ভারত সরকারনা ফিশরিজ সেক্তরদা হোলিস্তিক ওইবা মওং অমদা অওনবা পুরক্নবা অমসুং লৈবাক অসিদা ব্ল্যু রিভোল্যুসনগী খুত্থাংদা শেন্মীৎলোব ফগৎহন্নবা অমসুং চাউখৎহন্নবা মাং থানা মতম পুম্নমক্তা হোৎন্দুনা লাকখি। হৌখিবা দিকেদ অসিদা ভারত সরকারগী MoFAH&Dগী ফিশরিজ বিভাগনা তোঙান-তোঙানবা স্কিমশিংগী খুত্থাংদা লুপা করোর 38,572গী মখাদা অপুনবা ইনভেস্তমেন্তশিং লাউথোকখি।

হৌরকপদগী, প্রধান মন্ত্রী মতস্য সাম্পাদা য়োজনা (PMMSY) না ফিশরিজ অমসুং এক্বাকলচর সেক্তরদা তুং কোইনা চৎনবা য়াবা, শেন্মীৎলোনগী ওইনা কান্নবা অমসুং ইনক্লুসিব গ্রোথ প্রমোৎ তৌবদা মীৎয়েং থম্লি। মরুওইবা খোঙথাংশিংগী মনুংদা মোদর্ন এক্বাকলচর প্রেক্তিসশিং, সেতলাইতদা য়ুম্ফম ওইবা মোনিতরিং, অমসুং ঙা ত্রান্সপোর্ত, সর্ভিলেন্স, অমসুং এনভাইর্নমেন্ত মোনিতরিংগীদমক্তা দ্রোন তেক্নোলোজীগী ইকুই কুইদ্রিবা এক্সপ্লোরেসন তৌবা য়াওরি।

মতাং অসিদা, দ্রোনশিংনা সেক্তর অসিদা লৈরিবা অৱাবা কয়া কোকহন্নবগীদমক্তা এপ্লিকেসন কয়া অমা পীরি। খোঙথাং লৌখৎপা মরুওইবা লমশিংদি ঈশিংগী সেম্পল লৌবা, লায়নাশিং মশক খঙদোকপা অমসুং ঙাগী ফীদ মেনেজমেন্তনি। মসিগী স্কোপ অসি এক্বাকলচর ফর্মশিং মেনেজ তৌবা, ঙাগী মার্কেতিং য়েংশিনবা, ফিশরিজ ইনফ্রাস্ত্রকচরদা থোকপা অমাংবশিংগী এসেসমেন্ত তৌবা অমসুং মহৌশাগী ওইবা দিজাস্তরশিংগী মতমদা রেস্ক্যু ওপরেসনশিংদসু পাকথোক চাউথোকহল্লি। মসিদা প্রোসিসন ফিশিং অমসুং স্তোক এসেসমেন্তগুম্বা অতোপ্পা মরুওইবা থবকশিং য়াওরি। মসিগী মথক্তা, অন্দরৱাতর দ্রোনশিংনা ঙাশিংগী মশাগী মহৌশাগী ওইবা হেবিতেৎশিংদা মখোয়গী লমচৎ শাজৎ অদুগা লোয়ননা ঈশিং ঈচেলগী পেতর্নশিংগুম্বা খুদোংচাদবা খুদমশিংবুসু মোনিতর তৌবা ঙম্মি।

ফিশরিজ দিপার্তমেন্ত, MoFAH&D না ঙা য়োকপা অমসুং এক্বাকলচরদা দ্রোন তেক্নোলোজী শীজিন্ননবা অমসুং উৎনবা ৱার্কশোপ অমা 2024গী নবেম্বর 8দা কেরলাগী কোচিদা লৈবা ICAR- সেন্ত্রেল মেরিন ফিশরিজ রিসর্চ ইন্সতিত্যুৎ (CMFRI) দা শীনখি। থৌরম অসি ফিশরিজ দিপার্তমেন্ত অমসুং মাইনোরিতী এফিয়র্স মন্ত্রালয়গী রাজ্য মন্ত্রী, শ্রী জোর্জ কুরিয়ন, শক্নাইরবশিং, সাইন্তিস্তশিং, রাজ্যগী ফিশরিজ ওফিসিএলশিং, ঙামীশিংগা লোয়ননা শরুক য়াখি।

