিস বাইরাকনা নহা ওইরিবী নুপী ‘গুলিজার’গী পুনশিগী মতাংদা, মহাক্কী মনিং-মখা তম্না হিংনবগী লম্বি থিরকপদা মহাক্না মায়োক্নরকখিবা ত্রৌমা অমসুং খুনাই অসিনা মঙোন্দা থম্লিবা মিৎয়েংশিং অদুগী মতাংদা উৎলি।

ফেস্তিবল সর্ক্যুইৎ শিনথুংনা ময়ামগী পুক্নিং চিংশিন্দুনা, ফিলম অসিনা তোরোন্তো ইন্তর্নেস্নেল ফিলম ফেস্তিবল 2024গা লোইন-লোইননা সান সেবস্তিয়ান ইন্তর্নেস্নল ফিলম ফেস্তিবল, 2024দা হান্নশু প্রিমিয়র তৌখ্রে। 

3. হোলী কাও (ফ্রান্স)

ফ্রঞ্চ ফিলমমেকর লুইস কোর্ভোজরগী অহানবা ফীচর ‘হোলী কাও’ অসি য়াম্না হরাউ-তয়াম্বা করিশুবা নাচুংবীদবা চহি 18দা ঙাইরিবা পাখঙ ফারক্লিবা নুপামচা, তোতোনেনা মহাক্কী মচলবু শেন্ননবগী থৌদাং লৌরকপা মতমদা মহাক্কী পুনশিনা করম্না থক-খা ওল্লকখিবগে হায়বগী মতাংদা ইনখৎলক্লিবশিংগী ওইবা য়াম্না নুংঙাইবা কোমেদি-দ্রামানি। ফিলম অসিনা কেনস ফিলম ফেস্তিবল, 2024দা য়াম্না ফিদম্নিংঙাই ওইরবা য়ুথ এৱার্দ ফংখি।

ৱেস্তর্ন ফ্রেঞ্চ আল্পসকী চিংগী লমদম জুকাদা নম্বা য়াম্না ফজরবা ফিলম অসিনা ফিলম অদুদা মরু ওইবা রোল লৌরিবা অদুনা ইনখৎলকপগী হায়ফম-তৌফম খঙদনা মঙাওথিবগী চমম্নবা ফাওবা অমসুং শারেপ ফারকপগী লৌগদবা থৌদাংশিং অদুগী মতাংদা উৎলি।

4. আই এম নেভেনকা (স্পেন)

গোয়া এৱার্দ ৱিন্নিং দাইরেক্তর ইসিয়ার বোলেনগী‘আই এম নেভেনকা’ অসি নুপী অমনা খুনাই অসিদা চত্থরিবা অরানবা মিচং-মিখাই নাইবা থৌওংশিং অসিবু মহাক্কী ওইবা মওংদা লান্থেংনবগী য়াম্না ইচং-থৌবা ৱারি অমনি। ফিলম অসিনা 2024দা পাংথোকখিবা সান সেবাস্তিয়ান ইন্তর্নেস্নেল ফিল ফেস্তিবলদা উসকাদী বাস্ক কন্ত্রী 2030 এজেন্দা এৱার্দ ফংখ্রে।

ফিলম অসিনা 2001  হাই-রেঙ্কিং পোলিতিসিয়নগী মায়োক্তা সেকচুৱল হেরাসমেন্তকী মতাংদা কোর্ত কেস ঙমখিবা স্পেনদা খ্বাইদগী অহানবা নুপী ওইখিবা পোনফেরাদা সিতী কাউন্সিলগী মেম্বর নেভেনকা ফর্নান্দেজকী কেস অদুবু দ্রামতাইজ তৌখি।

অশেংবা থৌদোকশিংনা থৌগত্তুনা, মসিনা অচুম্বা ৱায়েলগীদমক্তা লান্থেংনবা অদুবু পুৱারি ওইনা ইশিল্লি অমসুং স্পেনদা হেরাসমেন্ত অমসুং জেন্দর ইক্বালিতীগী সোসাইতেল অমসুং কলচরেল ইমপ্লিকেশনশিং অদুবু এক্সপ্লোর তৌই।

