গঙ্গা উতসব ২০২৪গী সেলেব্রেশন অসি নোবেম্বর ৪দা হরিদ্বারগী চান্দি ঘাত্তা নেস্নেল মিসন ফোর ক্লীন গঙ্গা (NMCG)না শিল্লগনি। গঙ্গাবু ‘জাতিগী তুরেল’ ওইনা লাউথোকখিবগী কুমওনগী নিংশিং থৌরম ওইনা NMCGনা চহি খুদিংগী থৌরম অসিবু পাংথোকই।  মসিগী কুম্মৈ অসিগী মরু ওইবা পান্দমদি গঙ্গা তুরেলগী কঞ্জার্বেশনবু প্রোমোত তৌবা, তুরেল অসিগী কলচরেল অমসুং স্পিরিচুৱলগী মরু ওইবা অমসুং লু-নানবগী মতাংদা ময়ামদা খঙহনবা। মসিনা থৌরম অসিগী নিপালশুবা এদিশন ওইগনি অমসুং গঙ্গা তুরেল তোরবান্দা পাংথোকপা অহানবা ওইগনি। থৌরম অসি জিলাগী গঙ্গা কাউন্সিলশিংনা গঙ্গা বেসিনগী রাজ্যশিংগী জিলা ১৩৯দা থৌরম অসি পাংথোক্লগনি। 

গঙ্গা উতসবকী মরু ওইবা থৌরম অদু য়াম্না চাউনা পাংথোক্লগনি, থৌরম অসিবু জল শক্তি কেন্দ্র মন্ত্রী, শ্রী সি.আর. পাতিলনা লুচিংদুনা পাংথোক্লগনি। থৌরম অসি হৌদোকপদা শক্নাইরবা মীওই কয়া অমনা শরুক য়ারগনি, মসিদা উত্তরাখন্দগী মুখ্য মন্ত্রী, শ্রী পুশ্কার সিং ধামি য়াওনা, জল শক্তিগী রাজ্য মন্ত্রী, শ্রী রাজ ভুশন চৌধরী অমসুং জল শক্তি মন্ত্রালয়গী সেক্রেতরী, শ্রীমতি দেবশ্রী মুখর্জীশু শরুক য়ারগনি। মসিগী মথক্তা কেন্দ্র অমসুং রাজ্য সরকারশিংদগী মরু ওইবা মীথুংলেন কয়া অমনশু থৌরম অসিদা শরুক য়ারবা য়াই।

থৌরম অসিদা BSFকা খুৎশম্নদুনা লাক্কদৌরিবা গঙ্গা ৱিমেন রাফতিং এক্সপেদিশনগীদমক্তা লমথাবগী থৌরমশু য়াওগনি। নুমিৎ ৫০নিগী ওইবা এক্সপেদিশন অদু গঙ্গা তুরেলদা লৈবা অচৌবা সিতী অমসুং তাউন ৯ ফাওদুনা গঙ্গা সাগরদা লোইশিল্লগনি। মসিগী পুৱারি ওইরবা এক্সপেদিশন অসিনা গঙ্গা বেসিগী মরু ওইবা রাজ্য মঙাদা জিলা কয়া অমদা শিনবা থবক-থোরমশিং অদুগা চপ মান্নবা মতম অমত্তদা পাংথোক্লগনি।

হন্দক্কী চহি অসিগী থৌরম অসিনা তুরেলগী কুম্মৈ পাংথোকপগী য়াম্না ফজরবা থৌরম অমা ওইনা উৎলগনি অমসুং রিভর সিতীজ এলাইন্সকী লমজিং-লমতাক মখাদা তুরেল খোংবান্দা লৈবা সিতী কয়া অমনা মসিদা শরুক য়ারবা য়াই। এলাইন্স অসি লৈবাক অসি শিনথুংনা লৈরিবা তুরেল খোংবান্দা লৈবা সিতী ১৪৫না পুন্দুনা শেম্বনি। এলাইন্স অসিগী মরু ওইবা পান্দমদি ইনকলুসিব ওইবা অমসুং সস্তেনেবল ওইবা অর্বান দেবেলপমেন্তকীদমক্তা ঈশিংগী অৱাংৎপা লৈতবা সিতীশিং ওইহন্নবা ময়াম পুম্নমক্না পাম্নবা পোল্যুশন লৈতবা অমসুং ঈচেল লেপ্তবা তুরেল ওইহন্নবা রিভর সেন্সিতিব ওইবা অর্বান প্লানিং তৌদুনা সহর মনুংগী অশেংবা তুরেলশিং ওইহনবা হায়বসিনি। মসিগী কুম্মৈ অসিনা ঐখোয়গী খুনাই অসিদা তুরেলগী কলচরেল অমসুং স্পিরিচুৱলগী মরু ওইবা অদুবা উৎলগনি।

