منڈیوں میں 28 اکتوبر 2024 تک، کل 65.75 لاکھ میٹرک ٹن  دھان کی آمد ہوئی ہے جس میں سے 60.63  لاکھ میٹرک ٹن  ریاستی ایجنسیوں اور فوڈ کارپوریشن آف انڈیا (ایف سی آئی ) نے خریدی ہے۔ 28 اکتوبر تک پنجاب میں کسانوں کو براہ راست بینک کھاتوں میں 12200 کروڑ روپے کی رقم جاری کی گئی ہے۔

خریف مارکیٹنگ سیزن(کے ایم ایس )25-2024 میں دھان کی خریداری کا آغاز یکم اکتوبر 2024 سے ہوا اور دھان کی آسانی سے خریداری کے لیے پنجاب بھر میں 1000 عارضی یارڈوں  سمیت 2,927 نامزد منڈیوں کو کھول دیا گیا ہے۔ مرکز نے اس آنے والےخریف مارکیٹنگ سیزن25-2024 کیلئے 185 لاکھ میٹرک ٹن کا تخمینہ ہدف مقرر کیا ہے۔

دھان 2320 روپے کی  ایم ایس پی  شرح پر خریدا جا رہا ہے جیسا کہ مرکز نے خریف مارکیٹنگ سیزن25-2024 کیلئےگریڈ ’اے ‘کے دھان کے لیے طے کیا ہے اور آج تک دھان کی کل خریداری 14,066 کروڑ روپے ہے اور اس سے 3,51,906 کسانوں کو فائدہ ہوا ہے۔

مزید یہ کہ 4145 ملرز نے دھان کی شیلنگ کے لیے درخواستیں دی ہیں اور وہ منڈیوں سے دھان اٹھا رہے ہیں۔ لہذا ریاست، نومبر کے آخر تک 185 لاکھ میٹرک ٹن  دھان کا ہدف حاصل کرنے کے راستے پر ہے۔

****

ش ح۔ ف خ

U.No:1898

 

(Release ID: 2069374) Visitor Counter : 44