পঞ্জাব/ হরীরিয়ানা প্রোক্যুরমেন্ত এস্তিমেত - KMS 2024-25

পঞ্জাব অমসুং হরিয়ানা ঐখোয়গী লৈবাক্কী ফুদ বাউলনি অমসুং চহি খুদিংগী মতৌগুম মথঙশিৎনা ফৌ LMT ১৮৫ অমসুং LMT ৬০ স্তেত অনিসিদগী KMS 2024-25 মনুংদা লৌশিনগদৌরি‍। স্তেত অনি অসিনা সেন্ত্রেল পুল প্রোক্যুরমেন্তকী চাদা ৪০ রোম ওইরি‍। প্রোক্যুরমেন্ত ওপরেসন স্তেত অনিমক্তা মপুং ফানা চত্থরি‍। ফৌ লৌশিনবগী থবক পঞ্জাবতা ওক্তোবর ১, ২০২৪দগী অদুগা হরিয়ানাদনা সেপ্তেম্বর ২৭, ২০২৪দগী হৌখ্রবসু, সেপ্তেম্বরদা নোং কন্না চুখিবা অমসুং মদুনা মরম ওইরগা ফৌদা ঈশিং মনিলগী চাং ৱাংনা য়াওবনা মরম ওইরগা, ফৌ লোকপা অমসুং লৌশিনবগী থবক্তা থিন্থহনখি‍। অদুম ওইনমক, থেঙনা হৌখ্রবসু, স্তেত অনিমক চাউরাক্না লেপখিবা মতম হায়বদি পঞ্জাবকীনা নবেম্বর ৩০, ২০২৪ অমসুং হরিয়ানাগীনা নবেম্বর ১৫, ২০২৪ ফাওবদা ফৌ লৌশিনবগী থবক লোইশিন্নবা পান্দম থম্লিবা অদু ফংনবা লম্বীদা নীংথিনা চঙশিল্লি‍।

প্রক্যুরমেন্ত ওপরেসন

হৌজিক ফাওবদা, পঞ্জাবকী লৌমী লাখ ১০ অমসুং হরিয়ানাগী লৌমী লাখ ৪.০৬না মখোয়গী পোত্থোকশিং KMS 2024-25 মনুংদা য়োন্নবা রেজিস্তর তৌরক্লে‍। হরিয়ানাদা ওক্তোবর ২৯, ২০২৪ ফাওবদা থৌ LMT ৪৫ লৌশিন্দুনা, ওক্তোবর ২৯, ২০২৩ ফাওবদা লৌশিনখিবা LMT ৫২গী ৮৭% য়ৌবা ঙম্লে‍। পঞ্জাবতা ওক্তোবর ২৯, ২০২৪ ফাওবদা ফৌ LMT ৬৭ লৌশিন্দুনা, মমাঙ চহিগী মান্নবা মতমদা লৌশিনখিবা LMT ৮৪গী ৮০০% য়ৌবা ঙম্লে‍। মমাঙ চহিগা য়েংনবদা, হরিয়ানা অমসুং পঞ্জাবতা ফৌ লৌশিনবগী চাং অসি ওক্তোবর ২৯, ২০২৪ ফাওবদা ভারত পুম্বদা লৈখিবা লৌশিনবগী পর্সেন্তেজকা মান্ননা চৎলি‍।

রাইস মিল্লরশিং ফেসিলিতেত তৌবা

চহি খুদিংগী মতৌগুম, রাইস মিল্লরশিং মিল্লিং ওপরেসনগীদমক স্তেত লৈঙাক্না ওন বোর্দ তৌরে‍। কস্তম মিল্দ রাইস (CMR) দেলিভর তৌনবা এপ্লাই তৌরকখিবা মিল্লর ৪৪০০গী মনুংদা, ওক্তো১র ২৯, ২০২৪ ফাওবদা পঞ্জাবকী স্তেত লৈঙাক্না মিল্লর ৩৮৫০দা থবক শিন্নখ্রে‍। মখা তানা, হরিয়ানাদা মিল্লর ১৪৫২না CMR দেলিভর তৌনবা এপ্লাই তৌরকখি অমসুং স্তেত লৈঙাক্না মিল্লর ১৩১৯দা থবক শিন্নখ্রে‍। নুমিৎ খুদিংগী চাংচত্তা, ফৌ LMT ৪ রোম পঞ্জাব মন্দদগী লৌখত্তুনা লেমহৌরিবা ফৌ LMT ১১৮৮ লৌখৎপগী থবক নবেম্বর ৩০, ২০২৪ ফাওবদা ইকোম কোম্না লোইশিনবা ঙমগনি হায়না পানরি‍। মসিগা মান্ননা, হরিয়ানাগী মতাঙদসু, লেমহৌরিবা LMT ১৫ অসি নোংমদা চাউরাক্না LMT ১.৫কী চাংদা লৌখৎলিবা অসি য়েংলগা নবেম্বর ১৫, ২০২৪ ফাওবদা লায়না ঙমগনি হায়না পারি‍। ধন্দ অমসুং পুন্দ্রি য়াওনা কাইথল অমসুং কুরুক্ষেত্রা দিস্ত্রিক্তশিংদগী লৌশিনবগী থবক মপুং ফানা চত্থরি অমসুং মমাঙগী ফিগরগা চাং য়ৌরপ্না চঙশিল্লি‍।

