U Myntri Rangbah Duh, Narendra Modi u la plié paidbah bad buh maw nongrim jong ki projek kiba iadei bad ka kam ai jingsumar, ba kynthup ia ka kam shna dawai, ha ka Dhanvantari Jayanti bad ka sngi kyrpang ba 9 jong ka Ayurveda, mynta ka sngi ha ka All India Institute of Ayurveda (AIIA), New Delhi. U Myntri Sorkar Pdeng ba dei khmih ia ki tnad ka koit ka khiah & Chemicals & Fertilizers, J P Nadda, bad ka Anupriya Patel, Myntri Khynnah ki tnad ka koit ka khiah & Chemicals & Fertilizers ki la iadon lang ha kane ka sngi.

U Myntri Rangbah Duh u la buh ia ki maw nongrim jong saw tylli ki Centre of Excellence ha ka National Institute of Pharmaceutical Education and Research (NIPER) Ahmedabad ha Gujarat na ka bynta ki mar ai jingsumar, NIPER Hyderabad ha Telangana na ka bynta ki dawai, NIPER Guwahati ha Assam na ka bynta ki phytopharmaceutical, bad NIPER Mohali ha Punjab na ka bynta ka jingwad bad jingpynbha ia ki dawai anti-bacterial anti-viral.

Shuh shuh, ha ka sienjam kaba heh na ka bynta ka sienjam Make in India ha ka kam ai jingsumar, u Myntri Rangbah Duh u la plié paidbah san tylli ki projek hapoh ka skhim Production Linked Incentive (PLI) na ka bynta ki mar ai jingsumar bad ki dawai ha Vapi ha Gujarat, Hyderabad ha Telangana, Bengaluru ha Karnataka, Kakinada ha Andhra Pradesh bad Nalagarh ha Himachal Pradesh. Kine ki jaka kin pynmih ia ki mar ai jingsumar ba bha kum ki body implant bad ki mar ai jingsumar ia ki jingpang kiba heh, ha ryngkat ki dawai.

Ha ka jingai jingkren, u Myntri Rangbah Duh u la ong ba ka jingkiew shaphrang jong ka ri ka iadei bad ka koit ka khiah jong ki nongshong shnong. U Myntri Rangbah Duh u la kdew ruh sha ka jingpeit bniah ka Sorkar ia ka koit ka khiah jong ki briew bad u la batai shaphang ki san tylli ki rishot jong ka polisi kaba iadei bad ka koit ka khiah. U la ong ba kine ki rishot ki kynthup ka jingiada na ka jingpang, ka jinglap dang kloi ia ki jingpang, ka jingai jingsumar bad ki dawai kiba jem dor, ka jingdon ki doctor ha ki nongbah ba rit bad ka jingpyniar ia ka bynta jong ka teknoloji ha ki kam ai jingsumar.

U Myntri Rangbah Duh u la ong ba ka jingplie paidbah ia kine ki jaka pynmih mar kan iarap bha ia ka jingpynmih ia ki dawai, ki stent bad ki implant kiba bha bad kan iarap ruh ia ka jingkiew shaphrang shuh shuh jong ka India.

U Myntri Rangbah Duh u la plié paidbah ruh ia ka Jan Aushadhi Kendra kaba heh tam jong ka India ha ka All-India Institute of Medical Sciences (AIIMS), New Delhi mynta ka sngi. Ka jingthmu ba kongsan jong kane ka Kendra ka dei ban pynbiang ia ki dawai ba bha ha ka dor kaba jem ia ki nongpang kiba leit ioh jingsumar ha AIIMS.

La sdang ia kane ka Jan Aushadhi Kendra da ka Pharmaceuticals & Medical Devices Bureau of India (PMBI) kaba dei ka kynhun pyntreikam jong ka PMBJP. Kane ka Kendra, kaba don ha ka jaka kaba 1,724 square phut, ka thmu ban pynbiang 2.047 jait ki dawai bad 300 tylli ki tiar puid ha ki dro kiba kham duna ban ia kijuh ki mar ba shna da ki kompani. Ka dor jong ki dawai Jan Aushadhi ki kham duna kumno kumno 50% bad teng teng na 80% haduh 90% jong ka dor jong kine ki juh ki dawai ha ki iew.

Da kaba ban biang ia ka jingpeit bniah ka Sorkar ban pynduna ia ka bai ioh jingsumar ia kiba Pdeng bad duna ka jingioh, u Myntri Rangbah Duh u la kren shaphang ka jingplie ia palat 14,000 tylli ki PM Jan Aushadhi Kendra ha kylleng ka ri ha kaba lah ban ioh ia ki dawai ba la pynduna dor 80%. U la pyntip bad ki briew kiba Pdeng bad duna ka jingioh ki la lah ban kynshew haduh T 30,000 klur namar ka jingioh ia ki dawai ba jem dor lyngba ki Janaushadhi Kendra.

***