ہندوستان کی صدر محترمہ دروپدی مرمو نے آج یہاں نئی ​​دہلی میں بین الاقوامی بدھسٹ کنفیڈریشن ( آئی بی سی) کے تعاون سے حکومت ہند کی وزارت ثقافت کے زیر اہتمام پہلی ایشیائی بدھ سمٹ میں شرکت کی۔

اس موقع پر خطاب کرتے ہوئے صدر جمہوریہ نے کہا کہ ہندوستان دھرم کی مبارک سرزمین ہے۔ ہر دور میں ہندوستان میں مہان گرو ، رشی منی اور دریافت  کے متلاشی رہے ہیں جنہوں نے انسانیت کو اندر اور باہر ہم آہنگی تلاش کرنے کا راستہ دکھایا ہے۔ مہاتما بدھ ان راہبروں میں ایک منفرد مقام رکھتے  ہیں۔ بودھ گیا میں بودھی درخت کے نیچے سدھارتھ گوتم کا روشن ہونا ایک ایسا واقعہ ہے جس کی تاریخ میں مثال نہیں ملتی۔ انہوں نے نہ صرف انسانی ذہن کے کام کے بارے میں بے مثال بصیرت حاصل کی، بلکہ انہوں نے عوام کی فلاح و بہبود کے لیے‘‘بہوجن سکھائے  بہوجن ہتائے چا’’کے جذبے کے تحت انہیں تمام لوگوں کے ساتھ بانٹنے کا بھی انتخاب کیا۔

سربراہی اجلاس سے خطاب کرتے ہوئے سیاحت اور ثقافت کے مرکزی وزیر جناب گجیندر سنگھ شیخاوت نے کہا-‘‘حقیقی معنوں میں بدھ دھام زندگی کا ایک طریقہ ہے۔ یہ زندگی کے فلسفے کی تبلیغ کرتا ہے کہ کس طرح زندگی کو سکون، خوشی اور ہم آہنگی کے ساتھ گزارا جائے، اسی طرح ہمدردی، محبت اور مہربانی اور معاشرے اور برادری کے ساتھ مساوات بحیثیت انسان ہم سب، خواہ بدھ مت کے ماننے والے ہوں یا غیر بدھ مت کے ماننے والےتمام جانداروں کے لیے دیانتداری، ہمدردی اور احترام کے بدھ کے پیغام میں الہام پا سکتے ہیں’’۔

انہوں نے مزید کہا کہ ‘‘آج ہم اس قدیم  اورگہرے ورثے کے وارث کے طور پر متحد ہیں۔  ہندوستان ایک جنم بھومی کے طور پر - بدھ دھام کی جائے پیدائش- ‘دھما سیتو’ کو مضبوط بنانے کے لیے اپنے عزم کا اعادہ کرتے ہیں ، بدھ مت کا پل جو ایشیائی اقوام کو جوڑتا ہے جو بدھ مت کے ورثے کے مقامات کو محفوظ اور ترقی دے رہا ہے، بدھ مت اور پالی علوم اور تحقیق کو فروغ دے رہا ہے، بین الاقوامی بدھ ثقافتی تبادلے کی حمایت کرتا ہے اور بدھ مت یاتری سرکٹس کی سہولت فراہم کرنا، پورے ایشیائی ممالک سے بدھ مت کے رہنما ماہر علما کی موجودگی، بدھ دھرم کی زندہ روایت کی علامت ہے جو انسانیت کو امن، حکمت اور ہمدردی کی طرف رہنمائی کرتی رہتی ہے’’۔

تقریب کی اہمیت پر روشنی ڈالتے ہوئے وزیر موصوف  نے کہا کہ‘‘جب ہم عالمی چیلنجوں کا سامنا کر رہے ہیں تو درمیانی راستہ اور بدھ کی چار عظیم سچائیاں لازوال حل پیش کرتی ہیں۔ اس سربراہی اجلاس کا مقصد بدھ مت کے سفارتی تعلقات کو فروغ دینا، بدھ مت کے نقطہ نظر سے عصری سماجی مسائل کو حل کرنا، بدھ اقوام کے درمیان ثقافتی رشتوں کو مضبوط کرنا، بدھ مت کی سیاحت اور زیارت کو فروغ دینا اور قدیم بدھ مت کے نسخوں اور نوادرات کو محفوظ کرنا  شامل ہے’’۔

جناب شیخاوت نے مزید کہا-‘‘پہلی ایشیائی بدھ سمٹ 2024 ایشیا بھر میں بدھ دھام کی متنوع آوازوں کو بات چیت کو فروغ دینے، عصری چیلنجوں سے نمٹنے اور بدھ دھام کے بھرپور ثقافتی ورثے کو فروغ دینے کے ذریعے ایک ساتھ لانے کے ایک منفرد موقع کی نمائندگی کرتی ہے۔ اس سربراہی اجلاس کا مقصد ایک اہم کردار ادا کرنا ہے اوراس اجتماعی عکاسی اور سرگرمیوں کے ذریعے زیادہ ہمدرد، پائیدار اور پرامن دنیا کو تشکیل دینا ہے۔ سربراہی اجلاس جدید دور میں بدھ دھام کے کردار کو مضبوط بنانے اور آنے والی نسلوں کے لیے اس کی پائیدار مطابقت کو یقینی بنانے کی خواہش رکھتا ہے’’۔

اس پروگرام سے پارلیمانی اور اقلیتی امور کے مرکزی وزیر جناب کرن رجیجو نے بھی اس اجتماع سے خطاب کیا۔

*****

ش ح ۔ظا۔ ج 

U No:2110