ভারত লৈঙাক্কী লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না নবেম্বর ২৮-৩০, ২০২৪ ফাওবদা উত্তর প্রদেশকী বরানসীদা পাঙথোক্কদবা নেস্নেল সীদ কংগ্রেস (NSC)গী ১৩শুবা ইদিসন থৌবু ওইদুনা পাঙথোক্কনি‍। থৌরম অসি ইন্তরনেস্নেল রাইস রীছর্চ ইন্সতিত্যুৎ (IRRI) সাউথ এসিয়া রিজনেল সেন্তর (ISARC) অমসুং নেস্নেল সীদ রীছর্চ এন্দ ত্রেনিং সেন্তর (NSRTC)না খুৎশম্নরগা পাঙথোক্কদবনি‍। নেস্নেল সীদ কংগ্রেস অসিনা ভেলু চেন পুম্বদগী স্তেকহোল্দরশিং পুনশিন্নহন্দুনা ঙসি সেক্তর অসিনা থেংনরিবা মরুওইবা শিংনবশিংগী অওনবা পুরক্কদবা পাম্বৈ পুথোক্নবা অমসুং লাকশিন্নবা ফম্পাক অমা পীগনি‍।

NSCনা লৌরিবা থৌদাং পল্লদুনা, দিপার্তমেন্ত ওফ এগ্রিকলচর এন্দ ফার্মর্স ৱেলফ্যারগী এদিস্নেল সেক্রেতরী, শ্রীমতি সুভা থাকুরনা হায়খি, “লৌমীশিংগী শেন্থোক হেনগৎহন্নবা অমসুং মীওই বিলিয়ন কয়াগী চীঞ্জাক অমসুং মচি ওইবা মচল ফংহন্নবা, হায়-ক্বালিতী, ক্লাইমেত-রেজিলিএন্ত, অমসুং মচি ওইবা মরু ফংহন্নবা লোয়ননা ফীভম ফগৎলবা মহৈ মরোং থাবগী মওং মতৌ লৈহন্নবগীদমক থৌরম অসি হেন্না মরুওইবা হেল্লক্লি‍। NSC ২০২৪না হায়রিবা শিংনবশিং অসি থেংননবা, লৌমীশিং মপাঙ্গল হাপ্নবা, অমসুং ভারতকী লৌ-শিংউগী সেক্তর মপাঙ্গল কন্না অমসুং তুং কোইগদবা মওংদা লৈহন্নবা খুৎশম্ননা চৎমিন্ননবগী ফম্পাক অমা পীগনি‍। থৌরম অসিনা ইনোভেতিব ওইপা পাম্বৈ পুরক্কনি অমসুং সীদ সেক্তরদা চাওখৎপা পুরক্কদবা খোঙবুশিং য়োকখৎকনি‍।”

“থৌরম অসি, লৌউ-শিংউগী হোংলক্লিবা কৈথেলগী দিমান্দ অমা লাক্লিবা অমসুং হেন্না ইনক্লুজিব অমসুং সস্তেনেবল ওইইবা সীদ সিস্তেম অমা মথৌ তারক্লিবা মরুওইখ্রবা মতম অসিদা পাঙথোক্লি‍। খেন্নবা এগ্রো-ইকোলোজীশিংদা লৈরিবা সীদ ভেল্যু চেন পুম্বদগী এক্সপর্তশিং অমসুং স্তেকহোল্দরশিং পুনশিন্বা অসিনা হায়রিবা অরুবা ৱাফমশিং অসিগী পাম্বৈ পুথোকপা ঙমহনগনি”, হায়না IRRIগী দাইরেক্তর জেনরেল দোক্তর য়িবোন পিন্তোনা হায়খি‍।

IRRIগী সাউথ এসিয়া রিজনেল সেন্তর (ISARC)গী দাইরেক্তর দোক্তর সুধান্সু সিংহনা চহি অসিগী থৌরম অসি পাঙথোক্কনি‍। প্রধান মন্ত্রী শ্রী নরেন্দ্র মোদীঈনা ২০১৮দা হৌদোকখিবদগী হৌরগা, বরানসীদা লৈরিবা ISARC না হৌখিবা চহিশিংসিদা ইনোভেতিব ওইবা রীছর্চ, কেপাসিতী বিল্দিং, অমসুং শাফু লৈবা পার্ত্নরশিপশিংগী খুত্থাঙদা ভারতকী সীদ সিস্তেম মপাঙ্গল কনখৎহন্নবা IRRI না হোৎনরিবশিং খুমাঙ চাওশিলহনবদা মরুওইবা থৌদাং য়াদুনা লাক্লি‍। সাহভাগি ধন অমসুং স্বর্ন-সব ১ গুম্বা মায় পাক্লপা ক্লাইমেত-রেজিলিএন্ত ফৌ মখলশিং অমসুং মচি ওইবা মচল হেন্না য়াওহল্লবা অমসুং ভেল্যু-এদেদ পোত্থোকশিং শেমগৎপগা লোয়ননা, ইন্সতিত্যুসন অসিনা ক্রোস-বোর্দর সীদ এক্সচেঞ্জ তৌদুনা “সীদ্স ৱিদাউত বোর্দর্স”কুম্বা থৌশিলশিংগী খুত্থাঙদা মখল মখা কয়াগী মরূশিং থাদোক্নবা অমসুং খোঙজেল য়াঙনা শীজিন্নহন্নবা থবক থৌরম খুমাঙ চাওশিনহল্লি‍। মসিগী মথক্তা, IRRIগী জিনোমিক তুলশিং, দিজিতেল প্লেতফোর্মশিং, অমসুং অচৌবা সীদ সিস্তেম্না মরু মখল কয়া শেমগৎপা অমসুং মওং মরিল নাইনা য়েন্থোকপগী থবক হেন্না খোঙজেল য়াঙহল্লি‍।