কুম্মৈ অসিদা, “গঙ্গা সমৱাদ” হায়না মিংথোনবা সেসন অমা শিল্লগনি, মসিদা শক্নাইরবা মীওইশিং, রেলিজিয়র অমসুং স্পিরিচুৱল লীদরশিং অমসুং মরু ওইবা মীওইশিংনা হিংরম কয়া অমগী মতাংদা খন্ন-নৈনগনি। মসিগী সমৱাদ অসিগী পান্দমদি নহাশিংবু রিভর কঞ্জার্ভেশন অমসুং এৱেয়রনেস শন্দোক্নবা পুক্নিং থৌগৎপনি। তেক্নিকলে সেসন অমশু পাংথোক্লগনি, মসিদা এক্সপর্তশিংনা রিভর রিজুভনেশনগা মরি লৈনবা ৱাফম কয়া অমগ মতাংদা খন্নরগনি।

কুম্মৈ অসিদা গাত পর হাত কৌবা থৌরম অমশু য়াওগনি, লোইননা নামামি গঙ্গেগী অনৌবা থৌরাং অসিগী মতাংদা উত্থোকপা লোকেল দিপার্তমেন্তশিংনা হাংবা স্তোল কয়া অমশু য়াওগনি। রিভর কঞ্জারভেশনগী মতাংদা কঙহন্নবগীদমক্তা অঙাংশিগীদমক্তা মখল-মখা কয়া অমগী থৌরম কয়া অমশু পাংথোক্লগনি, মসিদা ক্বিজশিং, ফিলম স্ক্রীনিংশিং, মেজিক শোশিং, পপেত শোশিং অমসুং লাই য়েকপা অমসুং শংবগী কমপিতিশনশীং য়াওগনি। নহাশিংগী মরক্তা রিভর কঞ্জারভেশনগী মতাংদা এৱেয়রনেস লৈহন্নবগী পান্দমদা নুক্কদ নাতকশিংশু পাংথোক্কনি। তুরেলশিংগী কলচরগী খোংচৎ অমসুং মখোয়গা মরি লৈনবা ৱারিশিংগী মতাংদা অখন্নবা সেসন অমশু লৈগনি। থৌরম অদুদা নামামি গঙ্গেগী মতাংদা একজিবিশন য়াওগনি, মসিদা মসিগী অণৌবা থৌরাং অসিগী শক্লোন কয়া অমগী মতাংদা উৎলগনি। মসিদা নত্তনা গঙ্গা মাহোতসব সেলেব্রেশন অসিগী শরুক অমা ওইনা অপিকপা ফুদ ফেস্তিভল অমশু য়াওগনি।

‘গঙ্গা উতসব ২০২৪’না মীশিংবু তুরেলশিংগা হেন্না মরি চেৎশিনহল্লগনি অমসুং গঙ্গা তুরেলগী কঞ্জার্ভেশনগী পান্দম অসিবু হেন্না চাউথোকহল্লগনি। মসিগী মথক্তা গঙ্গা তুরেল অসি ভারতকী সিভিলাইজেশনগী য়াম্না মরু ওইবা মফম অমা ওইদুনা লাক্লিবনি, অমসুং কুম্মৈ অসিগী খুত্থাংদা মসিগী হেরিতেজ অমসুং মরু ওইবা অদুগী মতাংদা হেন্না খঙনবা হোৎনরগনি। কুম্মৈ অসিগী মরু ওইবা পা্দম অমনা লু-নানবগী মতাংদা মীয়ামদা এৱেয়রনেস লৈহনবা, লোইননা তুরেল মোৎহনবা থিংবা অমসুং মখোয়বু অমুক হন্না হান্নগুম্না ফগৎহনবদা ময়াম পুন্না হোৎনমিন্ননবা থৌগৎপা অসিনি। থৌরম অসিনা গঙ্গা তুরেলবু হান্নগুম্না খ্বাইদগী হেন্না ফবা মওংদা লংনা লৈহনবদা মতেং পাংলগনি অমসুং তুরেল অসিগী ফজরবা পুৱারি অমসুং শেংলবা মগুন অদুবু লেংদনা লৈহনবদা মতেং পংলগনি।

******