ঙসি নেসনেল এগ্রিকলচরেল কোওপরেতিব মার্কেতিং ফেদরেসন ওব ইন্দিয়া (নাফেদ)না দিপার্ত্মেন্ত ওব কঞ্জুমর এফিয়র্সকী প্রাইস স্তেবিলাইজেসন ফন্দগী মখাদা লৈবা তিলহৌ মেত্রিক তন ৮৪০ দিল্লী-এন.সি.আর.দা থাদোক্নবগীদমক দিল্লীগী কিশানগঞ্জ রেলৱে স্তেসনদা থংখ্রে। মসিনা এন.সি.সি.এফ.না কান্দা এক্সপ্রেসতা ওক্তোবর ২০, ২০২৪দা কিশানগঞ্জ স্তেসন্দা তিলহৌ এম.তি. ১৬০০ পুরকখ্রবা মতুংদা দিল্লী এন.সি.আর.দা তিলহৌ বল্ক ওইনা পুরকপা অনিশুবনি। হায়রিবা তিলহৌশিং অসিদগী অয়াম্বনা অজাদপুর মন্দিদা থাদোক্তুনা মরাং কায়না ফংহন্নবগীদমক কিলোদা লুপা ৩৫দা রিতেলদা ফংহনগনি।

অজাদপুর মন্দিদা তিলহৌ বল্ক ওইনা ফংহনবগী শাফু অসি মখাগী গ্রাফ অসিনা তাক্লিঃ

তিলহৌশিং রেলগী রেক্তা বল্ক ওইনা পুথোক পুশিন তৌনবগী থবক ইহান হানবা ওইনা মতম চানা ফংহন্নবা, থাজবা পীনবা অমসুং তোঙান-তোঙানবা মফমশিংদা তিলহৌ শেল চঙদনা ফংহন্নবা লৌখৎখি। নাফেদনা মমাংদা নাশিক্তগী রেল রেক্তা তিলহৌ মেত্রিক তন ৮৪০ পুদুনা ওক্তোবর ২৬, ২০২৪দা চেন্নৈদা থুংখি। নাশিক্তগী গুৱাহাতি ফাওবগী অতোপ্পা রেল রেক অমা ঙসি অঙনবা শরুক্তা এন.সি.সি.এফ.না তিলহৌ মেত্রিক তন ৮৪০ লৈদুনা থাদোকখি। বল্ক ওইনা পুবগী থবক অসিনা লৈবাক শীনবা থুংবদা তিলহৌ ত্রক্তা পুথোক পুশিন তৌবদা শক্তি হাপ্লগনি।

লৈঙাক অসিনা রবিগী তিলহৌ চহি অসিগী প্রাইস স্তেবিলাইজেসন বফরগীদমক তন লাখ ৪.৭ লৈশিনখি, অমসুং সেপ্তেম্বর ৫, ২০২৪ দগী রিতেলদা কিলোদা লুপা ৩৫ দা থাদোকপা হৌখি। হৌজিক ফাওবদা বফরদা তিলহৌ তন লাখ ১.৪০ নাশিক্তগী থাদোকখ্রে। হৌজিক ফাওবদা এন.সি.সি.এফ.না রাজ্য ২২দা মফম ১০৪ কোনশিল্লি অমসুং নাফেদনা রাজ্য ১৬ তা মফম ৫২ কোল্লি। এজেন্সীশিংনা রিতেল চেনশিংগা হায়বদি সাফাল, কেন্দ্রিয়া ভান্দার, অমসুং রিলাইএন্স রিতেলগা খুৎশম্নদুনা রিতেল কঞ্জুমরদা কিলোদা লুপা ৩৫ দা থাদোক্নবা মপাং ওইরি। মসিগী মথক্তা, তিলহৌ মেত্রিক তন ৮৬,৫০০ রাজ্য সরকার/কোওপরেতিব সোসাইতী ৯দা রিতেল ওইনা য়োন্নবগীদমক পীখ্রে।

তিলহৌ থাদোকপা হৌখিবদগী হৌজিক ফাওবদা, তিলহৌগী রিতেলগী মমল অসি মরুওইবা রাজ্যশিং হায়বদি অন্ধ্র প্রদেশ, মহারাস্ত্র, কর্নাতাকা, য়ু.পি., তমিল নাদু অমসুং দিল্লীদা হন্থরে। ভারত পুম্বগী চাংচৎতা লৈবা রিতেলগী মমল অসি ওক্তোবর থাদা চাং অমদা লৈখি। রেলনা গুৱাহাতিদা তিলহৌ থাবগী থবকনা অৱাং নোংপোক থংবা রাজ্যশিংদা মরাং কায়না ফংবা হেনগৎহল্লগনি অমসুং মমলদা চাউনা শাফু পীরগনি। নাশিক্কী মন্দিশিংগী মমলসু সেপ্তেম্বরদা কিলোদা লুপা ৪৭ লৈরম্বদগী ওক্তোবর ২৯, ২০২৪ ফাওবদা কিলোদা লুপা ৪০দা লৈরে।

***************