নেস্নেল ইন্তরনেত এক্সচেঞ্জ ওফ ইন্দিয়া (NIXI)না ঙসি, ৱর্ল্দ ত্রেদ সেন্তর, নাউরোজি নগর, নই দিল্লীদা মাগী অনৌবা ওফিস শঙ্গাবগী অচৌবা থৌরম অমা পাঙথোকখ্রে‍। থৌরম অদুদা ইলেক্ত্রোনিক্স এন্দ ইনফোর্মেসন তেক্নোলোজী মন্ত্রালয় শ্রী এস. কৃষ্ণনন্না, সেক্রেতরী, (MeitY) অমসুং চেয়রমেন, NIXIনা, শ্রী ভুব্নেস কুমার, এদিস্নেল সেক্রেতরী, MeitY, শ্রী সুসিল পাল, জোইন্ত সেক্রেতরী, MeitY, অমসুং শ্রী রাজেস সিংহ, জোইন্ত সেক্রেতরী অমসুং ফাইনেন্সিএল এদভাইজর, MeitYগা লোয়ননা শরুক য়াখি‍। থৌরম অসিনা ভারতকী ইন্তরনেত ইনফ্রাস্ত্রকচর মপাঙ্গল কনখৎহন্নবা অমসুং দিজিতেল গ্রোথ পুরক্নবা NIXI না হোৎনরিবা অসিদা মশক থোকপা খোঙথাং অমা ওইরি‍।

থৌরমদুগী শরুক অমা ওইনা, সেক্রেতরী MeitY না য়ুজরশিংদা .in domain শীজিন্নবগী চাং হেনগৎহন্নবা পান্দমদা .in এক্রেদিতেদ রেজিস্ত্রারশিংগী কুমহৈগী ওফর পীবনচিংবা NIXI থৌশিল খরসু মায়খুম হাংদোকখি‍। ইন্তরনেতকী লমদা NIXI না লৈবাক্কী থাক্তখক্তা নত্তনা মালেমগী থাক্তসু মরুওইবা থৌদাং য়ারি হায়না মহাক্না ফোঙদোকখি‍। হৌজিক হৌজিক মাগী শক্লোন নৌনা হোংদোকপগী থবক পায়খৎলিবগা লোয়ননা NIXI না হীরম অসিদা খেন্নবা অমা পুরক্নবা শেম শাদুনা লৈরি হায়না মহাক্না মখা তাখি‍।

FY 23-24গী NIXIগী CSR ইম্পেক্ত রিপোর্ত

থৌরম অদুদা FY 23-24গী NIXIগী CSR ইম্পোক্ত রিপোর্তসু ফোঙদোক্তুনা কোর্পোরেত সোসিএল রেসপোঞ্জিবিলিতীগী লমদা লুপ অসিনা ফংবা ঙম্লিবশিং উৎখি‍। রিপোর্ত অসিনা দিজিতেল লিতরেসীগী থবক থৌরম য়োকখৎপা, ইন্তরনেত এসেসিবিলিতী পাকথোক চাউথোকহন্বা, অমসুং মীয়ামগী চাওখৎ থৌরাংদা থৌদাং লৌবদা NIXIনা পায়খৎলিবা থবকশিং উৎলি‍। মসিনা তুংগী পান্দমশিং পল্লদুনা, ভারতকী দিজিতেল ইকনমী অমসুং খুন্নাই মপাঙ্গল কনখৎহন্বগী থৌশিলশিংদা ঙাক্লৌ পীনবা NIXIনা লেপ্লিবা খোঙফমবু চেৎশিনহনখি‍।

TCILগা খুৎয়েক পীনবা স্ত্রেতেজিক এগ্রীমেন্ত

থৌরম অদুদা NIXI SSL সর্তিফিকেসন ওথোরিতী (SSL CA) পায়খৎনবা M/s তেলিকম্ম্যুনিকেসন্স কন্সল্তেন্ত ইন্দিয়া লিমিতেদ (TCIL)গা স্ত্রেতেজিক এগ্রীমেন্ত অমসু খুৎয়েক পীনখি‍। খোঙবু ওইবগী মরী অসিনা থাজনিংঙাই ওইবা SSL সর্তিফিকেসন সর্ভিস ফংহন্দুনা ভারত পুম্বদা ইন্তরনেত সিক্যুরিতী হেনগৎহন্দুনা, শাফবা ওনলাইন ত্রাঞ্জেক্সন লৈহনগন অমসুং য়ুজর ত্রস্ত হেনগৎহনগনি‍।

থৌরম অদুদা, দোক্তর দেবেস ত্যাগি, CEO NIXI না হৌজিক ফাওবদা ঐখোয়না দোমেন লাখ ৪১ বুক তৌরে অমসুং ঐখোয়গী মথঙগী পান্দমদি য়াম্না মশক থোকপা পান্দম ওইনা লাখ ৫০ য়ৌহন্বনি হায়খি‍। লৈবাক পুম্বদা ঐখোয়গী এক্সচেঞ্জ পোইন্ত ৭৭ লৈদুনা ঐখোয়গী দেতা লৈবাক মনুংসিদা লৈহন্বদা মতেঙ ওইরি‍। হায়রিবা এক্সচেঞ্জ পোইন্তশিং অসি মশিং হেনগৎহন্নবা ঐখোয়না অনৌবা স্কীম অমা পায়খৎনবা থৌরাং য়াৎলি হায়না মহাক্না মখা তাখি‍।

NIXIগী মরমদা

জুন ১৯, ২০০৩দা লিংখৎখিবা, নেস্নেল ইন্তরনেত এক্সচেঞ্জ ওফ ইন্দিয়া (NIXI) অসি ভারত লৈঙাক্কী ইলেক্ত্রোনিক্স এন্দ ইনফোর্মেসন তেক্নোলোজীগী মখাদা লৈবা নোত-ফোর-প্রোফিত (সেক্সন ৮) কম্পেনী অমনি‍। মসিদা ইন্তরনেত ইকোসিস্তেম অসি মীয়াম্না মেনেজ তৌবা অমসুং শীজিন্নবা য়াহন্নবা তোঙান তোঙানবা ইনফ্রাস্ত্রকচরগী থবকশিং পায়খত্তুনা ভারত্তা ইন্তরনেত পিনেত্রেসন অমসুং এদোপ্সন হেনগৎহন্নবা থৌদাং শিন্নরি‍।

NIXI গী মখাদা লৈরিবা সর্ভিস মরি অদুদি: ইন্তরনেত এক্সচেঞ্জ পোইন্তশিং শেমগৎনবা ইন্তরনেত এক্সচেঞ্জ পোইন্তস (IXPs), .in দোমেন দিজিতেল আইদেন্তিতী শেমগৎনবা .IN রেজিস্ত্রী, IPv4 অমসুং IPv6 এদ্রেস শীজিন্নহন্নবা IRINN, অমসুং দেতা স্তোরেজ সর্ভিসগীদমক NIXI-CSCগী মখাদা দেতা সেন্তর সর্ভিস অসিনি‍।

*****

(Release ID: 2069559) Visitor Counter : 94