কেন্দ্রগী কম্মর্স অমসুং ইন্দস্ত্রী মন্ত্রী, শ্রী পিয়ুস গোয়লনা কিংদম ওফ সাউদি অরাবিয়াদা চৎপা মহাক্কী খোঙচৎ মায় পাক্না লোইশিনখ্রে‍। মহাক্কী খোঙচৎ মনুংদা, শ্রী পিয়ুস গোয়লনা মালেমগী লৈঙাক অমসুং ইন্দস্ত্রীগী মীহুৎশিংগা লোয়ননা ফ্যুচর ইনভেস্তমেন্ত ইনিসিএতিবয় (FII)গী ৮শুবা ইদিসনগী প্লেনরী সেসন্দা শরুক য়াখি‍। মালেমগী ওইনা তেংবাংনবা, ইনোভেসন, তেক্নোলোজী খুমাঙ চাওশিন্বা, অমসুং ইনভেস্তমেন্ত পুরকপদা ইন্তরনেস্নেল পার্ত্নরসিপ অমসুং ইকনমিক দিপ্লোমেসীগী মরুওইবা থৌদাংশিং মহাক্না পুথোকখি‍। মহাক্না মালেমগী ইনভেস্তরশিংগী মফমদা ভারত্তা নৌনা থোরক্লিবা খুদোংচাবশিং, মরুওইইনা আর্তিফিসিএল ইন্তলিজেন্স, রিনিউএবল ইনর্জী, দিজিতেল ইনফ্রাস্ত্রকচর, অমসুং এদভান্স মেনুফেকচরিংনচিংবা হায় গ্রোথ সেক্তরশিংদা লৈরিবা খুদোংচাবশিং লৌহৌনবা ৱাফম থমখি‍।

শ্রী পিয়ুস গোয়লনা ওক্তোবর ৩০, ২০২৪দা রিয়াধতা ইন্দিয়া-সাউদি স্ত্রেতেজিক পার্ত্নরসিপ কাউন্সিল (SPC)গী মখাদা লৈবা ইকনমী এন্দ ইনভেস্তমেন্ত কম্মিতীগী ২শুবা মিনিস্তরিএল মীফম, সিংদম ওফ সাউদি অরাবিয়াগী ইনর্জী মন্ত্রী, হিস রোয়েল হায়নেস প্রিন্স অম্বুলাজিজ বিন সল্মান অল-সাউদকা লোয়ননা থৌরম মপু ওইমিন্নদুনা পাঙথোকখি‍। স্ত্রেতেজিক পার্ত্নরসিপ কাউন্সিল, ওক্তোবর ২০১৯দা প্রধান মন্ত্রী শ্রী নরেন্দ্র মোদীনা কিংদম ওফ সাউদি অরাবিয়াদা চৎলুরবা মতুংদা ২০১৯দা লিংখৎখিবনি‍।

কম্মিতি অসিনা এগ্রিকলচর এন্দ ফুদ সিক্যুরিতী; ইনর্জী; তেক্নোলোজী এন্দ ইনফোর্মেসন তেক্নোলোজী; অমসুং ইন্দস্ত্রী এন্দ ইনফ্রাস্ত্রকচরগী জোইইন্ত ৱর্কিং গ্রুপ মরিগী লৈরিবা খোঙজেলবু য়েংশিনখি‍। মখোয়না ভারত অমসুং সাউদি অরাবিয়াগী মরক্তা লৈনরিবা নাকল অনিগী ওইবা শেন্মিৎলোনগী খোঙবু ওইবগী মরী হেন্না চেৎশিল্লকপবু শিংথাখি অমসুং ত্রেদ অমসুং ইনভেস্তমেন্ত হেনগৎহন্নবা লম্বীশিং খন্নখি‍।