5. পানোপতিকোন (জ্যোর্জিয়া-USA)

‘পানোপতিকোন’দা, গ্যোর্জিয়ান-এমেরিকন দাইরেক্তর, জোর্জ সিখারুলিজগী য়াম্না পুক্নিং চিংশিন্নিংঙাই ওইরবা অহানবা ফীচর অসিদা, নহা ওইরিবা ইনখৎলিক্লিবা জ্যোরজিয়াগী নুপামচা অমনা মহাক্কী পুনশিগী খোংচত্তা মহাক্কী আইদেন্তিতী, মোরেলিতী অমসুং মশামকপু করম্না মায়োক্নবগে হায়বগী মতাংদা তাকই। ফিলম অসিনা কার্লোভী ভারী 2024দা ইকুমেনিকেল জ্যুরী – স্পেসিয়েল মেন্সন ফংখি।

য়াম্না শারেপ ফারকপগী য়াম্না নিংঙমদবা ফাওবা ৱারি অমা ওইনা, ফিলম অসিনা কন্তেমপোররী পোস্ত-সোভিয়েত জ্যোর্জিয়ন সোসাইতীদা চাউরকপা মতমদা মায়োক্নবা শিংনবশিং অদুবু চাংয়েং তৌ্।

6. পিয়র্স (সিঙ্গাপোর)

হান্নগী নেস্নেল ফেন্সর অমসুং সিঙ্গাপোরগী ফাওগৎলক্লিবা ফিলমমেকর, নেলিসিয়া লোগী ‘পিয়র্স’ না হন্দক্কী চহি অসিদা কার্লোভী ভারী ইন্তর্নেস্নেল ফেস্তিবলদা বেস্ত দাইরেক্তর এৱার্দ ফংখি।

সাইকোলোজিকেল থ্রিলরগী ফিল অসিনা ইমুং-মনুংগী মরক্তা লৈরিবা অরুবা ফিভমশিং  অমসুং মচিল-মনাও মশেলগী মরক্তা চাংদনবগি মতাংদা উৎলি। কমপেতিতিব ফেন্সিংগী থাক ৱাংবা তাইবংদা উৎপা, ফিলম অসিনা মচিল-মনাও অনিনা মখোয়গী অনিংবা-অপম্বশিং অদুবু ফংনবা হোৎনবদা করম্না মায়োক্নবগে হায়বদু উৎলি।

7. রেদ পাথ (তুনিসিয়া)

য়াম্না প্রোদক্তিব ওইবা তুনিসিয়াগী থীয়েতর অমসুং সিনিমা দাইরেক্তর অমসুং প্রোদ্যুসর, লোফতি আচোরগী খ্বাইদগী নৌবা ফীচর ‘রেদ পাথ’না  নহা ওইরিবা শনশেননহা আস্রফনা পুক্নিং হুনা ফজরবা লেন্দস্কেপ অমদা মহাক্কী ত্রৌমা, ত্রেদিশন অমসুং পর্সোনেল লোস করম্না মায়োক্নখিবগে হায়বগী মতাংদা ৱারি লিরি। ফিলম অসি 2024দা য়াম্না ফিদম্নিংঙাই ওইরবা লোকার্না ইন্তর্নেস্নেল ফিলম ফেস্তিবলদা প্রিমিয়র তৌখি।

8. শেফর্দস (কেনাদা-ফ্রান্স)

ন্যু ক্যুবেক সিনিমাগী মাংজিল থারিবা মীশক অমা ওইরিবা, সোফী দেরাসপীগী ‘শেফর্দস’ অসি ইশানা ইশাবু হেন্না ফবা মীশক অমা ওইহনবা অমসুং খুঙ্গংগী পুনশিগী হিংবদা য়াম্না ৱাবা ফিভমশিং অদুগী মতাংদা মিৎ পেনবা ফিলম অমনি।

ফিল অসি তোরোন্তো ইন্তর্নেস্নেল ফিলম ফেস্তিবল, 2024দা বেস্ত কেনেদিয়ন ফীচর ফিলম এৱার্দ ফংখ্রবা মহাক্কী খ্বাইদগী নৌবা ফীচরনি।

