கங்கா திருவிழா 2024 கொண்டாட்டம் ஹரித்வாரில் உள்ள சண்டி படித்துறையில் நவம்பர் 4 ஆம் தேதி தூய்மையான கங்கைக்கான தேசிய மிஷன் (என்.எம்.சி.ஜி) மூலம் ஏற்பாடு செய்யப்பட்டுள்ளது. கங்கை நதியை 'தேசிய நதி' என்று அறிவித்த ஆண்டு நிறைவைக் குறிக்கும் வகையில் ஒவ்வொரு ஆண்டும் இந்த நிகழ்வு நடைபெறுகிறது.  இந்தத் திருவிழாவின் முதன்மை நோக்கம் கங்கை நதியின் பாதுகாப்பை ஊக்குவிப்பது, அதன் கலாச்சார மற்றும் ஆன்மீக முக்கியத்துவத்தை முன்னிலைப்படுத்துவது மற்றும் தூய்மை குறித்த பொது விழிப்புணர்வை ஏற்படுத்துவதாகும். இது நிகழ்வின் எட்டாவது பதிப்பாகும். மேலும் ஆற்றங்கரையில் கொண்டாடப்படும் முதல் நிகழ்வாகும். இந்த நிகழ்ச்சி கங்கை படுகை மாநிலங்களில் 139 மாவட்டங்களில் உள்ள மாவட்ட கங்கை குழுக்களால் கொண்டாடப்படும். மேலும், ஒவ்வொரு மாநிலத்திலும் ஒரு முக்கிய நிகழ்வு இருக்கும்.

மத்திய ஜல் சக்தி துறை அமைச்சர் திரு சி.ஆர்.பாட்டீல் தலைமையில் கங்கா திருவிழாவின் மைய நிகழ்ச்சி கோலாகலமாக கொண்டாடப்படும்.  இந்தத் தொடக்க விழாவில் உத்தராகண்ட் முதலமைச்சர் திரு புஷ்கர் சிங் தாமி, ஜல் சக்தி துறை இணை அமைச்சர் திரு ராஜ் பூஷண் சவுத்ரி மற்றும் ஜல் சக்தி அமைச்சகத்தின் செயலாளர் திருமதி தேபஸ்ரீ முகர்ஜி உள்ளிட்ட பல புகழ்பெற்ற பிரமுகர்கள் கலந்து கொள்வார்கள் என்று எதிர்பார்க்கப்படுகிறது. மேலும், மத்திய மற்றும் மாநில அரசுகளின் முக்கிய விருந்தினர்களும் இந்த நிகழ்ச்சியில் கலந்து கொள்ள வாய்ப்புள்ளது.

எல்லைப் பாதுகாப்புப் படையுடன் இணைந்து வரவிருக்கும் கங்கை பெண் ராஃப்டிங் பயணத்தை கொடியசைத்து தொடங்கி வைக்கும் விழாவும் இந்த நிகழ்ச்சியில் இடம்பெறும். கங்கை நதியின் குறுக்கே உள்ள 9 முக்கிய நகரங்கள் மற்றும் நகரங்கள் வழியாக 50 நாட்கள் நடைபெறும் இந்தப் பயணம் கங்கா சாகரில் நிறைவடையும். கங்கைப் படுகையில் உள்ள ஐந்து முக்கிய மாநிலங்களில் உள்ள பல்வேறு மாவட்டங்களில் ஏற்பாடு செய்யப்பட்ட பல்வேறு நடவடிக்கைகளுடன் இந்த வரலாற்று சிறப்புமிக்க பயணம் ஒத்துப்போகும்.

இந்த ஆண்டு நிகழ்வு நதியைக் கொண்டாடுவதற்கான ஒரு மாதிரி நிகழ்வாக காட்சிப்படுத்தப்படும், மேலும் ரிவர் சிட்டி அலையன்ஸ் ஆதரவின் கீழ் பல நதி நகரங்கள் கலந்து கொள்ளும் என்று எதிர்பார்க்கப்படுகிறது. நாடு முழுவதும் 145 நதி நகரங்களை உள்ளடக்கி இந்தக் கூட்டணி அமைக்கப்பட்டுள்ளது. மாசுபடாத மற்றும் தொடர்ச்சியாக ஓடும் நதிகளை அனைவராலும் கொண்டாடும் நதிகளை உணர்திறன் கொண்ட நகர்ப்புற திட்டமிடுதலின் ஒருங்கிணைந்த அணுகுமுறையை பின்பற்றுவதன் மூலம் ஆரோக்கியமான நகர்ப்புற நதிகளை அடைவதே இந்தக் கூட்டணியின் முக்கிய நோக்கமாகும். நமது சமூகத்தில் நதிகளின் கலாச்சார மற்றும் ஆன்மீக முக்கியத்துவத்தை எடுத்துரைக்க இந்த விழா ஒரு குறிப்பிடத்தக்க தளமாக செயல்படும்.