মন্ত্রীনা রিয়াধতা, ইনর্জী মন্ত্রী, ইন্দস্ত্রী অমসুং মিনরেল রিসোর্সেস মন্ত্রী, অমসুং ইনভেস্তমেন্ত মন্ত্রী য়াওনা মহৈ য়ান্বা মিনিস্তরিএল এঙ্গেজমেন্ত পাঙথোকখি‍। এঙ্গেজমেন্তশিং অদুনা ত্রেদ, ইনর্জী, অমসুং তেক্নোলোজীগী লমদা খুৎশম্ননা চৎমিন্নবগী থৌশিল য়াৎপদা মীৎয়েঙ থমখি‍। খন্ন-নৈনখিবা অদুদা লৈবাক অনিগী মরক্তা ত্রেদ ভোল্যুম হেনগৎহন্নবা অমসুং ইনভেস্তমেন্ত অপন্বা লৈতনা চঙলক্নবা পান্দমদা থবক ওইনা পায়খৎকদবা য়ানচেশিং খুৎয়েক পীনদুনা লোইশিনখি‍। য়ানচেশিং অদুনা শেন্মিৎলোন চাওখৎহন্নবা ইনর্জী ত্রাঞ্জিসন, দিজিতেল ত্রান্সফোর্মেসন, অমসুং এক্সপর্তিজ এক্সচেঞ্জ পুরকপদা মরুওইবা মীৎয়েঙ থমখি‍।

শ্রী পিয়ুস গোয়লনা স্নৈদর ইলেক্ত্রিক্কী CEO মিস্তর পিতর হেরৱেক, অমসুং জেনেরেল এত্লান্তিক্কী চেয়রমেন অমসুং CEO মিস্তর ৱিলিয়ম ই. ফোর্দগসু উনদুনা সেক্তর কয়াদা ভারতকী শেন্মিৎলোন অমসুং ইনভেসস্তমেন্তকী খুদোংচাবশিং খন্নখি‍।

হৌখিবা চহি খরসিদা, ফুদ এক্সপোর্ত, ফার্মাসিউতিকেল, ইলেক্ত্রিকেল ইন্তরকন্নেক্তিবিতী, ইনর্জী, স্মোল এন্দ মেদিয়ম এন্তরপ্রাইজেজ, দিজিতাইজেসন অমসুং ইলেক্ত্রোনিক্নচিংবা সেক্তরশিং কোনশিন্দুনা ভারত অমসুং সাউদি অরাবিয়া অনিগী মরক্তা নাকল অনিগী ওইবা য়ানচে কয়া খুৎয়েক পীনখ্রে‍। লৈবাক অনিমক্না ফিনতেক, অনৌবা তেক্নোলোজীশিং, ইনর্জী ইফিসিএন্সী, ক্লীন হায়দ্রোজেন, তেক্সতাইল্স, মাইনিংনচিংবা নৌনা থোরক্লিবা হীরমশিংদা খুৎশম্ননা চৎমিন্ননবা লম্বীশিং য়েংমিন্নখি‍। কম্মিতীগী মীফম অদুনা দিভেলপমেন্তশিং অসি নৌনা য়েংশিনখি অমসুং নাকল অনিনা ইন্তরেস্ত লৈবা তোঙান তোঙানবা হীরমশিংদা তেংবাংনবগী মরী খুমাঙ চাওশিলহন্নবা ৱাফম য়ানখি‍।

নুমিৎ অদুদা, মন্ত্রী শ্রী পিয়ুস গোয়লনা সাউদি অরাবিয়াদা লৈবা ইন্সতিত্যুৎ ওফ চার্তর্দ একাউন্তেন্তস ওফ ইন্দিয়া (ICAI) চেপ্তরগা উনদুনা ৱারী শানখি অমসুং ভারতকী গ্লোবেল ত্রেদ নেতৱর্ক চাওথোকহন্বদা চার্তর্দ একাউন্তেন্তশিংনা লৌরিবা থৌদাংগী মরমদা ৱাফম কয়া থমখি‍। খন্নখিবা অদুদা প্রোফেস্নেলশিং অপস্কিল তৌনবা অমসুং মালেমগী ফাইনেন্সিএল সর্ভিসশিংদা ভারতকী মফম হেনগৎহন্নবা থৌশিলশিং য়াওনা মালেমগী ওইনা ভারতকী স্তেন্দর্দ য়োকখৎপদা ICAI না লৌরিবা থৌদাং পুখৎখি‍।

