প্রধান মন্ত্রী, শ্রী নরেন্দ্র মোদীনা হায়খিবা অদুগী মতুং ইন্না ভারত সরকারনা স্বচ্ছতাদা অখন্নবা মিৎয়েং থমদুনা অমসুং সরকারদা পন্দুনা লৈরিবশিং অদুবু হন্থনবা ২০২৪গী ওক্তোবর ২দগী ৩১ ফাওবা স্পেসিয়ল কেমপেন ৪.০ লাউথোকখ্রে। স্পেসিয়ল কেমপেন ৪.০ অসিনা দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রীভান্সেস (DARPG)গী লমজিং-লমতাক মখাদা মন্ত্রালয়শিং, দিপার্তমেন্তশিং অমসুং মখোয়গী সবোর্দিনেত ওফিসশিংগী মথক্তা ফীল্দ/আউৎস্তেশন ওফিসশিংদনা হেন্না মরু ওইবা থম্লি।

স্পেসিয়ল কেমপেন ৪.০গী শরুক অমা ওইনা, স্কিল দেবেলপমেন্ত অমসুং এন্ত্রপ্রেনরশিপ মন্ত্রালয় (MSDE)না মেম্বরস ওফ পার্লিয়ামেন্ত, পব্লিক গ্রীভান্সেস, অমসুং পব্লিক আপীলশিংদগী লাকপা রিফরেন্সশিংগী মশিং অদু পন্থবা হন্থনবা অখন্নবা মিৎয়েং থম্লি। MSDEগী সেক্রেতরীনা মসিবু নুমিৎ-নুমিত্তুগী মতুং ইন্না হন্থহন্নবা অমসুং প্রধান মন্ত্রীগী য়াথংগী মতুং ইন্না ইন্দিভিজুৱল গ্রীভেন্ত অদুদা মরু ওইনা মহাক্কী গ্রীভান্সশিং অদু কোক্লব্রা হায়না রেন্দম ওইনা কন্সলত তৌনবা মন্ত্রালয়গী সেনিয়র ওফিসরশিং অমসুং নোদল ওফিসরশিংদা হায়খ্রে। রেকোর্দ মেনেজমেন্তকী তঙাইফদবগী মতাংদা মন্ত্রালয় অমসুং মসিগী মরি লৈনবা ফীল্দ ওফিসশিংগী ওফিসররশিংবু সেন্সিতাইজ তৌনবা নেস্নেল আর্কাইবস ওফ ইন্দিয়াগা লোইননা ৱার্কশোপ অমশু শিনখ্রে।

MSDE পুম্নমক, মখোয়গা মরি লৈনবা ওফিসশিং অমসুং ওতোনোমস ওর্গনাইজেশনশিং য়াওনা ইমুং অমত্তা ওইনা মেম্বরস ওফ পার্লিয়ামেন্ত, পব্লিক গ্রীভান্সেস, অমসুং পব্লিক আপীলশিংদগী লাকপা রিফরেন্সশিংগী মশিংদা পন্দুনা লৈবশীং অদুবু হন্থহন্নবা অমত্তা ওইনা ফিরেপ লৌখ্রে। মসিনা মরম ওইরগা, ২০২৪গী ওক্তোবর ৩০ ফাওবদা, এম.পি.শিংদগী রিফররেন্স মাপল, পার্লিয়ামেন্ত অস্যুরেন্স অহুম, পব্লিক গ্রীভান্স ৪৬৬ অমসুং পব্লিক গ্রীভান্স আপীল ২৩ লোইশিনখ্রে। রুল মঙা মশক খঙদোকখ্রে অমসুং লাইথোকহনখ্রে।

রেকোর্দ মেনেজমেন্তকী শরুক অমা ওইনা, ফাইল ৪,৮১৩ রিভ্যু তৌখ্রে অমসুং ফাইল ৫৯৭ অমনা লোথোকখ্রে। ই-ফাইল ৮৫৫ রিভ্যু তৌখ্রে, মদুগী মনুংদা ফাইল ২১৭ অমদি থিংজিনখ্রে। ফাইলশিং খন্দোক্তুনা লৌথোকখিবনা মরম ওইরগা চাউরাক্না স্ক্ব্যার ফীত ২১,০৮৭গী স্পেস হাংহনখ্রে।

স্পেসিয়ল কেমপেন ৪.০ অসিনা লু-নানবা ওফিসকী এনভাইরনমেন্ত অমা ঙাক্না থম্নবা অমসুং অপুনবগী ওইবা এনভাইরনমেন্তেল প্রোতেক্সনগী তঙাইফদবা অদুগী মতাংদা এৱেয়রনেস হেন্না লৈহনবদা মতেং পাংলি।

*****