ফুদ সেফতী এন্দ স্তেন্দর্দস ওথোরিতী ওফ ইন্দিয়া (FSSAI)না ঙসি মাগী 45শুবা সেন্ত্রেল এদভাইজরী কম্মিতী (CAC) মীফম পাংথোকখ্রে মসিদা রাজ্যশিং অমসুং য়ুনিয়ন তেরিতোরীশিংদা নবেম্বরদগী মার্চ ফাওবগী পীক তুরিস্ত সিজনগীদমক শেম শাবা ওইনা সেফতী স্তেন্দর্দশিং হেনগৎহন্নবা পাম্নরবা লমকোইবশিংগী লমথুংফম মফমশিংদা সর্ভিলেন্স হেনগৎহন্নবা হায়খ্রে।

সিজন অসিগী মনুংদা মীয়াম্না পাম্নবা মফমশিংদা দোমেস্তিক অমসুং ইন্তর্নেস্নেল তুরিস্ত অনিমক্কী মীশিং য়াম্না লাকপা অসি য়েংলগা, রাজ্যশিং/UTশিংদা তুরিস্ত স্পোৎশিং অসিদা ফুদ সেফতী ওন হ্বিলস মোবাইল লেবশিং শীজিন্ননবা খঙহনখি।

FSSAIগী CEO, শ্রী জি. কমলা বর্ধনা রাওনা তোঙান তোঙানবা রাজ্যশিংগী ফুদ কম্মিস্নরশিংদা ই-কম্মর্স প্লেৎফোর্মশিংনা শীজিন্নরিবা গুদামশিং অমসুং অতোপ্পা ফেসিলিতীশিংদা য়েংশিনবা হেনগৎহন্নবা হায়খ্রে। অসিগুম্বা গুদেনশিং অমসুং হায়রিবা প্লেৎফোর্মশিং অসিগী দেলিভরী পর্সনেলশিংগীদমক SOPশিং ইসু তৌনবা মহাক্না হায়খি।

রাজ্যশিং/UTশিংদা সর্ভিলেন্স সেম্পলশিং হেনগৎনবা হায়খি অমসুং মসিগীদমক্তা ফুদ সেফতী ওন হ্বিলস মোবাইল ভেনশিং থম্নবসু হায়খি।

মীপুম খুদিংমক্কীদমক ফুদ সেফতী অমসুং হায়জিনগীদমক ফুদ সেফতী ত্রেনিং এন্দ সর্তিফিকেসন (FoSTaC) গী মখাদা রাজ্য/UT পুম্নমক্তা ফুদ বিজিনেস ওপরেতরশিং (FBO)গী ত্রেনিং পীনবগী মতাংদসু কম্মিতী অসিনা অকনবা ৱাফম থমখি। য়ুনিভর্সিতী, কোলেজ অমসুং হোস্তেল কেন্তিনশিংদা লৈরিবা মীওইশিং য়াওনা মার্চ 2026 ফাওবদা ফুদ হেন্দলর লাখ 25 ত্রেন তৌনবা রাজ্যশিং/UTশিংদা তকশিনখি।

ইন্তিগ্রেতেদ ফুদ সেফতী এপ্রোচ অমগী মথৌ তাবা অদু থনলদুনা মরী লৈনবা মন্ত্রালয়শিং, স্তেকহোল্দরশিং চুংশিন্ননবা অমসুং রাজ্য/UTশিংদা চাং নাইনা রাজ্য অমসুং জিলাগী থাক্তা এদভাইজরী কম্মিতি মীতিংশিং পাংথোক্নবা পুক্নিং থৌগৎখি।

মীফমশিং অসিনা ইত রাইত ইন্দিয়া মুফমেন্তগী শরুক ওইনা অফবা চাবগী নাৎ অমা য়োকখৎনবা কঞ্জ্যুমরশিংগা এক্তিব ওইনা থবক তৌমিন্নবগী মরু ওইবা অদু থমখি। রাজ্যশিংদা মেলা, ৱাকাথোনশিং অমসুং স্ত্রীত প্লেশিং (নুক্কদ নাতকশিং)গুম্বা আউৎরীচ ইনিসিএতিবশীংগী খুত্থাংদা ফুদ সেফতী এৱের্নেস হেনগৎহন্নবা পাউতাকসু পীখি।

ফুদ সেফতীগী কম্মিস্নর, রাজ্য অমসুং UTশিংগী মীহুৎশিং, মকোক থোংবা FSSAI ওফিসিএলশিং, অমসুং ফুদ ইন্দস্ত্রীদগী মেম্বরশিং, কঞ্জ্যুমর গ্রুপশিং, এগ্রিকলচর সেক্তর, লেবোরেতরীশিং অমসুং রিসর্চ বোদীশিং য়াওনা মীফম অসিদা ওফিসিএল 60 হেনবনা শরুক য়াখি।

***