پنشن اور پنشن یافتگان کی بہبود کے محکمے نے تیسری ملک گیر ڈیجیٹل لائف سرٹیفکیٹ مہم کا آغاز کیا ہے جو کہ 1-30 نومبر 2024 تک ہندوستان بھر کے 800 شہروں/اضلاع میں منعقد کی جا رہی ہے۔ مورخہ 9 اگست 2024کے او ایم کے ذریعہ محکمہ نے رہنما خطوط کو نوٹیفائی کیا ہے۔ یہ اب تک کی سب سے بڑی انجام دی جانے والی   ڈی ایل سی مہم ہے۔

یہ مہم پنشن تقسیم کرنے والے بینکوں، انڈیا پوسٹ پیمنٹس بینک، پنشن یافتگان ویلفیئر ایسوسی ایشنز، سی جی ڈی اے، ڈی او ٹی، ریلویز، یو آئی ڈی اے آئی اور الیکٹرانکس اور انفارمیشن ٹکنالوجی کی وزارت کے ساتھ مل کر منعقد کی جا رہی ہے جس کا مقصد ملک  کے دور دراز علاقوں  میں  تمام پنشن یافتگان  تک پہنچنا ہے۔

توجہ بنیادی طور پر چہرے کی تصدیق کی ٹیکنالوجی کو فروغ دینے پر ہے۔ الیکٹرانکس اور انفارمیشن ٹیکنالوجی کی وزارت اور یو آئی ڈی اے آئی  اس مہم کے دوران تکنیکی مدد فراہم کرے گی۔ عمر رسیدہ پنشن یافتگان کے لیے چہرے کی تصدیق کو زیادہ ہموار اور آسان بنایا گیا ہے اور اسے اینڈرائیڈ کے ساتھ ساتھ آئی او ایس  پر بھی استعمال کیا جا سکتا ہے۔

ڈی ڈی، اے آئی آر اور پی آئی بی کی ٹیمیں سمعی، بصری اور پرنٹ پبلسٹی کے لیے اس مہم کو مکمل تعاون فراہم کرنے کے لیے سرگرم ہیں۔ مہم کے بارے میں بیداری پھیلانے کے لیے ایس ایم ایس، ٹویٹس (#ڈی ایل سی مہم 3)، جِنگلز اور شارٹ فلموں کے ذریعے رابطہ کاری  کی کوششوں کو مزید تقویت دی جائے گی۔

1 نومبر 2024 کو شام تک کل  بنائے گئے ڈی ایل سی 1.81 لاکھ تھے۔

***********

ش ح ۔ ا ک ۔ ر ب

U. No.2027