কেন্দ্রগী ফিশরীজ, এনিমল হসবেন্দ্রী অমসুং দেরিয়িংগী মন্ত্রী, শ্রী রাজিব রঞ্জন সিং এলাইস ললন সিংনা ঙসি নই দিল্লীদা “এনিমল হেল্থ সেক্যুরিতী স্তেন্থনিং ইন ইন্দিয়া ফোর পেন্দেমিক প্রিপেয়র্দ এন্দ রেসপোন্স” হায়বা অসিগী মতাংদা পেন্দেমিক ফন্দ প্রোজেক্ত হৌদোকখ্রে। পেন্দেমিক ফন্দ প্রোজেক্ত অসি G20 পেন্দেমিক ফন্দনা শেন্থং কাইথবা মিলিয়ন  $25গী অনৌবা থৌরাং অমনি।

ফিশরীজ, এনিমল হসবেন্দ্রী অমসুং দেরিয়িংগী রাজ্য মন্ত্রী, প্রোফেসর এস.পি. সিং বাঘেল অমসুং শ্রী জোর্জ কুরিয়ননা থৌরম অদুদা গেস্ত ওফ ওনর ওইনা শরুক য়াখি। পেন্দেমিক ফন্দ প্রোজেক্ত হৌদোকপগী থৌরম অদুদা শরুক য়াখিবশিং অদুদা মরু ওইবা অঙম অথৌশিং য়াওখি, মদুদা G20 শের্পা, শ্রী অমিতাভ কন্ত, NITI আয়োগকী মেম্বর (হেল্থ), প্রোফেসর দা. ভি.কে. পোল, ফিশরীজ, এনিমল হসবেন্দ্রী অমসুং দেরিয়িংগী সেক্রেতরী, শুকুমারি অল্কা উপাধ্যায়শু য়াওখি।

কেন্দ্রগী মন্ত্রী, শ্রী রাজিব রঞ্জন্না থমখিবা ৱারোল অদুদা মহাক্না লাইবস্তোক সেক্তরগী মরু ওইবা অদুগী মতাংদা পনখি মরমদি মসিনা খুনাই অসিগী সোসিয়েল অমসুং ইকোনোমিক অপলিফমেন্তত্তা মসিনা চাউরবা থৌদাং লৌরি। মহাক্না হায়খি মদুদি দিপার্তমেন্তকী স্কীমশিং নিংথিনা ইমপ্লিমেন্ত তৌবনা মরম ওইরগা হৌখিবা চহি 9 অসিদা লাইবস্তোক সেক্তরনা য়াম্না চাউনা শাহৌ লাকপোআ থেংনখি। নেস্নেল এনিমল দিজীজ কন্ত্রোল প্রোগ্রাম (NADCP)গী খুত্থাংদা, দিপার্তেমন্ত অসিনা লৈবাক অসিদগী ফুদ অমসুং মাওউথ দিজীজ (FMD) অমসুং ব্রুসলোসিস লাকশিন্নবা অমসুং মুত্থৎনবা পান্দম থম্লি। মহাক্না হায়খি মদুদি হৌজিক ফাওবদা পুন্না FMD ভেক্সিন করোর 90.87 অমসুং ব্রুসেলোসিসকী ভেক্সিন করোর 4.23 কাপথোকখ্করে। এনিমল হসবেন্দ্রী অমসুং দেরিয়িংগী দিপার্তমেন্তনা লৈবাক অসিগী রাজ্য মাপলদা FMD দিজীজ লৈতবা জোন শেম্নবগী থৌরাং তৌরি। শ্রী রাজিব রঞ্জন সিংনা হায়খি মদুদি পেন্দেমিক ফন্দ অসিনা মাংজৌননা চেকশিন থৌরাং লৌখৎনবগীদমক্তা জেনোমিক অমসুং এনভাইরনমেন্তেল সর্ভেলেন্স য়াওনা দিজীজ সর্ভেলেন্স হেনগৎহন্দুনা দিপার্তমেন্তকী লৈরিবা অনৌবা থৌরাংশিং, লেবোরেতরী ইনফ্রাস্ত্রকচর শেমগৎপদা, ক্রোস-বোর্দর কোলাবোরেশনদা মতেং পাংলি  অমসুং জোনোতিক দিজীজশিংবু মোনিতর তৌনবা অমসুং লাকশিন্নবগীদমক্তা হেন্না ইন্তিগ্রেতেদ ওইবা সিস্তেম অমা শেম্লগনি।  

