সোসিয়েল জস্তিস অমসুং ইম্পৱার্মেন্ত মন্ত্রালয়
সোসিএল জস্তিস অমসুং এম্পাৱর্মেন্ত মন্ত্রালয়না সেনিয়র সিতিজনশিংগী থা অমা চুপ্না চত্থরকপা থৌরমগী অরোইবা থৌরম – ‘সামগম’ য়ুম্বু ওইনবা শেম শারি
Posted On:
24 OCT 2024 1:14PM by PIB Imphal
কেন্দ্রগী সোসিএল জস্তিস অমসুং এম্পাৱর্মেন্ত মন্ত্রালয় (এম.ও.এস.জে.ই.) না 2024গী ওক্তোবর 25তা নই দিল্লীগী আকাশবানী কমপ্লেক্সতা লৈবা রং ভবন ওদিতোরিয়মদা গ্রান্দ ফিনালে ইভেন্ত, 'সামগম' পাংথোক্কনি। থৌরম অসিনা লৈবাক শীনবা থুংনা লৈরিবা সেনিয়র সিতিজেনশিংগী ইকাই খুম্নবা, থাক ৱাংনা থম্বা অমসুং সেক্যুরিতী প্রমোৎ তৌনবা পান্দম থমদুনা মন্ত্রালয়না থা অমা চুপ্না পাংথোক্কদবা থৌরম কয়াগী মপুং ওইবা তাঙ্কক ওইগনি।
থৌরম অদুদা কেন্দ্রগী সোসিএল জস্তিস অমসুং এম্পাৱরমেন্ত মন্ত্রী, দা. বিরেন্দ্র কুমারনা অথোইবা মীথুংলেন ওইগনি অমসুং থৌরম অদুদা রাজ্য মন্ত্রী (এস.জে.ই.), শ্রী রামদাস অথাৱলে অমসুং শ্রী বি. এল. ভর্মা, অমদি নীতি আয়োগকী মেম্বর, দাঃ বিনোদ কুমার পাউলশু শরুক য়াগনি। গ্রান্দ ফিনালে অসিনা পোলিসী ইন্তরভেন্সন, কম্ম্যুনিতী পার্তিসিপেসন, অমসুং পব্লিক আউতরিচকী খুত্থাংদা ফংলিবা পোজিতিব ইম্পেক্ত অদু উৎতুনা, হোৎনরিবশিং অসিগী মহৈশিং উৎকনি।
হৌখিবা থা অমদা, মন্ত্রালয় অসিনা তোঙান তোঙানবা মন্ত্রালয়শিং, দিপার্তমেন্তশিং অমসুং মীয়ামগী স্তেকহোল্দরশিংগা খুৎশম্নদুনা সেনিয়র সিতিজনশিংগী য়াইফনবা মখল কয়াগী খোঙথাংশিং পায়খৎলে। প্রোগ্রামশিং অসিনা মখোয়গী সোসিএল অমসুং ইকোনোমিক ইনক্লুজন হেনগৎহনবা, মখোয়দা তঙাইফদবা সর্ভিসশিং ফংহনবা অমসুং মখোয়না থেংনরিবা শিংনবশিংগী মতাংদা মীয়ামদা খঙহনবা হায়বসিদা মীৎয়েং থমখি।
'সমাগম' অসি মিনিস্ত্রীনা চহি য়াম্লবা নাগরিকশিংগী য়াইফনবা লেপ্পা লৈতনা হোৎনবগী খুদম অমনি। ইনোবেতিব প্রোগ্রামশিং, স্তেকহোল্দরশিংগা পুন্না থবক তৌমিন্নবা অমসুং অহল ওইরবা মীওইশিংগী মথৌ তাবশিং কোকহন্নবা থৌরাং তৌরবা পোলিসী ফ্রেমৱার্কশিংগী খুত্থাংদা, মিনিস্ত্রীনা অহল ওইরবা নাগরিকশিংবু শৌগৎপতা নত্তনা খুন্নাইগী মমল য়াম্লবা মীশক অমা ওইনা শকখঙনবগীদমক লেপ্পা লৈতনা থবক তৌরি।
থৌরম অসিনা হেল্থ, ফাইনান্সিএল সেক্যুরিতী, অমসুং কম্ম্যুনিতী এঙ্গেজমেন্তদা মীৎয়েং থমদুনা মিনিস্ত্রীগী তুংগী পান্দমশিংবু সেনিয়র সিতিজনশিংবু শক্তি লৈহন্নবা প্লেৎফোর্ম অমা ওইনা মথৌ তৌগনি। অহল ওইরবা মীওইশিংনা খুন্নাইদা পীরিবা কন্ত্রিব্যুসনশিংবু শকখঙদুনা, ”সামগম”না অহল ওইরবা মীওইশিংগীদমক হেন্না ইনক্লুসিব ওইবা, নুংশিনবা অমসুং সেক্যুর ওইবা অকোয়রোন অমা শেমগৎনবগীদমক হেন্না চাউবা খুন্নাইগী থৌদাং লৌবগী ইথিল পীনবা পান্দম থম্লি।
***
(Release ID: 2067716)
Visitor Counter : 29