মন্ত্রীনা LEDনা শাবা অচৌবা দিয়া অমা লুলু হায়পরমার্কেত্তা থান্দুনা লুলু ৱালী দিৱালী কুমহৈ হৌদোক্তুনা ইন্দিয়া-সাউদিগী নাৎ অমসুং শেন্মিৎলোনগী মরী ফগৎহনখি‍। লুলু হায়পরমার্কেতকা লোয়ননা পাঙথোক্লিবা দিৱালী কুমহৈ অসিনা ভারতকী মৈগী কুমহৈগী ইহুল সাউদি অরাবিয়াদা পুরক্তুনা কুমহৈ হরাওগী লৈতেং অমসুং ত্রেদিস্নেল চীঞ্জাক্তগী হৌরগা খুৎশা হৈবগী পোৎলম ফাওবগী ভারতকী পোৎলম মখা কয়া উৎখি‍। মদুগী তুংদা, উত্তরাখন্দগী ঘী, লদাখকী শেম, ইন্দিয়ন কেবেন্দিস লফোয়, মহারাস্ত্রদগী দ্রেগন ফ্রুত, চনান্না শেম্বা অনৌবা ব্রেকফাস্ত সিরিএলশিং, অমসুং কাদু ওর্গনানিক ব্যুতী প্রদক্তশিং য়াওনা ভারতকী পোত্থোক ১০,০০০ হেন্বগী অচৌবা প্রদক্ত ৱাল অমা মায়খুম হাংদোকখি‍।

রিয়াধতা লৈবা ইন্দিয়ন এম্বেসীদা, মন্ত্রীনা ভারত পুম্বদগী তোঙান তোঙানবা দিস্ত্রিক্তশিংদগী তোপ তোপ্পা পোত্থোকশিং য়াওবা ৱন দিস্ত্রিক্ত, ৱন প্রদক্ত (ODOP) ৱাল অমা মায়খুম হাংদোকখি‍। ভারত লৈঙাক্কী “ভোকেল ফোর লোকেল” কেম্পেনগী শরুক ওইরিবা ODOP ইনিসিএতিবনা ভারতকী ইনাক খুল্লবা নাৎকী লনশিংবু তোপ তোপ্পা, হায়-ক্বালিতী পোত্থোকশিংগী খুত্থাঙদা উত্থোক্তুনা রিজনেল ক্রাফ্তসমেনসিপ য়োকখৎনবা পান্দম থম্লি‍।

মহাক্কী খোঙচৎ অসিনা ভারত অমসুং কিংদম ওফ সাউদি অরাবিয়াগী মরক্তা লৈনরিবা স্ত্রেতেজিক পার্ত্নরসিপ মপাঙ্গল হেন্না কনখৎহন্নবা শিংথানিংঙাই ওইবা পন্দোল অমা ওইরি‍। খোঙচৎ অসিনা লৈবাক অনিমক্না শেন্মিৎলোনগী মরী হেন্না চেৎশিলহন্নবা অমসুং মালেমগী শিংনবশিং পুন্না হোৎনমিন্নদুনা ৱাখৈমিন্ননবা খোঙফম লৌমিন্নখি‍। খন্নখিবা অদুনা পুরকখিবা মহৈশিং অদুনা লৈবাক অনিমক্তা ইনভেস্তমেন্ত অমসুং ত্রেদকী অনৌবা খুদোংচাবশিং পুরক্কনি, শেন্মিৎলোন চাওখৎহনগনি অমসুং ইনোভেসন পুরক্কনি হায়না থাজবা থম্লি‍।

***

(Release ID: 2070144) Visitor Counter : 21