زراعت اور کسانوں کی بہبود کے مرکزی وزیر جناب شیوراج سنگھ چوہان اور ماحولیات، جنگلات اور موسمیاتی تبدیلی کے مرکزی وزیر جناب بھوپیندر یادو کی شریک صدارت میں آج فصلوں کی باقیات کو جلانے کے انتظام کے مسائل کو حل کرنے کے لیے ایک بین وزارتی میٹنگ طلب کی گئی۔ میٹنگ میں ریاست پنجاب، ہریانہ اور اتر پردیش کے زراعت کے وزرا، ماحولیات، جنگلات اور جنگلی حیات حکومت دہلی کے این سی ٹی کے وزیر اور پنجاب، ہریانہ، اتر پردیش، دہلی کی ریاستی حکومتوں، محکمہ زراعت اور کسانوں کی بہبود، انڈین کونسل آف ایگریکلچرل ریسرچ (آئی سی اے آر)، وزارت ماحولیات جنگلات اور موسمیاتی تبدیلی، مرکزی آلودگی کنٹرول بورڈ، دہلی وغیرہ کے سینیئر افسران اور ریاستی حکومتوں کے سینئر افسران نے شرکت کی۔

پنجاب، ہریانہ، اتر پردیش اور دہلی کی این سی ٹی کی ریاستی حکومتوں کے وزرا نے دھان کی پرالی کو جلانے سے روکنے کے لیے ان کی طرف سے اٹھائے جانے والے اقدامات اور کسانوں کو بغیر جلائے دھان کے باقیات کا انتظام کرنے میں مدد دینے کے لیے  کیے جانے والے مختلف اقدامات کے بارے میں بتایا۔

اسی مدت کے پچھلے سال 2023 کے مقابلے اس سال پنجاب میں جلانے کے واقعات 35 فیصد کم اور ہریانہ میں 21 فیصد کم ہیں۔ اس کے علاوہ، ریاستوں کو مشورہ دیا گیا ہے کہ وہ ہاٹ اسپاٹ اضلاع کی نشاندہی کرتے ہوئے تمام ضروری وسائل کی تعیناتی کے ذریعے مستقبل میں پیش آ سکنے والے باقیات کو جلائے جانے کے واقعات جیسی صورتحال سے نمٹنے کے لیے حکمت عملی کے ساتھ منصوبہ بندی کریں۔

فصلوں کی باقیات کے انتظام پر مرکزی طور پر اسپانسر شدہ اسکیم کے تحت حکومت ہند پہلے ہی پنجاب، ہریانہ، اتر پردیش اور دہلی کی این سی ٹی ریاستوں کو پروسیجر جلانے کی وجہ سے دہلی اور قومی راجدھانی کے علاقے میں فضائی آلودگی سے نمٹنے کے لیے مالی مدد فراہم کر رہی ہے۔ موجودہ سال کے دوران، اب تک ریاستوں کو کل مختص 600.00 کروڑ روپے میں سے 275.00 کروڑ روپے کے فنڈز پہلے ہی جاری کیے جا چکے ہیں۔ یہ اسکیم کسانوں، کوآپریٹو سوسائیٹیوں، فارمر پروڈیوسر تنظیموں اور پنچایتوں کو مالی امداد کے ذریعے اندرونی اور بیرونی فصل کی باقیات کے انتظام کی مشینوں کے استعمال کو فروغ دیتی ہے۔ یہ اسکیم انڈین کونسل آف ایگریکلچرل ریسرچ (آئی سی اے آر) کے تحت مختلف ریاستی ایجنسیوں اور 3 اے ٹی اے آر آئی اور 60 کرشی وگیان کیندروں (کے وی کے) کے ذریعے پرالی کے انتظام کے بارے میں بڑے پیمانے پر بیداری پیدا کرنے پر بھی توجہ مرکوز کرتی ہے۔

آنے والے سیزن کے دوران دھان کی پرالی کو جلانے پر مؤثر کنٹرول کے لیے، ریاستوں نے پہلے ہی مائیکرو لیول پر ایک جامع ایکشن پلان تیار کر لیا ہے اور ان منصوبوں پر مؤثر عمل آوری کو یقینی بنانے کا وقت آ گیا ہے۔ یہ بھی ضروری ہے کہ ریاستی سطح پر ایک مناسب طریقہ کار وضع کیا جائے تاکہ اب تک فراہم کی گئی 3.00 لاکھ سے زیادہ مشینوں کے مؤثر استعمال کو یقینی بنایا جا سکے۔ الیکٹرانک/پرنٹ میڈیا، سوشل میڈیا کے ساتھ ساتھ کسان میلوں، پبلیکیشن، سیمینار، ایڈوائزریز کے ذریعے کسانوں کی بڑے پیمانے پر آگاہی کے لیے آئی ای سی کی سرگرمیاں اس شعبے کے تمام اسٹیک ہولڈروں کی شمولیت کے ساتھ شروع کی جائیں۔ چھوٹی اراضی رکھنے والے کسانوں کو کسٹم ہائرنگ سینٹرز کا فائدہ اٹھانے کی ترغیب دی جا سکتی ہے اور ریاستوں کو اس بات کو یقینی بنانا چاہیے کہ ان کسانوں کو کرائے کی بنیاد پر مشینیں مارکیٹ کی قیمتوں سے کم نرخوں پر فراہم کی جائیں۔ زیادہ رقبہ کو کراپ ڈائیورسیفکیشن پروگرام کے تحت لایا جا سکتا ہے اور دھان کی فصل کی جگہ متبادل فصل کے انتخاب کو اپنایا جا سکتا ہے۔ دھان کا بھوسا، گنے کا کچرا، صنعتی فضلہ وغیرہ کو جلانے سے ملک میں آلودگی کی سطح بڑھ رہی ہے اور خاص طور پر دہلی میں یہ مسئلہ شدید ہے جس سے انسانی صحت خراب ہو رہی ہے۔ لہٰذا، مشن موڈ میں مشترکہ کوششیں ریاستی سطح پر کھیتوں میں ہی دھان کے بھوسے کو استعمال کرنے کے لیے اپنائی جا سکتی ہیں۔ اگر مندرجہ بالا فریم ورک کے اندر تمام اقدامات جیسا کہ پہلے ہی درخواست کی گئی ہے، ریاستی سطح پر ایک جامع انداز میں اٹھائے جائیں تو باقیات کے جلانے پر مؤثر طریقے سے قابو پایا جا سکتا ہے۔

زراعت اور کسانوں کی فلاح و بہبود کے مرکزی وزیر اور ماحولیات، جنگلات اور موسمیاتی تبدیلی کے مرکزی وزیر نے دھان کی پرالی کو جلانے کے واقعات کو کم کرنے میں ریاستی حکومت کی کوششوں کی تعریف کی اور مشن زیرو برننگ کی سمت کام کرنے کا مشورہ دیا۔

************

ش ح۔ ف ش ع

U: 1788