রাইস মিল্লরশিং ফেসিলিতেত তৌনবা অকক্নবা পান্দমগা লোয়ননা, এপতা য়ুম্ফম ওইবা FCI গ্রীভান্স রিদ্রেসেল সিস্তেম (FCI GRS) কঞ্জ্যুমর এফ্যার্স, ফুদ এন্দ পব্লিক দিস্ত্রিব্যুসনগী কেন্দ্র মন্ত্রীনা ওক্তোবর ২৮, ২০২৪দা রাইস মিল্লরশিংগীদমক হৌদোকখ্রে‍। মসিনা রাইস মিল্লরশিংদা মখোয়গী ৱাকৎশিং FCI না মতিক চানা, ত্রান্সপেরেন্ত ওইনা, অমসুং মতম চানা লোইশিন্বদা মতেঙ ওইগনি‍।

MSP রেজিম মপাঙ্গল কনখৎহনবা

কেন্দ্র লৈঙাক্না MSP রেজিমগী কান্নবশিং লৌমী পুম্নমক্না ফংবা ঙমহন্নবা লেপ্লি‍। ফৌগী ২০১৩-১৪দা MSP লুপা ১৩১০/Qtl ওইরম্বদগী ২০২৩-২৪দা লুপা ২৩০০/Qtl দা হেনগৎখ্রে‍। ২০১৮-১৯দগী হৌনা, ওল ইন্দিয়া ৱেতেদ এভরেজ কোস্ত ওফ প্রদক্সনগী য়ামদ্রবদা ৫০% লৈহনগদবা MSP ফংহনখ্রে‍। ওক্তোবর ২৯, ২০২৪ ফাওবদা, পঞ্জাবকী লৌমী ৩৫০৯৬১দা লুপা করোর ১৩২১১ অমসুং হরিয়ানাগী লৌমী ২৭৫২৬১দা লুপা করোর ১০৫২৯ KMS 2024-25কী ওইনা থাদোকখ্রে‍। শেনফম অসি লৌমীশিংগী বেঙ্ক একাউন্তশিংদা প্রোক্যুরমেন্তকী পুং ৪৮গী মনুংদা DBT খুত্থাঙদা চঙহল্লি‍। প্রোক্যুরমেন্তকী থৌওং পুম্বা, ইফিসিএন্সী, ত্রান্সপেরেন্সী অমসুং একাউন্তেবিলিতীগী ফীভম ফগৎহন্নবা দিজিতাইজ তৌদুনা MSP রেজিম মপাঙ্গল কনখৎহন্নবা কেন্দ্র লৈঙাক্না লেপ্লিবা খোঙফমগী মমি তারি‍।

রেকোর্দ বজেতরী এলোকেসন

ফুদ সবসিদীগী বজেতরী এলোকেসন অমসুং রিলীজ হৌখিবা চহি তরাসিদা মমাঙগী চহি তরাদা লৈখিবদুদগী শরুক মরি হেন্না হেনগৎহনখ্রে‍। ২০০৪-০৫ তগী ২০১৩-১৪দা লুপা করোর লাখ ৫.১৫ ওইরম্বদগী ফুদ সবসিদীগী শেনফম ২০১৪-১৫ দগী ২০২৩-২৪দা লুপা করোর লাখ ২১.৫৬ লোম ওইরে‍। কোবিদ মতমদা, ফুদ সবসিদীগী ফন্দ এলোকেসন, দিসেম্বর ২০২২ ফাওবা চৎনখিবা NFSA বেনিফিসরী খুদিংদা চেঙ কেজি ৫ লেম্না ফংহনখিবদুনা মরম ওইরগা, ফনা য়াম্না হেনগৎহনখি‍। ১.১.২০২৩দগী হৌনা, খুন্নাইগী লায়রবা অমসুং খুদোংচাদবা ফীভম মায়োক্নরিবা কাঙলুপকী য়াইফনবা অমসুং লৈবাক পুম্বদা মান্নবা ফীভম পুরক্নবা মীৎয়েঙ থম্লগা সেন্ত্রেল ইসু প্রাইস (CIP) জিরো ওইহনখ্রে‍। AAY ইমুং অমসুং PHH বেনিফিসরীশিংদা ০১.০১.২০২৩দগী হৌনা PMGKAYগী মখাদা লেম্না চেঙ ফংহল্লি‍।

কেন্দ্র লৈঙাক্না পঞ্জাব অমসুং হরিয়ানাদা মথঙশিৎনা ফৌ LMT ১৮৫ অমসুং LMT ৬০ লৌশিন্নবগী পান্দম ফংনবা, অমসুং ফৌ মরু অমত্তা লৌশিন্দনা তোক্লোই হায়না খোঙফম চেৎনা লেপ্লি‍।

*******

(Release ID: 2069713) Visitor Counter : 5