نائب صدر جمہوریہ نے آج کہا، "شمال مشرق اب ہماری قومی ترقی کا مرکز ہے"، ہندوستان کے قومی بیانیے میں شمال مشرقی خطے کی بڑھتی ہوئی اہمیت پر زور دیتے ہوئے، انہوں نے کہا، "ہم شمال میں طلوع آفتاب کا ایک ایسا مرحلہ دیکھ رہے ہیں جس کا کبھی تصور بھی نہیں کیا گیا تھا۔ یہاں تک کہ اس سرزمین کے لوگوں کے ذریعہ بھی نہیں۔" جناب دھنکھڑ نے زور دے کر کہا کہ شمال مشرق کی تبدیلی ہندوستان کی ترقی کو آگے بڑھانے کے جذبے کا ثبوت ہے۔ "کئی دہائیوں تک، اس خطے کو ترقی اور رابطے سے متعلق چیلنجوں  کا سامنا تھا، لیکن آج یہ ایک حقیقی ترجیح بن گیا ہے،" انہوں نے اس بات کی عکاسی کرتے ہوئے کہا کہ کس طرح خطے کی ترقی ہر روز تیزی سے آگے بڑھ رہی ہے۔

آج گوہاٹی کےکالج آف ویٹرنری سائنس میں کرشنا گرو انٹرنیشنل اسپراچوئل یوتھ سوسائٹی کے 21ویں بین الاقوامی کنکلیو سے خطاب کرتے ہوئے نائب صدر جمہوریہ نے کہا، "وہ تین اصول جو ہمارے ملک میں تبدیلی کے طریقہ کار کے ایک حصے کے طور پر آپ کی مدد کریں گے: کسی بھی حالت میں، اپنے آپ کو روحانیت سے دور نہ کریں۔ کرشن گروجی نے روحانیت کا جو راستہ سکھایا ہے،  اس راستے سے بھٹکنا ایک غلطی ہوگی۔ اس راستے کے ساتھ ساتھ قوم پرستی، جدیدیت اور تکنیکی ترقی کو بھی ذہن میں رکھیں۔ جب ان تینوں کو ملایا جائے گا، جیسا کہ یہاں ذکر کیا گیا ہے، اور جیسا کہ کئی سال پہلے ریکارڈ کیا گیا تھا - ایک 'وشوگورو'، دنیا کی سب سے بڑی اقتصادی طاقت ہونے کی حیثیت - کوئی بھی اسے روک نہیں پائے گا۔ یہ آپ کے کندھوں پر ٹکی ہوئی ہے"، انہوں نے کہا۔

نائب صدر جمہوریہ نے کرشن گروجی کی تعلیمات کے اثرات کیستائش کرتے ہوئے کہا کہ "کرشن گرو جی خدائی فضل کے جوہر کو مجسم کرتے ہیں، اپنے عقیدت مندوں کے دلوں کو اپنی محبت، خدمت اور انسانیت کی تعلیمات سے منور کرتے ہیں۔" انہوں نے کرشن گروجی کی تعلیمات پر مزید زور دیا، جنہوں نے ہر ایک کو "اپنے آپ سے آگے سوچنے، برادری کے لیے سوچنے، قوم کے لیے سوچنے" کی ترغیب دی۔ انہوں نے اس بات پر روشنی ڈالی کہ ہندوستان ایک منفرد ملک ہے، "جس کا جغرافیہ روحانیت کے مراکز سے  مربوط ہے"، جو ملک میں ہمدردی، اتحاد اور سبھی کی فلاح و بہبود کے  جذبے کی میراث کو تقویت دیتا ہے۔

نائب صدر جمہوریہ نے روحانیت کی موروثی خوبیوں پر مزید روشنی ڈالی اور ان اقدار کے فروغ پر زور دیا جو ہم آہنگی اور انصاف کا باعث بنتی ہیں۔ انہوں نے کہا ، "میرے دوستو، یاد رکھیں کہ روحانیت میں کچھ اندرونی خصوصیات ہیں: محبت، ہمدردی، صبر، برداشت، معافی، اور ذمہ داری کا احساس۔ جیسا کہ ہم ان اقدار کو فروغ دیتے ہیں، ہم ایک پرامن اور انصاف پسند دنیا کے بیج بوتے ہیں۔

نائب صدر جمہوریہ نے ہندوستان کی لچک اور بے لوث خدمت کی تاریخ پر روشنی ڈالتے ہوئے کہا کہ ، خاص طور پر بحران کے وقت’’ہماری پوری تاریخ میں ہمیں بہت سے مواقع ملے ہیں۔ ہمارے عظیم رہنماؤں اور روحانی شخصیات نے ہمیشہ بحران کے وقت ہمارا ساتھ دیا ہے، ایک ایسی ثقافت فراہم کی ہے جہاں، چاہے وہ کووڈ-19 وبائی بیماری ہو، زلزلہ ہو، یا کوئی اور آفت، ہمارے مندر اور روحانی مراکز امداد فراہم کرنے کے لیے آگے آئے ہیں۔"

