কেন্দ্র সরকারনা হরিয়ানা, ত্রিপুরা অমসুং মিজোরামগী রুরেল লোকেল বোদীশিং (RLBশিং)গীদমক শেনবা চহি 2024-25গী ওইনা তরামঙাশুবা ফাইনান্স কম্মিসন (XV FC) গ্রান্তশিং কাইখ্রে।

হরিয়ানাগী পঞ্চায়তি রাজ ইন্সতিত্যুসনশিং (PRI) / RLBশিংদা অহানবা ইন্সতোলমেন্তকী শরুক অমা ওইনা লুপা করোর 194.867গী অনতাইদ গ্রান্ত পীখ্রে। কাইথনবগী পীরিবা মেন্দতরী কন্দিসনশিং থুংলবা রাজ্য অসিগী ইলিজিবল ওইবা দিস্ত্রিক্ত পঞ্চায়ৎ 18, ব্লোক পঞ্চায়ৎ 139 অমসুং গ্রাম পঞ্চায়ৎ 5911গীদমক শেনফম অসি পীখ্রে।

ত্রিপুরাদা রুরেল লোকেল বোদীশিংগী ওইনা, লুপা করোর 31.40 গী অনতাইদ গ্রান্তশিংগী অহানবা ইন্সতোলমেন্ত অমসুং লুপা করোর 47.10 গী তাইদ গ্রান্তশিংগী অহানবা ইন্সতোলমেন্ত রিলিজ তৌখ্রে। হায়রিবা ফন্দশিং অসি রুরেল লোকেল বোদী 1260 পুম্নমক্কীনি [ত্রেদিস্নেল লোকেল বোদীশিং য়াওনা হায়বদি. TTAADC 1(ত্রিপুরা ত্রাইবেল এরিয়াস ওতোনোমস দিস্ত্রিক্ত কাউন্সিল), হেদক্বার্ত; ব্লোক এদভাইজরী কম্মিতী 40; অমসুং ভিলেজ কম্মিতী 587]।

মিজোরামগী PRI/RLBশিংগীদমক শেনবা চহি 2022–23গী অনতাইদ গ্রান্তশিংগী অনিশুবা ইন্সতোলমেন্তগী লুপা করোর 14.20 অমসুং শেনবা চহি 2022–23গী তাইদ গ্রান্তশিংগী অনিশুবা ইন্সতোলমেন্তগী লুপা করোর 21.30 ওইরিবা XV FC না ফন্দশিং রিলিজ তৌখ্রে। । হায়রিবা শেনফমশিং অসি ওতোনোমস দিস্ত্রিক্ত কাউন্সিল এরিয়াশিং য়াওনা খুঙ্গং কাউন্সিল 834গীদমক্তানি।

তাইদ অমসুং অনতাইদ গ্রান্তশিং

অনতাইদ গ্রান্তশিং অসি রুরেল লোকেল বোদিশিংনা সংবিধানগী তরামাপলশুবা সেদ্যুলদা য়াওরিবা সবজেক্ত তরাগী মনুংদা, লোকেসনগী ওইনা অখন্নবা মথৌ তাবশিং ফংনবগীদমক শীজিন্নৈ। মসিদা তোলোপ অমসুং অতোপ্পা এস্তাব্লিশমেন্তশিং য়াওদে। লিঙ্ক তৌরবা গ্রান্তশিং অসি (a) সেনিতেসন অমসুং ODF স্তেতস ঙাক-শেনবগী বেসিক সর্ভিসশিংগীদমক্তা শীজিন্নবা য়াগনি। মসিদা য়ুমগী অমোৎ-অকাইশিংগী মেনেজমেন্ত অমসুং ত্রিৎমেন্ত তৌবা, অমসুং হ্যুমেন এক্সক্রিতা অমসুং ফেকল স্লাদ মেনেজমেন্ত মরুওইনা য়াওগদবনি অমসুং (b) থক্নবা ঈশিং সপ্লাই তৌবা, নোংগী ঈশিং য়োকশিনবা অমসুং ঈশিং রিসাইকল তৌবা য়াওগদবনি।

15শুবা ফাইনান্স কম্মিসন (XV FC) গী গ্রান্তশিংগী পান্দমদি PRI/RLBশিংবু মপাঙ্গল কনখৎহন্দুনা খুঙ্গংগী লোকেল সেল্ফ-গবর্নান্সবু মপাঙ্গল কনখৎহনবনি। অসিগুম্বা ফন্দশিং অসিনা PRI/RLBশিংবু খুঙ্গংগী লমশিংদা তুংকোইনা চাউখৎপা পুরক্নবা হেন্না তৌবা ঙম্বগী, পাউখুম পীরকপা ঙম্বগী অমসুং মশা মথন্তা লেপচবা ঙম্বগী মওংদা শেমগৎপদা মতেং পাংই। প্রধান মন্ত্রী শ্রী নরেন্দ্র মোদীগী 'সবকা সাথ, সবকা বিকাস, সবকা বিশ্বাস, সবকা প্রয়াস'কী মঙলানগা মরী লৈননা, খোঙথাং অসিনা লৈবাক অসিগী চাউখৎ-থৌরাংগীদমক তঙাই ফদবা ইনক্লুসিব গ্রোথ অমসুং পার্তিসিপেতিবরী দেমোক্রেসীদা মতেং পাংলি।

ভারত সরকারনা পঞ্চায়তি রাজ মন্ত্রালয় অমসুং জল শক্তি মন্ত্রালয়গী খুত্থাংদা (দিপার্তমেন্ত ওফ দ্রিঙ্কিং ৱাতর এন্দ সেনিতেসন) রুরেল লোকেল বোদীশিংগীদমক রাজ্যশিংদা XV–FC গ্রান্তশিং রিলিজ তৌনবা রিকম্মেন্দ তৌরি। মসিগী রিলিজ অসি ফাইনান্স মন্ত্রালয়না তৌগনি। পীরিবা গ্রান্তশিং অসি শেনবা চহি অমদা শরুক অনি থোক্না রিকম্মেন্দ তৌদুনা থাদোকই।

***