ফিলম অসিদা কেনেদিয়ন কোপিরাইতর অমনা পুক্নিং লৈতাবা অমসুং অনৌবা পুনশি অমা হৌনবা, শনশেন্নহা অমা ওইদুনা পুনশী লেন্নবা ফ্রঞ্চ আল্পসতা লেবা হৌখি। অদুবু মহাক্না নাইতোম তাবা পুনশি অমসুং মহাক্কী অনৌবা পুনশি অসিদা মায়োক্নরিবা অৱাবশিং অদুবু থেংনবদা, মহাক্কী হৌখ্রবা পুনশি অদুগা অমুক হন্না মায়োক্নবা তাখি। দেরাসপরগী হৈথোই-শিংথোইরবা দাইরেক্সন অদুনা ভ্যুৱরশিংবু মীওইবগী অখাং কনবগী ৱাখল্লোন অমসুং লমচৎ-শাজৎকী পাঙ্গল অদুবু অমুক হন্না নৌহৌননা য়েংন্নিংবা ফাওহল্লি।     

9. দ ন্যু বীয়র দেত নেভর কেম (রোমানিয়া)

এৱার্দ-ৱিন্নিং রোমানিয়ন রাইতর অমসুং দাইরেক্তর, বোগদান মুরেসানুগী ‘দ ন্যু য়িয়র দেত নেভর কেম’ অসিনা মিৎয়েং তারিবশিংবু রোমানিয়াগী 1989গী রিভোল্যুশনগি মতমদা মিওই তরুক্কী পুনশিগী মতাংদা উৎলি। ফিলম অসিনা ভেনিস ইন্তর্নেস্নেল ফিলম ফেস্তিবল, 2024দা বেস্ত ফিলমগীদমক্তা ওরিজজোন্তি এৱার্দ অমসুং স্পিসিয়েল মেন্সন: ওথরস অন্দর 40 এৱার্দ ফংখি।

য়াম্না হকচিন্না কনাগুম্বা মীওই অমগী ৱারি ওইবা হিস্তোরিকেল দ্রামা ওইবা, মুরেসানুগী ফিলম অসিনা রাজনিতি ওইবা ঈরাং অমসুং মীওইবগী রেজিস্তেন্স, অমাংবা অমসুং আশাগী ৱারিশিং পুনশিন্দুনা উৎলি।

10. তোক্সিক (লিথ্বানিয়া)

মহাক্কী অহানবা ফীচর ফিলমদা, লিথ্বানিয়াগী ফিলমমেকর অমসুং স্ক্রীনরাইতর, সাউলে ব্ল্যুভাইতেনা য়াম্না ফত্তবা কয়া অমগী মরক্তা মপুং-মরৈ ফারক্লিবা নহাশিংগী মরক্তা মরুপকী ওইবা নুংশিবা মরি অমগী য়াম্না রো ওইবা অমসুং ৱাখল-হকচাং ৱাবা ৱারি অমা উৎলি।

‘তোক্সিক’ অইসনা ইনখৎলক্লিবা নহাশিংগী কমপ্লেকইসিতীশিং, মরুপ ওইবগী মরি অমসুং মশানা মশাবু মাংহঞ্জবগী মতাংদা উৎলি, ফিলমমেকর অসিনা নহা ওইরিঙৈ পুনশিগী অমোৎপা শরুক অদুবু থিজিনখি, হৌগৎলক্লিবশিং নহাশিংগী পুনশিদা মায়োক্নরিবা পুক্নিংগী অৱাবা, খঙফম-তৌফম খঙদবা পুক্নিং লৈতাদবা অমসুং মখোয়না মায়োক্নরিবা প্রেসর অদুবু উৎপগীদমক্তা য়াম্না লুনা লৌবা ফিলম অমা ওইখি।

ফিলম অসিনা 77শুবা লোকার্নো ইন্তর্নেস্নেল ফিলম ফেস্তিবল, 2024দা গোলদন লিওপার্দ, স্বাচ ফর্স ফীচর এৱার্দ অমসুং এক্যুমেনিকেল জ্যুরী প্রাইজ ফংখি।

