ভারতকী রাস্ত্রপতি, শ্রীমতি দ্রৌপদি মুর্মুনা ঙসি (নবেম্বর 5, 2024) নই দিল্লীগী ইন্তর্নেস্নেল বুদ্ধিস্ত কনফেদরেসন (IBC)গা লোয়ননা খুৎশম্নদুনা ভারত সরকারগী কলচর মন্ত্রালয়না শিনবা অহানবা এসিয়ন বুদ্ধিস্ত সম্মিৎতা শরুক য়াখ্রে।

থৌরম অদুদা ৱা ঙাংলদুনা রাস্ত্রপতিনা হায়খি মদুদি ভারত অসি ধর্মগী থৌজাল ফংলবা লমদম অমনি। চহিচা খুদিংগী, ভারত্তা অচৌবা মাস্তরশিং অমসুং মিস্তিকশিং, সীয়রশিং অমসুং সীকরশিং লৈরম্মি। মখোয়না মীওইবা খুন্নাইদা নুংগী শান্তি অমসুং মপান্দা নুংশি চান্ননা লৈবগী লম্বী অমা তাক্লি। বুদ্ধ অসি মসিগী লম্বী থিরিবা মীওইশিংগী ওইনা অখন্নবা মফম অমা লৈ। বোধ গয়াদা লৈবা বোধি ত্রীগী মখাদা সিধার্থ গৌতমনা মঙাল ফংখিবা অসি পুৱারীদা অমুক্তা থোকখিদ্রিবা থৌদোক অমনি। মহাক্না মীওইবগী ৱাখল্লোনগী থবক তৌবগী মতাংদা চাংদম্নবা ঙমলরোইদবা লৌশিং ফংবতা নত্তনা, মীয়ামগী য়াইফনবগীদমক্তা 'বাহুজন সুখায়া বাহুজন হিতায়া চা'গী ৱাখল্লোন্দা মখোয়শিং অসি মীওই খুদিংমক্কী মফমদা শন্দোক্নবা খনখি।

সম্মিৎ অদুদা ৱা ঙাংলদুনা, তুরিজম অমসুং কলচরগী কেন্দ্রগী মন্ত্রী শ্রী গজেন্দ্র সিংহ শেখাৱতনা হায়খি, "থোইদোক হেন্দোক্না হায়রবদা, বুদ্ধ ধম্ম অসি পুন্সি মহিং অমনি। মসিনা পুন্সিগী ফিলোসোফী, সমাজ অমসুং কম্ম্যুনিতীগা লোয়ননা করম্না মীনুংশি, নুংশিবা অমসুং থৌজাল হৈবা অমসুং মান্নবা মওংদা শেয়রগী মনুংদা শান্তি, নুংঙাইবা অমসুং অপুনবগী পুন্সি অমা হিংবা য়াগনি হায়বদু তাকই। ঐখোয় মীওইবা খুদিংমক, বুদ্ধিস্ত অমসুং নন-বুদ্ধিস্ত ওইরবসু বুদ্ধগী অচুম্বা, নুংশিবা অমসুং অহিংবা পোৎলম খুদিংমক্কী ইকাই খুম্নবা উৎপগী পাউজেলদগী ইথিল ফংলি।

মহাক্না মখা তারদুনা হায়খি, "ঙসিদি ঐখোয়না অচেৎপা লেগেসী অসিগী হেরিতেস ওইনা অমত্তা ওইনা লেপ্লি। ভারতনা বুদ্ধ ধম্মগী পোক্নফম ওইরিবা জন্মা ভুমি অমা ওইনা, এসিয়াগী লৈবাকশিংবু শম্নহল্লিবা বুদ্ধিস্ত সেতুবু মপাঙ্গল কনখৎহন্নবা, বুদ্ধিস্ত হেরিতেজ সাইতশিং ঙাক-শেন্দুনা থম্নবা, বুদ্ধিস্ত অমসুং পালী নৈনবশিং অমসুং রিসর্চ প্রমোৎ তৌনবা, ইন্তর্নেস্নেল বুদ্ধিস্ত কলচরেল একচেঞ্জদা মতেং পাংনবা অমসুং বুদ্ধিস্ত তীর্থ চৎপগী থৌওংশিংবু লায়থোকহন্নবগীদমক মহাক্কী ফিরেপ অদু অমুক হন্না ফোংদোক্লি। এসিয়াগী লৈবাক কয়াদগী লাকপা বুদ্ধিস্ত লুচিংবা অমসুং স্কোলরশিংনা শরুক য়াবা অসিনা মীওইবা খুন্নাইবু শান্তি, লৌশিং অমসুং নুংশি-চান্নবগী মায়কৈদা লমজিংদুনা লাক্লিবা বুদ্ধ ধর্মগীহিংলিবা চৎনবী অদু উৎলি”।

থৌরম অসিগী মরুওইবা অদু পল্লদুনা মন্ত্রীনা হায়খি মদুদি, “ঐখোয়না মালেমগী ওইবা শিংনবশিং থেংনরিবা অসিদা বুদ্ধগী মিদ্দল পাথ অমসুং নোবল ত্রেৎ মরি অসিনা মতম চুপ্পগী ওইবা সোলুসনশিং পীরি। সম্মিৎ অসিনা বুদ্ধিস্ত দিপ্লোমেতিক রিলেসনশিং মপাঙ্গল কনখৎহন্নবা, বুদ্ধিস্তকী মীৎয়েংদগী হৌজিক মতমগী খুন্নাইগী ওইবা ৱাফমশিং খন্ননবা, বুদ্ধিস্ত লৈবাকশিংগী মরক্তা কলচরেল বোন্দশিং মপাঙ্গল কনখৎহন্নবা, বুদ্ধিস্ত তুরিজম অমসুং পিলগ্রিমেজ প্রমোৎ তৌনবা অমসুং অরিবা বুদ্ধিস্ত মেনুস্ক্রিপ অমসুং আর্তিফেক্তশিং ঙাক্তুনা থম্নবা পান্দম থম্লি”।

শ্রী শেখাৱতনা মখা তাখি, "অহানবা এসিয়ন বুদ্ধ সম্মিৎ 2024 অসি এসিয়াগী মফম কয়াদা লৈরিবা বুদ্ধ ধম্মগী তোঙান তোঙানবা ৱাঙাংলোইশিংবু পুনশিন্নবা, ৱারী শানবদা পুক্নিং থৌগৎপা, হৌজিক মতমগী শিংনবশিং থেংননবা অমসুং বুদ্ধ ধম্মগী কলচরেল হেরিতেজ অসিবু প্রমোৎ তৌরিবা তোপ তোপ্পা খুদোংচাবা অমনি। মীফম অসিনা অপুনবা ৱাখল্লোন অমসুং থবকশিংগী খুত্থাংদা হেন্না নুংশিনবা, তুং কোইবা অমসুং শান্তি লৈবা মালেম অমা শেমগৎনবা পান্দম থম্লি। মীফম অসিনা অনৌবা মতম অসিদা বুদ্ধ ধম্মগী থৌদাংবু মপাঙ্গল কনখৎহন্নবা অমসুং তুংগী মীরোলগীদমক্তা মসিগী তুং কোইনা চৎনগদবা মরী লৈনহন্নবা পান্দম থম্লি”।

কেন্দ্রগী পার্লিয়ামেন্তরী এফিয়র্স অমসুং মাইনোরিতী এফিয়র্সকী মন্ত্রী শ্রী কিরেন রিজিজুসু থৌরম অদুদা ৱা ঙাংখি।

****