ہندوستان کے قدیم متون کی اہمیت پر غور کرتے ہوئے، انہوں نے مزید کہا ، "یہ صحیفے کیا ہیں - رامائن، مہابھارت، بھگود گیتا، اپنشد اور وید - ہمیں کیایاد دلاتے ہیں؟ اس عمل کی رہنمائی ایک اعلیٰ مقصد سے ہونی چاہیے، جس سے نہ صرف ہمیں بلکہ دوسروں اور ہماری برادریوں کو بھی فائدہ پہنچے۔ یہ پیغام آج دل کی گہرائیوں میں گونج رہا ہے۔"

نائب صدر جمہوریہ نے مشرق سے متعلق ہندوستان کی خارجہ پالیسی کے ارتقاء پر بھی تفصیل سے روشنی ڈالی۔ ’’لُک ایسٹ کا وژن، جس کی ابتدا 90 کی دہائی کے وسط میں ہوئی، وزیر اعظم مودی نے ’لُک ایسٹ-ایکٹ ایسٹ‘کے ساتھ ایک زیادہ اثر انگیز جہت میں تبدیل کر دیا۔ اس کا مطلب یہ ہے کہ ہندوستان نے جنوب مشرقی ایشیائی ممالک کے ساتھ زیادہ گہرائی سے جڑنا شروع کیا‘‘ ۔ انہوں نے اس بات پر روشنی ڈالی کہ مشرق کی طرف دیکھو، مشرق کی پالیسی پر عمل کرو کے ذریعہ، ہندوستان نے جنوب مشرقی ایشیائی ممالک کے ساتھ اپنے تعلقات کو نمایاں طور پر مضبوط کیا ہے، جس سے شمال مشرقی ہندوستان کی اسٹریٹجک اور اقتصادی اہمیت میں اضافہ ہوا ہے۔

نائب صدرجمہوریہ نے شمال مشرق کو ایک متحرک اور فروغ پزیر خطہ کے طور پر تشکیل دینے میں اسپالیسی کے تبدیلی کے کردار پر زور دیتے ہوئے مزید کہا کہ ’لُک ایسٹ-ایکٹ ایسٹ‘کی پالیسی کی وجہ سے، جہاں ہم جنوب مشرقی ایشیا کے ممالک تک پہنچ رہے ہیں، شمال مشرق نے ایک نمایاں مقام حاصل کیا ہے۔ آج، شمال مشرقی ہندوستان موقع کی جگہ بنتا جا رہا ہے ۔

جناب دھنکھڑ نے شمال مشرق کی الگ شناخت اور ثقافتی ورثے کی بڑھتی ہوئی پہچان پر فخر کا اظہار کیا۔ انہوں نے کہا ، "شمال مشرق کی منفرد شناخت اور ثقافت کا اعتراف بڑھتا جا رہا ہے۔ حال ہی میں، ہم نے ایک قابل فخر لمحہ دیکھا جب بنگالی، مراٹھی، پالی اور پراکرت کے ساتھ ساتھ آسامی کو ہندوستان کی کلاسیکی زبانوں میں سے ایک کے طور پر تسلیم کرنے  کی ایک دیرینہ ضرورت پوری ہوئی۔

نائب صدر جمہوریہ نے بتایا کہ یہ آسام کے لیے ایک اہم سنگ میل ہے، "یہ پہچان آسام کو اس کے بھرپور ثقافتی ورثے اور مقامی زبان کے ٹیپسٹری کو بانٹنے کے قابل بنائے گی، اور پورے ملک میں اپنے اثر و رسوخ اور ثقافتی دولت کو بڑھا دے گی۔" انہوں نے مزید کہا، "اس خطے کی بیش بہا خوبصورتی امن کی فضا پیدا کرتی ہے جو خود شناسی اور مراقبہ کے لیے سازگار ہوتی ہے، جس سے روحانیت کی گہری کھوج اور زندگی کے باہم مربوط ہونے کی زیادہ توضیح ہوتی ہے۔"

آخر میں،جناب دھنکھڑ نے اہم اعدادوشمار بھی شیئر کیے جو تبدیلی کے پیمانے کی عکاسی کرتے ہیں: "گزشتہ 10 سالوں میں، مرکزی حکومت نے اس علاقے میں 3.37 لاکھ کروڑ روپے کی سرمایہ کاری کی ہے۔ یہ صرف نمبر نہیں ہیں۔ وہ سڑکوں، ریلوے اور ہوائی اڈوں کے ساتھ ساتھ بہتر کنیکٹیویٹی کے ٹھوس نقشوں کی نشاندہی کرتے ہیں۔

اس موقع پر آسام کے گورنرجناب لکشمن پرساد اچاریہ،آسام کے وزیر اعلیٰڈاکٹر ہمنتا بسوا سرما، بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال، سی ای ایم،بی ٹی آر کے جناب پرمود بورو،  بھکتی ماتری کنتلا پٹواری گوسامی،جناب کملا گوگوئی، صدر کرشن گرو انٹرنیشنل اسپراچوئل یوتھ سوسائٹی اور دیگر معززین بھی موجود تھے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  (

1805