CMFRIগী দিরেক্তর, দোক্তর গ্রীন্সন জোর্জনা মীফম অদুদা নুংঙাইবা ফোংদোকখি অমসুং নুমিৎ নিনিগী ৱার্কশোপ অসিগী মতাংদা ফোংদোকখি। মসিগী মতুংদা NFDBগী চীফ ইগজিক্যুতিব দোক্তর বি.কে. বেহেরানা হৌদোকপগী ৱারোল পীখি। মহাক্না তোঙান-তোঙানবা স্কিমশিং অমসুং থৌরাংশিং শন্দোক্না তাকখি অমসুং ফিশরিজ সেক্তরদা স্তেকহোল্দরশিংবু মসিগী কান্নবশিং অসি লৌনবা পুক্নিং থৌগৎখি।

ফিশরিজ অমসুং মাইনোরিতী এফিয়র্স মন্ত্রালয়গী রাজ্য মন্ত্রীনা শ্রী জোর্জ কুরিয়ননা হৌদোকপগী ৱারোল পীরদুনা ফিশরিজ দিপার্তমেন্তনা পায়খৎপা থৌশিলশিং অমসুং ভারতকী ঙা য়োনবা সেক্তরদা হৌখিবা চহি তরা অসিদা স্ত্রেতেজিক ইনভেস্তমেন্ত অমসুং প্রোগ্রেসিব পোলিসীশিংনা শাহৌ পীখিবা শীংথানিংঙাই ওইবা গ্রোথ অদু পনখি। ইকাই খুম্নরবা কেন্দ্রগী রাজ্য মন্ত্রীনা প্রধান মন্ত্রী মতস্য সাম্পাদা য়োজনা (PMMSY) গী মখাদা ক্লাইমেৎ রেসিলিএন্ত কোস্তেল ফিশমের্ন ভিলেজ 100 শেমগৎনবা লাউথোকখি। ইনফ্রাস্ত্রকচর হেনগৎনবা অমসুং সস্তেনেবল লাইবলিহুদশিং প্রমোৎ তৌনবা খুঙ্গং অমমমদা লুপা করোর 2গী এলোকেসন পীখি। ইনিসিএতিব অসিনা মহৌশাগী ওইবা অহোংবশিংগী মায়োক্তা রেসিলিয়েন্স হেগৎহন্নবা পান্দম থম্লি। মসিদা ঙা কংহন্নবা মফমশিং, প্রোসেসিং সেন্তরশিং অমসুং ইমর্জেন্সী রেস্ক্যু ফেসিলিতীশিং ফংহন্দুনা, সীৱীদ কলতিভেসন অমসুং গ্রীন ফ্যুল ইনিসিএতিবশিংগুম্বা ক্লাইমেৎ রেসিলেন্ত প্রাক্তিসশিংসু সপোর্ত তৌরি। অখন্ননা দিজাস্তরগী মতমদা, এক্বাকলচর ফার্মশিং অমসুং ফিশরিজ ইনফ্রাস্ত্রকচর য়েংশিন্নবা দ্রোন তেক্নোলোজীগী থৌদাং অদু মন্ত্রীনা পনখি। মহাক্না লুপা করোর 364গী ইনবেস্তমেন্তগা লোয়ননা রিএল তাইম ত্রেকিং, ৱেদর এলর্ত অমসুং কম্ম্যুনিকেসনগীদমক ত্রান্সপোন্দরশিংগা লোয়ননা ফিশীং ভেসেল লাখ অমা খুৎশিন্নবগী থৌরাং অদু ফোংদোকখি।

মেরিনগী জোইন্ত সেক্রেতরী, শ্রীমতী নিতু কুমারী প্রসাদনা মীয়াম তিনখিবা অদুদা ৱা ঙাংলদুনা মহাক্না প্রধান মন্ত্রী মতস্য সাম্পদা য়োজনাগী মরুওইবা স্কিমগী কান্নবশিং অদু পনখি অমসুং ফিশরিজ সেক্তর পাকথোক চাউথোকহন্নবা ফিশরিজ দিপার্তমেন্তকী অচেৎপা ফিরেপ অদু অমুক হন্না ফোংদোকখি। ফিশরিজ অমসুং এক্বাকলচর সেক্তরশিংদা তুং কোইনা চাউখৎপা পুরক্নবা তেক্নোলোজী শীজিন্ননবা ফিশরিজ দিপার্তমেন্তনা লেপ্পা লৈতনা হোৎনরি হায়না পনখি। তোঙান তোঙানবা স্কিমশিংগী খুত্থাংদা, মসিনা ঙাগী পোত্থোক হেনগৎহন্নবা, রিসোর্স মেনেজমেন্ত ফগৎহন্নবা অমসুং ওপরেস্নেল ইফিসিএন্সী হেনগৎহন্নবা খুমাং চাউশিল্লক্লি। মসিগী খোঙথাংশিং অসিগা মরী লৈননা দিপার্তমেন্ত অসিনা NFDB গা খুৎশম্নদুনা মরুওইবা মফমশিংদা দ্রোন উৎপগী থৌরমশিং পাংথোকখ্রে। মসিগী মনুংদা, কোলকতাগী বারাকপুরদা লৈবা সেন্ত্রেল ইনলেন্দ ফিশরিজ রিসর্চ ইন্সতিত্যুৎ (CIFRI) অমসুং বিহারগী পত্নাদা লৈবা জ্ঞান ভবন য়াওরি।

