কম্মর্স অমসুং ইন্দস্ত্রীগী কেন্দ্রগী মন্ত্রী, শ্রী পিয়ুশ গোয়ল 2024গী ওক্তোবর 29-30দা কিংদম ওফ সাউদী আরাবিয়াদা চৎকনি। খোঙচৎ অসিগী পান্দমদি ভারত-সাউদী অরাবিয়াগী স্ত্রেতেজিক পার্তনরশিপ মখা তানা চেৎশিলহন্নবা অমসুং ললোন-ইতিক, ইনভেস্তমেন্ত অমসুং ইকনোমিক কোওপরেসনগী অনৌবা লম্বীশিং থীজিন্দুনা মালেমগী ওইনা ভারতকী চাউখৎলক্লিবা ইকনোমিক প্রজেন্সপু ময়েক শেংনা তাকপনি। শ্রী গোয়লনা রিয়াধতা ফ্যুচর ইনভেস্তমেন্ত ইনিসিএতিব (FII) গী 8শুবা ইদিসনদসু শরুক য়াগনি। মসি মালেমগী লুচিংবশিং, ইনভেস্তরশিং অমসুং ইন্নোভেতরশিং পুনশিনবা মরুওইবা প্লেৎফোর্ম অমনি।

মসিগী মথক্তা শ্রী গোয়লনা রিয়াধকী লুলু হাইপর মার্কেৎতা দিৱালী উৎসব হৌদোক্কনি। মহাক্না ভারতকী অচৌবা কম্ম্যুনিতী, ভারত্তগী হৌরকখিবা চার্তর একাউন্তেন্তশিং অমসুং তোঙান-তোঙানবা লমশিংদগী ইন্দিয়ন দাইস্পোরাগী লুচিংবশিংগা ৱারী শানগনি। শ্রী গোয়লনা ভারতকী কলচরেল হেরিতেজ অমসুং লোকেল ক্রাফ্মেনশিপপু মালেমগী থাক্তা প্রমোৎ তৌনবা ইন্দিয়ন এম্বেসীদা ৱান দিস্ত্রিক্ত, ৱান প্রদক্ত (ODOP) ৱালসু মাইখুম হাংদোক্কনি।

8শুবা FIIগীদমক রিয়াধ খোঙচৎ অসিনা বিজিনেস-তু-বিজিনেস এঙ্গেজমেন্ত হেনগৎহন্নবা অমসুং স্ত্রেতেজিক পার্তনরশিপশিং হেন্না চেৎশিলহন্নবা মপাঙ্গল কনবা য়ুম্ফম অমা শেমগনি। মহাক্কী শরুক য়াবা অসিনা ভারতকী য়াম্না থুনা চাউখৎলক্লিবা শেন্মিৎলোন, তুংকোইনা চৎনগদবা চাউখৎ-থৌরাং, AI অমসুং রিন্যুএবল ইনর্জী, দিজিতেল ইনফ্রাস্ত্রকচর অমসুং এদভান্স মেন্যুফেকচরিংগুম্বা সেক্তরশিংদা লৈরিবা অচৌবা খুদোংচাবশিং উৎলগনি। FIIগী নাকলদা শ্রী গোয়লনা মালেমগী শক্নাইরবা ইনভেস্তরশিংগা ৱারী শানগনি। ইনবেস্তরশিংগী থাজবা হেনগৎহনবা, ইনভেস্তমেন্ত ফ্লোশিং লাইথোকহনবা অমসুং মেক ইন ইন্দিয়া ইনিসিএতিবকা মরী লৈননা ভারতপু মালেমগী ওইনা পাম্নবা ইনভেস্তমেন্তকী মফম অমা ওইনা প্রমোৎ তৌবা অসি মসিগী ইন্তরেক্সনশিং অসিগী পান্দমনি।

মন্ত্রীনা শেন-থুম মন্ত্রী, ইন্দস্ত্রী অমসুং মিনরেল রিসোর্স মন্ত্রী, ইনভেস্তমেন্ত মন্ত্রী অমসুং ইনর্জী মন্ত্রী য়াওনা মরুওইবা সাউদীগী মন্ত্রীশিংগা লোয়ননা নাকল অনিগী ওইবা মীফমশিং পাংথোক্কনি। শ্রী গোয়লনা ইন্দিয়া-সাউদী স্ত্রেতেজিক পার্তনরশিপ কাউন্সিলগী মখাদা ইকনোমী অমসুং ইনভেস্তমেন্ত কম্মিতীগী অনিশুবা মিনিস্তরেল মীফমদা কো-চেয়র তৌগনি। মীফম অদুদা লৌউ-শিংউ, ফুদ সেক্যুরিতী, ইনর্জী, তেক্নোলোজী অমসুং ইনফ্রাস্ত্রকচরগুম্বা সেক্তরশিংদা মীৎয়েং থমগনি।

***

(Release ID: 2069042) Visitor Counter : 3