কঞ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং ন্যু এন্দ রিন্যুএবল ইনর্জীগী কেন্দ্রগী মন্ত্রী, শ্রী প্রলহাদ জোশিনা ঙসি রাজ্য মন্ত্রী, শ্রী বি.এল. ভর্ম য়াওদুনা NCCF, NAFED অমসুং কেন্দ্রিয়া ভন্দরগী মোবাইল ভেনশিং লমথাদুনা ভারত অত্তা অমসুং ভারত রাইসকী রিতেল সেলগী ফেস –II হৌদোকখ্রে।

ভারত অত্তা কেজি অমদা MRP লুপা 30দা অমসুং ভারত রাইস কেজি অমদা MRP লুপা 34দা কঞ্জ্যুমরশিংদা ফেজ-IIগী মনুংদা ফংহল্লি। থৌরম অদুগী মনুংদা পাউমীশিংগা ৱারী শানবদা, শ্রী জোশীনা হায়খি মদুদি থৌরাং অসি ভারত সরকারনা কঞ্জ্যুমরশিংদা সবসিদাইজ ওইবা মমলদা তঙাই ফদবা চিঞ্জাক্কী পোৎলমশিং ফংহন্নবা হোৎনবগী মাইকৈদা চংশিল্লিবা ফিরেপ অদু উৎলি। ভারত ব্রান্দগী মখাদা মরুওইবা চিঞ্জাক্কী পোৎলমশিং হায়বদি চেং, অত্তা অমসুং হৱাইগুম্বা য়োনবগী খুত্থাংদা হকথেংননা মতেং পাংবনা স্তেবল প্রাইস রেজিম অমদা লৈহনবদা মতেং পাংই হায়না মহাক্না মখা তাখি।

ফেস-IIগী অহানবা তাঙ্কক্তা গেহু 3.69 LMT অমসুং চেং 2.91 LMT রেতেল সেলগীদমক ফংহনখ্রে। ফেস-I মনুংদা সবসিদাইজ ওইবা রেৎশীংদা জেনরেল কঞ্জ্যুমরশিংদা ভারত অত্তা 15.20 LMT অমসুং ভারত রাইস 14.58 LMT রোম ফংহনখি।

ভারত অত্তা অমসুং ভারত রাইস অসি কেন্দ্রিয়া ভান্দর, NAFED অমসুং NCCF অমসুং ই-কম্মর্স/ অচৌবা চেন রিতেলরশিংগী দুকানশিং অমসুং মোবাইল ভেনশিংদা ফংলগনি। ফেজ-IIগী মনুংদা ভারত ব্রান্দগী অত্তা অমসুং রাইস কেজি 5 অমসুং কেজি 10গী বেগশিংদা য়োনগনি।

পঞ্জাবতা ফৌগী প্রোক্যুর্মেন্তগী মতাংদা পাউদম্লদুনা, কেন্দ্র সরকারনা পঞ্জাবতা পান্দম থম্লিবা প্রোক্যুর্মেন্তগী এস্তিমেৎ অসি 184 LMT য়ৌহন্নবা অমসুং লৌমীশিংনা মান্দীদা পুরকপা ফৌ খুদিংমক লৌনবা হোৎনগনি হায়না কেন্দ্র সরকারনা অচেৎপা ৱাফম থমখি। নবেম্বর 4, 2024 ফাওবদা পঞ্জাব মন্দীশিংদা অপুনবা চেং 104.63 LMT য়ৌরকখ্রে। মসিগী মনুংদা স্তেত এজেন্সীশিং অমসুং FCIনা 98.42 LMT  প্রোক্যুর তৌখি। ভারত সরকারনা গ্রেদ 'এ'গী ফৌগীদমক লেপখিবা MSP @ Rs 2320/-দা ফৌ অসি লৌরগনি। হৌজিক চত্থরিবা KMS 2024-25দা ভারত সরকারনা হৌজিক ফাওবদা লুপা করোর 20,557গী অপুনবা ফৌ লৈশিনখ্রে। মসিনা লৌমী লাখ 5.38দা কান্নবা ফংহনখ্রে অমসুং MSPগী শেনফম অসি মখোয়গী বেঙ্ক একাউন্তশিংদা ক্রেদিৎ তৌখ্রে।

*****