দিপার্তমেন্ত ওফ সাইন্তিফিক এন্দ ইন্দস্ত্রীএল রিসর্চ (DSIR) না মাগী ওতোনোমস বোদী, কাউন্সিল ফোর সাইন্তিফিক এন্দ ইন্দস্ত্রীএল রিসর্চ (CSIR) অমসুং PSU অনি হায়বদি নেস্নেল রিসর্চ দিবেলপমেন্ত কোর্পোরেসন (NRDC) অমসুং সেন্ত্রেল ইলেক্ত্রোনিক্স লিমিতেদ (CEL)গা লোয়ননা DSIRগী সেক্রেতরী, দা. (শ্রীমতি) এন. কালাসেলভিগী লমজিং মখাদা স্পেসিএল কেম্পেন 4.0 অসি ওক্তোবর 2দগী ওক্তোবর 31, 2024 ফাওবদা মায়পাক্না পাংথোকখ্রে। কেম্পেন অসি DSIRগী সেক্রেতরী অমসুং CSIRগী DGনা 2024গী ওক্তোবর 2দা CSIRগী হেদক্বার্তর, অনুসন্ধান ভবন, নই দিল্লীদা লুনানবগী দ্রাইবকা লোয়ননা হৌদোকখি।

সেক্রেতরী DSIR অমসুং DG CSIRনা 2024গী ওক্তোবর 2দা CSIR Hqsদা স্বচ্ছ ভারত দিবস (SBD) 2024গী থৌরমদা সাফাই মিত্রাশিংবু থাগৎপা ফোংদোকখ্রে। স্বচ্ছতা হী সেবা কেম্পেন 2024গী শরুক অমা ওইনা, DSIRগী জোইন্ত সেক্রেতরীনা সাফাই মিত্রাশিংবু 2024গী ওক্তোবরগী অহানবা চয়োলদা DSIR, তেক্নোলোজী ভবন, নই দিল্লীদা তরাম্না ওকখি।

  

কেম্পেন অসিগী মনুংদা DSIR অমসুং CPSEশিং হায়বদি সেন্ত্রেল ইলেক্ত্রোনিক্স লিমিতেদ (CEL) অমসুং নেস্নেল রিসর্চ দিবেলপমেন্ত কোর্পোরেসন (NRDC) অমসুং লৈবাক শিনবা থুংনা লৈরিবা CSIRগী লেব 37 খুদিংমক্তা  ‘শ্রমদান’সু পাংথোকখি মসিদা ওফিসরশিং/ স্তাফশিংনা 'একপেদমাকেনাম' কেম্পেনগী শরুক অমা ওইনা ক্লিনলীনেস অমসুং প্লান্তেসন দ্রাইবতা শরুক য়াখি। মান্নবা প্লান্তেসন দ্রাইব অসি DSIRগী হেদক্বাতরদা পাংথোকখি।

স্পেসিএল কেম্পেন 4.0গী শরুক অমা ওইনা, সাইন্তিফিক অমসুং ইন্দস্ত্রীএল রিসর্চ (CSIR) না নোর্দন রেলৱেজগা খুৎশম্নদুনা, ন্যু দিল্লী রেলৱে স্তেসনদা ক্লিনলিনেস  দ্রাইব অমা পাংথোকখি। CSIRগী সেক্রেতরী অমসুং DG দোক্তর এন. কালৈসেলভি অমসুং ন্যু দিল্লী রেলৱে স্তেসনগী স্তেসন দিরেক্তর শ্রী মহেশ য়াদবনা স্বচ্ছতা দ্রাইব অদুবু লুচিংখি। থৌরম অদুগী মনুংদা, CSIRনা পব্লিক ক্লিনলিনেস ঙাক্না থম্বদা সেনিতেসন ৱার্করশিংনা শরুক তম্লিবা অদুবু শকখঙলদুনা ন্যু দিল্লী রেলৱে স্তেসনগী সফাই মিত্রাশিংবু থাগৎপা ফোংদোকখি।

    

DSIRগী সেক্রেতরীগী থৌনা ফরবা লুচিং মখাদা অমসুং DSIRগী জোইন্ত সেক্রেতরী, স্পেসিএল কেম্পেন 4.0গী নোদেল ওফিসরনা কুপ্না য়েংশিনবগা লোয়ননা কেম্পেন অসি য়াম্না মায় পাক্না পাংথোকখি। 2024গী ওক্তোবর 2দগী 2024গী ওক্তোবর 31 ফাওবগী স্পেসিএল কেম্পেনগী মতমগী মনুংদা, PGশিংগী পেনদেন্সী হন্থহন্নবা অমসুং ওফিসকী মফমশিং অমসুং অকোইবদা অপুনবা শেংদোকপা হেনগৎহন্নবা অমসুং দিপার্তমেন্ত অমসুং মাগী ওর্গনাইজেসনশিংদা থবক তৌবগী ফিভম ফগৎহন্নবা মীৎয়েং থমখি।

সাইন্তিফিক অমসুং ইন্দস্ত্রীএল রিসর্স দিপার্তমেন্ত (DSIR) না IMCগী রিফরেন্সশিং, পব্লিক গ্রিভান্সশিং, আপিলশিং অমসুং রেকোর্দ মেনেজমেন্তগী পেনদেন্সীশিং লোইশিন্নবা 100%গী পান্দম মায় পাক্না ফংবা ঙমখ্রে।

  

কেম্পেন অসিগী শরুক অমা ওইনা, ফিজিকেল ফাইল 9,120 রিভিয়ু তৌখি, ফিজিকেল ফাইল 4488 ৱিদেদ তৌখি, ক্লিনলিনেস কেম্পেন 85 পাংথোকখি, স্ক্রেপ দিস্পোজেলদগী লুপা 19,04,125/-গী শেন্থোক পুথোকখি অমসুং স্ক্রেপ দিস্পোজেল অমসুং ফাইলশিংদগী ৱিদেদ তৌদুনা অপুনবা স্ক্বার ফিৎ 39,230 গী অহাংবা মফম অমা হাংহনবা ঙমখি।

ঐখোয়না মাংলোমদা চংশিল্লিবা অসি য়েংলগা, DSIRনা পেনদেন্সী জিরো, প্রোসেসশিং দিজিতেলাইজ তৌবা তপ্না তপ্না হেনগৎহনবা অমসুং মসিগী স্তেকহোল্দরশিংগী অপুনবা সর্ভিস দেলিভরী এক্সপরিয়েন্স হেনগৎহনবদা লেপ্লি। অখন্নবা কেম্পেন 4.0গী ইম্পেক্ত অমসুং অখন্নবা হোৎনবশিং অসি লেপ্পা লৈতনা চত্থগদবা থৌওং অমা ওইগনি অমসুং লাক্কদৌরিবা থাশিংদা হায়রিবা মওংদা লেপ্তনা চত্থগনি।

***

(Release ID: 2070892) Visitor Counter : 19