സമാധാനം, ഐക്യം, സാഹോദര്യം, ആത്മീയത എന്നീ തത്വങ്ങൾക്ക് ഭാരതം ഏറെക്കാലമായി ഉദാഹരിക്കപ്പെടുന്നുവെന്ന് ഉപരാഷ്ട്രപതി ജഗ്ദീപ് ധന്‍ഖര്‍ പറഞ്ഞു. ‘ലോകം ഒരു കുടുംബം’ എന്നര്‍ത്ഥം വരുന്ന നമ്മുടെ പ്രാചീന തത്വചിന്തയായ 'വസുധൈവ കുടുംബകം'  ഇന്ത്യൻ നാഗരികതയുടെയും സംസ്കാരത്തിൻ്റെയും കാതലാണ്. . വടക്കുകിഴക്കന്‍ മേഖലകളില്‍ ശ്രദ്ധ കേന്ദ്രീകരിക്കുന്ന സാഹചര്യത്തില്‍ സമാധാനം, ഐക്യം, ആത്മദര്‍ശനം, ആഴത്തിലുള്ള ഭക്തിബോധം എന്നിവ നാം ജീവിതത്തിന്റെ ഭാഗമാക്കുന്നു. കൃഷ്ണഗുരു അന്താരാഷ്ട്ര ആത്മീയ യുവസമൂഹത്തിന്റെ 21-ാമത് ബിനാലെ സമ്മേളനത്തിന്റെ ഉദ്ഘാടന ചടങ്ങില്‍ സംസാരിക്കുകയായിരുന്നു ഉപരാഷ്ട്രപതി.


“ഞാൻ വടക്കുകിഴക്കൻ മേഖലയിലാണ്. ഈ പ്രദേശത്തിന്റെ സ്വാഭാവികമായ ഐക്യം ജനങ്ങള്‍ക്ക് ആത്മദര്‍ശനത്തിനും ആന്തരിക സമാധാനത്തിനും അവസരമൊരുക്കുന്നു. ഇന്ന് ഇവിടെ ഈ പരിപാടിയിൽ പങ്കെടുത്തതോടെ എനിക്ക് ഒരു പുതിയ ആന്തരികസമാധാനം ലഭിച്ചു. ഭാരതീയത നമ്മുടെ സ്വത്വമാണ്. അതിൻ്റെ പ്രചാരണത്തിനും സംരക്ഷണത്തിനുമായി ഉറച്ചുനിൽക്കുന്ന ഒരാളുണ്ട്  - ഒരേയൊരു പേര് - കൃഷ്ണഗുരു. ഞാനിന്ന് പരമപൂജ്യനൊപ്പം നില്‍ക്കുമ്പോള്‍ ഉയര്‍ന്ന ലക്ഷ്യങ്ങളാണ് പ്രവര്‍ത്തനത്തെ നയിക്കേണ്ടതെന്നത് ശക്തമായി മുഴങ്ങിക്കേള്‍ക്കുന്നു.


യുവശക്തി മഹാശക്തിയാണെന്ന് ചടങ്ങിൽ സംസാരിച്ച കേന്ദ്ര തുറമുഖ -  കപ്പല്‍ - ജലഗതാഗത മന്ത്രി ശ്രീ സർബാനന്ദ സോനോവാൾ പറഞ്ഞു. ആത്മീയവും സാംസ്കാരികവും സാമൂഹ്യവുമായ ശാക്തീകരണത്തിലൂടെ നാടിനെ ശക്തിപ്പെടുത്തുന്നതിൽ നമ്മുടെ യുവത നിർണായക പങ്കുവഹിക്കും.


സമ്മേളനത്തിനെത്തിയ ഉപരാഷ്ട്രപതി, അസം ഗവർണർ, അസം മുഖ്യമന്ത്രി, കേന്ദ്ര തുറമുഖ -  കപ്പല്‍ - ജലഗതാഗത മന്ത്രി എന്നിവർക്ക് നേരത്തെ പരമ്പരാഗത ഖോൽ കളിക്കാരുടെ സംഘം ഊഷ്മളമായ സ്വീകരണം നൽകിയിരുന്നു. ചടങ്ങിൽ അതിഥികളുടെ സാന്നിധ്യത്തിൽ ഉപരാഷ്ട്രപതിയും ഭാര്യയും ചേർന്ന് വൃക്ഷത്തൈകൾ നട്ടു.


ഉപരാഷ്ട്രപതിയുടെ പ്രസംഗം പൂർണ്ണരൂപത്തിൽ ലഭിക്കാൻ ക്ലിക്ക് ചെയ്യുക