থৌরম অদুদা কেন্দ্রগী মন্ত্রী অদুনা ভারত্তা এনিমল হেল্থ মেনেজমেন্ত হেন্না ফগৎহন্নবগী পান্দমদা মরু ওইবা দোক্যুমেন্ত অনি ফোংখ্রে:

1. স্তেন্দার্দ ভেতরিনরী ত্রীৎমেন্ত গাইদলাইন্স (SVTG): লাইবস্তোক্কী হেল্থ অমসুং প্রোদক্তিবিতী ফগৎহন্নবা অমসুং এন্তি-মাইক্রোবিয়েল রেজিস্তেন্সকীদমক্তা নেসনএল এক্সন প্লান অদুবু সপোর্ত তৌনবগী পান্দমদা ভেতরিনরী কিয়রগীদমক্তা খ্বাইদগী হেন্না ফবা চৎনবীশিংগী মতাংদা তাকপা কমপ্রেহেন্সিব ওইবা দোক্যুমেন্ত।
2. শা-শনগী লাইনাশিংগীদমক্তা খ্রাইসিস মেনেজমেন্ত প্লান (CMP): শা-শনগী লাইনা শন্দোরকপা মতমদা লাকশিন্নবা অমসুং রেসপোন্দ তৌনবগীদমক্তা ফ্রেমৱার্ক অমা পীগদবা য়াম্না মরু ওইবা রিসোর্স, মসিনা য়াম্না লাকশিনবদা অমসুং ফগৎহনবদা মতেং পাংলগনি। 

মসিগী দোক্যুমেন্তশিং অসিনা ভেতরিনরিয়নশিং, পোলিশীমেকরশিং অমসুং ফীল্দ ওফিসিয়েলশিংদা এনিমল হেল্থ খ্রাইসিস থোরকপা মতমদা মতম চানা অমসুং অমসুং খ্বাইদগী হেন্না ফবা মওংদা রেসপোন্স তৌবদা অমসুং দিজীজ মেনেজমেন্ত প্রোতোকোলশিং ফগৎহনবদা মতেং পাংবা অদুগুম্বা য়াম্না মরু ওইবা খুৎলাই ওইনা থবক তৌরগনি।

মখা তারকপদা, মহাক্কী ৱারোলদা, কেন্দ্রগী মন্ত্রীনা ৱান হেল্থ এপ্রোচ এদোপ তৌবগী মরু ওইবা অদুগী মতাংদা পনখি, মসিনা হেল্থ খ্রাইসিশিং ঙাকথোকপদা অমসুং লাকশিন্নবা হোৎনবদা মীওইবা, শা-শন অমসুং অকোইবদা লৈরিবা ম্শাগী ফিভমবু অমত্তা ওইনা পুনশিল্লি। হন্দক্তা শা-শনদগী হৌরকপা পব্লিক হেল্থ ইমর্জেন্সীশিং অদুনা মরম ওইরগা, প্রোজেক্ত অসিনা তুংদা লাক্কদবা লাইনা লাইচত্তগী মীওইবা অমসুং শা-শনশিং অনিমকপু ঙাকথোক্নবা জুনোতিক রিস্কশিং অদুবু য়েংশিনবগী তঙাইফদবা অদুবু হেন্না মপাঙ্গল কনখৎহল্লি।

“এনিমল হেল্থ সেক্যুরিতী স্তেন্থনিং ইন ইন্দিয়া ফোর পেন্দেমিক প্রিপেয়র্দ এন্দ রেসপোন্স”কী অনৌবা থৌরাং অসিনা শা-শনদগী মীওইবদা শন্দোকপা য়াবা জুনোতিক দিজীজকী খুদোংথিবা অদু হন্থহনবদা মরু ওইবা থৌদাং লৌরগনি। পেন্দেমিক ফন্দ প্রোজেক্ত অসিনা ভারতকী এনিমল হেল্থ সিস্তেমশিং ফগৎহনবদা অখন্নবা মিৎয়েং চংদুনা তুংদা লাক্কদবা লাইনা লাইচৎশিংগী মায়োক্তগী লৈবাক অসিবু ঙাকথোক্লগনি। মসিবু এসিয়ন দেবেলপমেন্ত বেঙ্ক (ADB), ফুদ এন্দ এগ্রিকলচর ওর্গনাইজেশন (FAO) অমসুং ৱার্লদ বেঙ্ককা খুৎশম্নদুনা ইমপ্লিমেন্ত তৌরগনি।

পেন্দেমিক ফন্দ প্রোজেক্ত অসিগী মতাংদা অকুপ্পা মরোলশিংগীদমক্তা, চানবীদুনা অসিদা ক্লিক তৌবীয়ু

******