திருவிழாவின் போது, "கங்கா சம்வாத்" என்ற அமர்வு ஏற்பாடு செய்யப்படும், இதில் முக்கிய நபர்கள், மத மற்றும் ஆன்மீகத் தலைவர்கள் மற்றும் முக்கிய நபர்களிடையே பல்வேறு தலைப்புகளில் விவாதங்கள் இடம்பெறும். நதிப் பாதுகாப்புடன் இளைஞர்களை இணைத்து விழிப்புணர்வை ஏற்படுத்துவதே இந்த சம்வாத்தின் நோக்கமாகும். ஒரு தொழில்நுட்ப அமர்வும் நடைபெறும், அங்கு வல்லுநர்கள் நதி புத்துயிர் தொடர்பான குறிப்பிடத்தக்க பிரச்சினைகள் குறித்து விவாதிப்பார்கள்.

இந்தத் திருவிழாவில் கங்கை புத்துயிரூட்டல் முன்முயற்சியின் அம்சங்களை வெளிப்படுத்த உள்ளூர் துறைகளால் அமைக்கப்பட்ட பல்வேறு அரங்குகளும்  அடங்கும். வினாடி வினாக்கள், திரைப்படத் திரையிடல்கள், மேஜிக் ஷோக்கள், பொம்மலாட்ட நிகழ்ச்சிகள் மற்றும் வரைதல் மற்றும் ஓவியப் போட்டிகள் உள்ளிட்ட நதிப் பாதுகாப்பில் குழந்தைகளை ஈடுபடுத்துவதற்கான பல்வேறு நடவடிக்கைகள் ஏற்பாடு செய்யப்படும். இளைஞர்களிடையே நதிநீர் பாதுகாப்பு குறித்த விழிப்புணர்வை ஏற்படுத்தும் நோக்கில் தெருக்கூத்து நாடகங்களும் நடைபெறும். ஒரு பிரத்யேக அமர்வு நதிகளின் கலாச்சார பயணம் மற்றும் அவற்றுடன் தொடர்புடைய கதைகளில் கவனம் செலுத்தும். இந்த முயற்சியின் பல்வேறு அம்சங்களை வெளிப்படுத்தும் கங்கை புத்துயிரூட்டல் குறித்த கண்காட்சியும் இந்த நிகழ்ச்சியில் இடம்பெறும். மேலும், கங்கை பெருவிழா கொண்டாட்டங்களின் ஒரு பகுதியாக ஒரு சிறிய உணவுத் திருவிழாவும் இருக்கும்.

இந்தத் திருவிழா, கங்கையுடனான மக்களின் தொடர்பை மேம்படுத்துவதோடு, கங்கை நதியைப் பாதுகாப்பதற்கான காரணத்தையும் வலியுறுத்தும். கூடுதலாக, கங்கை நதி இந்திய நாகரிகத்தின் ஒரு முக்கிய மையமாக இருந்து வருகிறது, மேலும் இந்தத் திருவிழாவின் மூலம், அதன் பாரம்பரியம் மற்றும் முக்கியத்துவத்தைப் பற்றிய புரிதலை ஆழப்படுத்த முயற்சிகள் மேற்கொள்ளப்படும். திருவிழாவின் மற்றொரு முக்கிய நோக்கம், தூய்மை குறித்து பொதுமக்களிடையே விழிப்புணர்வை ஏற்படுத்துவதுடன்,  நதி மாசுபடுவதைத் தடுப்பதற்கான கூட்டு முயற்சிகளை ஊக்குவிப்பது, அவற்றுக்கு புத்துயிர் அளிப்பதும் ஆகும். இந்த நிகழ்ச்சி கங்கை நதியை அதன் பழமையான நிலைக்கு மீட்டெடுக்கவும், நதியின் துடிப்பான வரலாற்று மற்றும் புனிதத் தன்மையைத் தக்க வைத்துக் கொள்ளவும் உதவும்.

*****

PKV/KV