দোক্তর. ভি ভি সুরেস, হেদ মেরিকলচর দিভিজন অমসুং স্তার্তঅপ EyeROV তেক্নোলোজীস প্রাইবেৎ লিমিতেদনা দ্রোন তেক্নোলোজী অমসুং ফিশরিজ সেক্তরদা মসিগী শিংনবশিংগী মতাংদা প্রজেন্তেসন অমা পীখি। ফার্মরশিংদা তুংকোইনা চৎনগদবা এক্বাকলচরগী থবকশিং শৌগৎনবা শেমগৎলবা ঙাগী চান্নবা অখন্নবা ফোর্ম্যুলেসন অমা ওইরিবা "কেদালমিন BSF PRO ". য়েন্থোক্লবা মতুংদা মসিগী মথক্তা, মেরিন ফিশ মাইক্রোবাইওম অমসুং ন্যুত্রিজেনোমিক্সকী লমদা মরুওইবা খুমাং চাউশিল্লকপশিং অমসুং কন্ত্রিব্যুসনশিং শন্দোক্না তাক্লিবা, “ই.জি. সাইলাস সেন্তর ওফ এক্সিলেন্স এন্দ ইনোবেসন” হায়না মিংথোনবা ব্রোশর অমা লোঞ্চ তৌখি। মসিগী মথক্তা, সেসন অসিনা লৈবাক শিনবা থুংনা মেরিন সাইন্স প্রোফেস্নেলশিংগী মরক্তা তেংবাং পীনবা অমসুং লৌশিং শেয়র তৌনবা পান্দম থম্লিবা ইভেন্ত অমা ওইরিবা মেরিন বাইওলোজিকেল এসোসিএসন ওফ ইন্দিয়া (MBAI) নেস্নেল সিম্পোজিয়মগী ওফিসিএল ওইনা হৌদোকপা উৎখি।

দি.জি.গী তেক্নিকেল সপোর্তকা লোয়ননা দিপার্তমেন্তনা নবেম্বর 8, 2024দা কোচিদা লৈবা সেন্ত্রেল ইন্সতিত্যুৎ ওফ ফিশরিজ নোতিকেল এন্দ ইঞ্জিনীয়রিং ত্রেনিং (CIFNET) দা নুমিৎ নিনিগী ইন্তরেক্তিব ৱর্কশোপ অমা শীনখি। শিপ্পিং, পোর্তস অমসুং ৱাতরৱেজ মন্ত্রালয়, ভারত সরকারনা ঙা ফাবগী জহাজশিংগী রেজিস্ত্রেসন, সর্ভে অমসুং সর্তিফিকেসনগা মরী লৈনবা ৱাফমশিং খন্ন-নৈনবগীদমক। ইন্দিয়ন রেজিস্ত্রি ওফ শিপ্পিং (IRS) অমসুং শিপ্পিং কোর্পোরেসন ওফ ইন্দিয়া (SCI) গী এক্সপর্তশিংসু ৱার্কশোপ অসিদা শরুক য়াখি।

দ্রোন তেক্নোলোজীগী এপ্লিকেসন অমসুং দেমোনস্ত্রেসনগী ৱার্কশোপ অসিনা ইন্নোবেতিব তেক্নোলোজিকেল এদভান্সমেন্তশিং উৎনবা অখন্নবা প্লেৎফোর্ম অমা পীখি মসিনা ফিশরিজ সেক্তরদা মাগী পোতেন্সিএল অদু মেক্সিমাইক তৌবদা দ্রোন তেক্নোলোজীগী অচৌবা থৌদাং অদু উৎখি। থৌরম অসিদা ঙামী 700 হেনবনা শরুক য়াখি।

******************