11. ৱেবস (চেক রিপব্লিক)

চেক এক্তর, এক্রিপরাইতর অমসুং দাইরেক্তর, জিরি মাদলগী ‘ৱেবস’ অসি মহাক্কী অহুমশুবা ফীচর ফিলমনি অমসুং 97^শুবা একাদেমী এৱার্দসতা বেস্ত ইন্তরনেস্নেল ফীচর ফিলমগীদমক্তা চেক রিপব্লিক্কী ওফিসিয়েল এন্ত্রী ওইনা খনখি।

ফিলম অসি 1968তা সোভিয়েতনা চেকোলোভাকিয়াদা লান্দাবা মতমগী ৱারি ওইনা তৌবা য়াম্না মগুন লৈবা হিস্তোরিকেল দ্রামা অমনি। ফিলম অসি জর্নেলিস্তশিংগী গ্রুপ অমনা মখোয়গী লৈবাক্কী নিংখা-তম্বা অদুবু খুদোংথিনিংঙাই ওইবনা মখোয়না অশেংবা অদুবু খঙহন্নবা মখোয়গী লৈজবা পুম্নমক খুবাক্তা হাপ্তুনা হোৎনখিবগী মতাংদা ওইবা ৱারিনি

12. হু দু আই বিলোং তু (তুনিসিয়া-কেনাদা)

‘হু দু আই বিলোং তু’ অসি শকনাইরবা তুনিসিয়ন-কেনেদিয়ন ফিলমমেকর, মেরিয়ম জুবেরগী অহানবা ফীচরনি। মসি কাইরবা ইমুং অমগী য়াম্না মগুন-লৈবা অদুগা য়াম্না নিংঙমদবা ফাওবা দ্রামা অমনি। ফিলম অসিনা তুনিসিয়ন নুপী অমনা মমা ওইবিগী মীনুংশিং অমসুং মহাক্কী মচানুপানা লানদগী ময়ুমদা হল্লক্লবা মতুংদা মখোয়গী খুঙ্গংদা অৱা-অনা কয়া থোকহনবা মতমদা মহাক্না অচুম্বা থিরকপা অনিসিগী মরক্তা হা ওইদুনা লৈরবা নুপী অমগী ৱারি লিরি।

ফিলম অসি বর্লিন ইন্তর্নেস্নেল ফিলম ফেস্তিবল 2024দা প্রিমিয়র তৌখি।

ফিলম অসিনা মমা ওইবীগী মীনুংশি অমসুং মশাগী কত্থোকপগী মতাংদা য়াম্না কমপ্লেক্স ওইবা ৱারি অমা লিরি। জুবরগী থবক অসিনা মসিগী ইমোস্নেল দেপ অমসুং য়াম্না ফজবা পর্ফোর্মেন্স অদুগীদমক্তা মীয়ামদগি থাগৎনরকখি।

13. দ গোত লাইফ (ইন্দিয়া)

‘দ গোত লাইফ’ অসিদা, নেস্নেল এৱার্দ-ৱিন্নিং মলয়ালমগী ফিলম দাইরেক্তর, ব্লেসসীনা সাউদি অরাবিয়াগী য়াম্না তমথিরবা লৈকংলাদা হিংননবা হোৎনরিবা ভারতকী মাইগ্রেন্ত ৱার্কর অমগী অশেংবা ৱারি অদু লিরি।

ফিলম অসি বেনয়ামিন্না ইবা খ্বাইদগী চ৭পা মলয়ালম নোভেল আদুজীৱিথমদগী নমথোকপনি, হায়রিবা অসি গল্ফতা ইমিগ্রেন্ত লেবরর ওইবা মলয়ালি, নাজীবকী অশেংবা পুনশি ৱারিদা য়ুমফম ওইবা ৱারিনি।

মসিগী পুক্নিং মথুম-মরাং হৌহনবা দ্রামা অসিনা মাইগ্রেশন, সর্ভাইবল অমসুং পুনশিদা মায়োক্নবা অৱা-অনাশিংগী মরক্তা মীওইবগী থৌনা-লিংজেলগী ইরমশিং অসিগী মতাংদা উৎলি।

