লেবর অমসুং ইম্প্লোইমেন্ত মন্ত্রালয়
দোক্তর মনসুখ মন্দাবিয়ানা EPS স্কীমগী মখাদা অনৌবা সেন্ত্রেলাইজ পেন্সন পেমেন্তকী পাইলোত রন মায় পাক্না লোইশিনখ্রে হায়না লাউথোকখ্রে
ওক্তোবর ২০২৪গী ওইনা জম্মু, স্রিনগর অমসুং কর্নাল রিজনগী EPS পেন্সনর লিশিং ৪৯দা লুপা করোর ১১ হেন্বগী পেন্সন য়েন্থোকখ্রে: কেন্দ্র মন্ত্রী
Posted On:
08 NOV 2024 2:32PM by PIB Imphal
পেন্সন সর্ভিসকী ফীভম ফগৎহন্নবা মশক থোকপা খোঙথাং অমা ওইনা, লেবর অমসুং এমপ্লোইমেন্ত, অমদি য়ুথ এফ্যার্সকী কেন্দ্র মন্ত্রী, দোক্তর মনসুখ মন্দাবিয়ানা এমপ্লোয়ীজ’ পেন্সন স্কীম ১৯৯৫গী মখাদা মখাদা অনৌবা সেন্ত্রেলাইজ পেন্সন পেমেন্ত সিস্তেম (CPPS)গী পাইলোত রন মায় পাক্না লোইশিনখ্রে হায়না লাউথোকখ্রে।
পাইলোত রন অসি ওক্তোবর ২০২৪গী ওইনা জম্মু, স্রিনগর অমসুং কর্নাল রিজনগী EPS পেন্সনর ৪৯,০০০ হেন্বদা লুপা করোর ১১ হেন্বগী পেন্সন য়েন্থোক্তুনা ওক্তোবর ২৯ অমসুং ৩০, ২০২৪দা মপুং ফানা লোইশিনখি হায়না মহাক্না ফোঙদোকখি।
মমাঙদা, অনৌবা CPPS সিস্তেম লাউথোকখিবা মতমদা, কেন্দ্র মন্ত্রী দোক্তর মনসুখ মন্দাবিয়ানা হায়খি, “সেন্ত্রেলাইজ পেন্সন পেমেন্ত সিস্তেম (CPPS) অয়াবা পীখিবা অসিনা EPFO মোদর্নাইজেসন তৌবগী মশক থোকপা পন্দুপ অমা ওইরে। পেন্সনরশিং লৈবাক্কী মফম অমা হেক্তদা বেঙ্ক অমা হেক্তগী ব্রাঞ্চ অমা হেক্তদগী মখোয়গী পেন্সন ফংবা য়াহন্দুনা, থৌশিল অসিনা পেন্সনরশিংনা মতম কুইনা থেংনদুনা লাক্লবা শিংনবশিংগী পাম্বৈ পুরক্লি অমসুং অপন্বা লৈতবা অমসুং মতিং লৈবা দিস্বর্সেল মেকানিজম অমা লৈহল্লে। মসি EPFO বু হেন্না চাউবা, রেসপোন্সিব ওইবা, অমসুং তেক-ইনেবল্দ তৌরবা, মাগী মেম্বরশিং অমসুং পেন্সনরশিংগী মথৌ তাবশিং হেন্না ফবা মওংদা থৌগল পীননবা লেপ্লিবা ওর্গনাইজেসন অমদা ওন্থোক্নবা ঐখোয়না হোৎনরিবশিংশিগী মায়কৈদা থাংজিন্বা মরুওইবা খোঙথাং অমনি।”
CPPS অসি দিসেন্ত্রেলাইজ তৌবা, EPFOগী জোনেল/রিজনেল ওফিস খুদিংনা বেঙ্ক ৩-৪ খক্তগা তোঙান তোঙানবা এগ্রীমেন্তশিং লৈনবা লৈরিবা পেন্সন দিসবর্সমেন্ত সিস্তেম অসিদগী তোপ তোপ্পা মওং অমদা হোংলকপা অমনি। CPPS তা, পেন্সন হৌবা মতমদা পেন্সনরশিংনা বেঙ্কতা ভেরিফিকেসনগীদমক চৎপগী মথৌসু তাররোই অমসুং পেন্সন অদু হেক থাদোকপগা খুদক্তা চঙলগনি।
CPPS সিস্তেম্না, পেন্সনরনা মফম অমদগী অমদা হোংখিবা নৎত্রগা মাগী বেঙ্ক নৎত্রগা ব্রাঞ্চ হোংখিবা ফাওবদা ওফিস অমদগী অমদা পেন্সন পেমেন্ত ওর্দরশিং (PPO) ত্রান্সফর তৌবগী মথৌ তানদনা ভারত পুম্বদা পেন্সন থাদোকপসু য়াহনগনি। মসিনা থবক্তগী পোত্থারবা মতুংদা মখোয়গী ময়ুমগী সহরদা হনখিবা পেন্সনরশিংদা চাউনা কান্নবা অমা ওইরগনি।
অনৌবা CPPS সিস্তেম অসি EPFOগী হৌজিক চত্থরিবা IT মোদর্নাইজেসন প্রোজেক্ত সেন্ত্রেলাইজ IT ইনেবল্দ সিস্তেম (CITES 2.01)গী মনুং চন্না জনুৱারী ২০২৫ ফাওবদা মপুং ফানা চৎনরগনি অমসুং EPFOগী EPS পেন্সনর লাখ ৭৮ হেন্বদা কান্নবা ফংহনগনি।
EPFO না EPS পেন্সনরশিংগী সর্ভিস ফগৎহন্নবগী মায়কৈদা লেপ্পা লৈতনা থবক পায়খৎলি অমসুং অনৌবা CPPS সিস্তেম অসিনা মায়কৈ অসিদা পায়খৎপা অচৌবা রিফোর্ম অমনি।
*******
(Release ID: 2071779)
Visitor Counter : 25