14. আর্তিকল 370 (ইন্দিয়া)

‘আর্তিকল 370’ অসি নেস্নেল এৱার্দ-ৱিন্নিং ফিলমমেকর, অদিত্য সুহাস জামভালেনা দাইরেক্ত তৌবা ভারতকী মথোং-মরম খঙদবা কনস্তিত্যুশনগী অহোংবশিংগী থৌদোক্তা য়ুমফম ওইরগা নম্বা য়াম্না তেন্স ওইবা পোলিতিকেল থ্রিলর অমনি।

ৱারি অসিনা জম্মু অমসুং কাশমিরদা স্পিসিয়েল ওতোনোমী পীরম্বা আর্তিকল 370 গী অকুপ্পা মরোলশিং অদুদা বাম্না কুপথনা থিজিল্লি। ফিলম অসিনা য়াম্না হৈ-শিংনা লমদম অসিগী সোসিয়ো-পোলিতিকেল লেন্দস্কেপ অদুবু উৎলি। দাইরেক্তর অসিনা ফিলম অসিদা শক্তি ফংনবা হোৎনবা অমসুং মশাগী ওইজবা কত্থোকপা কয়া অমগী মতাংদা ৱারি অমা য়াম্না হৈ-শিংনা শেমগত্তুনা উৎলি।

15. রাৱসাহেব (ইন্দিয়া)

‘রাৱসাহেব’ অসি নেস্নেল এৱার্দ ৱিন্নিং ফিলমমেকর নিখিল মহাজন্না দাইরেক্ত তৌবা মীয়াম্না য়াম্না খৌরাংনা ঙাইরকপা মরাথি ক্রাইম থ্রিলর ফিলম অমনি।  মসিগী ফিলম অসি হন্দক্কী চহি অসিগী IFFIদা ৱার্ল্দ প্রিমিয়র তৌরি। নিখিল মহাজনগী ক্রাইম থ্রিলর অসি ত্রাইবলগী লমশিংদা মী অমসুং শাগী মরক্তা য়ানদবা চয়েৎনবা লৈবা অদুদা য়ুমফম ওই। ফিলম অসি ভারতকী ত্রাইবল তাবা লমশিংদা সেত তৌবা পুক্নিং মথুম-মরাং হৌহনবা অদুগুম্বা ফিলমনি।

সিনিমাদা নুপীশিংগী খোঞ্জেলশিংবু সেলেব্রেত তৌবা

পনবা য়াবদি হন্দক্কী চহি অসিগী নোমিনেশনশিং অসি নুপী ফিলমমেকরশিংবুশু শৈথাবনি মরমদি য়াম্না তাঞ্জা চাদুনা, ফিলম 15 অসিগী মনুংদা 9দি য়াম্না হৈথোই-শিংথোইরবা নুপী ফিলমমেকরশিংনা দাইরেক্সন পীখি।

নখোয়গী কেলেন্দরশিং অদুবু মার্ক তৌবীয়ু

অদুনা, নখোয়না কনাগীদমক্তা লেপ্লি?

অমসুং নহাক্না খ্বাইদগী পামজবা অদু হৌজিক ফাওবা খন্দ্রিবরা?

হন্দক্কী নবেম্বর অসিদা IFFIদা ঐখোয়গা শরুক য়ামিন্নসি লাক্লো অমসুং মসিগী য়াম্না থোইদোক-হেন্দোক্না হৈ-শিংলবা সিনিমেতিক ক্রিয়েসনশিং অসিনা খ্বাই মীয়াম্না পাম্নরবা গোলদন পীকোক্কীদমক্তা অথোই-অহেন তান্নবা অসিদা মিৎয়েং তাঞ্জা অদু লৌবীয়ু।

55শুবা ইন্তর্নেস্নেল ফিলম ফেস্তিবল অসি গোৱাগী পানাজিদা 2024গী 20দগীনা 28 ফাওবা পাংথোক্লগনি। ঙক্নিংঙাই, পুক্নিং থৌগৎনিংঙাই অমসুং নুংঙাইনবা শেম শাবীরো।

*****