নেস্নেল সীদ রীছর্চ এন্দ ত্রেনিং সেন্তর (NSRTC) গী দাইরেক্তর অমসুং থৌরমদুগী কো-কন্ভেনর শ্রী মনোজ কুমারনা লৈবাক শিন্বা থুংনা সীদ ক্বালিতী অমসুং ত্রেনিং হেনগৎহনবদা NSRTC না লৌরিবা মরুওইবা থৌদাংগী মরমদা ফোঙদোকখি‍। “নেস্নেল সীদ কংগ্রেস অসি ৱাখল লৌশিং তাথোক তাশিন তৌনবা অমসুং কেপাসিতী হেনগৎহন্নবা মরুওইবা ফোরম অমনি‍। NSRTCনা সীদ ক্বালিতী কন্ত্রোলগী ফীভম ফগৎহন্নবা অমসুং ইন্দস্ত্রীদা মোদর্ন তেক্নোলোজী ত্রান্সফর তৌবদা মতেং পাংনবা লেপ্লি‍। ঐখোয়না NSC ২০২৪দা শরুক য়াদুনা, সীদ ক্বালিতী তেস্তিং নেতৱর্ক মপাঙ্গল কনখৎহন্নবা অমসুং অৱাংবা থাক্কী মরুশিং লৈবাক শিন্বা থুংনা লৌমীশিংদা ফংহন্নবা পান্দম থম্লি”, হায়রদুনা থৌরম অদুদা NSRTCনা শরুক য়ারিবগী মতাঙদা মহাক্না ফোঙদোকখি‍।

NSC অসি ভারতকী মশক মচু থোকপা অমসুং থোং মান্নবা সীদ সেক্তর অমগী রোদমেপ অমা শেম্নবা প্রাইভেত অমসুং পব্লিক সেক্তরশিংদগী পোলিসীমেকরশিং, লৌমীশিং অমসুং মীহুৎশিং চহিগী ওইনা পুনমিন্নবা থৌরম অমনি‍। “ফোস্তরিং রিজনেল কোওপরেসন, পার্ত্নরসিপ, এন্দ নোলেজ এক্সচেঞ্জ ইন দি সীদ সেক্তর” হায়বা থীমগা লোয়ননা NSC ২০২৪না মরু, মহৈ মরোং ফগৎহন্বা, অমসুং সীদ দেলিভরী সিস্তেমগা মরী লৈনবা রীছর্চ এদভান্সশিং, ইনোভেসনশিং অমসুং প্রিন্সিপলশিংদা থেংনরকপা এক্সপিরিএন্সশিং অমসুং ৱাখল্লোনশিং পুথোক্নবা ফম্পাক অমা পীগনি‍।

NSC ২০২৪না ৱাখল্লোম অমসুং ইন্তরদিসিপ্লিনরী রীছর্চশিং এক্সচেঞ্জ তৌনহন্দুনা সাইন্তিফিক প্রোগ্রেস পুরক্নবা পান্দম থম্লি‍। মসিনা সীদ সেক্তরদা মালেম্না থেংনরিবা শিংনবশিংগী পাম্বৈ পুরক্কনি অমসুং থৌশিল হোংবা, তেক্নোলোজীগী লমদা ইনোভেসন পুরকপা, অমসুং তুং কোইগদবা চাওখৎপা পুরকপদা ইথিল পীবা ঙমগদবা মনুং হুৎপা মীৎয়েঙ অমসুং পাম্বৈশিং পীগনি‍।

NSC ২০২৪না ব্রীদিং অমসুং সীদ সিস্তেম ফোর ক্লাইমেত রেজিলিএন্স, সীদ ক্বালিতী অমসুং তেক্নোলোজীদা খুমাঙ চাওশিন্বা, ব্রীদিং অমসুং সীদ সিস্তেমগী দিজিতেল সোলিসন, অমসুং মার্কেত ইনসাইত, সীদ সেক্তরদা পব্লিক-প্রাইভেত পার্ত্নরসিপ মপাঙ্গল কনখৎহন্বা, পুন্সি হিংনবগী পাম্বৈ ফগৎহন্নবা ইনক্লুজিব ওইবা সীদ সিস্তেম, সীদ দেলিভরী অমসুং স্কেলিংগী ইনোভেতিব ওইবা লম্বী, অমসুং স্ত্রেতেজিক সীদ ইনিসিএতিবশিংগী খুত্থাঙদা ন্যুত্রিস্নেল সিক্যুরিতী পীবা য়াওনা তোঙান তোঙানবা হীরমশিংগী পাম্বৈ পুথোক্তুনা তুং কোইগদবা, থোং মান্নবা, অমসুং রেজিলিএন্ত ওইবা সীদ সিস্তেম শেমগৎপদা মীৎয়েঙ থমগনি‍।

থৱায় য়াওবা স্তেকহোল্দরশিংনা অহেন্বা ইনফোর্মেসনগীদমক ৱেবসাইত্তা চঙবা য়াগনি অমসুং রেজিস্তর তৌনবগীদমক https://13thnscindia2024.com/index.html লিঙ্ক অসি শীজিন্নবা য়াগনি‍।

ৱাহং পুম্নমক থারক্কদবা মফমদি:

ওর্গনাইজিং সেক্রেতরী, NSC: দোক্তর স্বাতি নায়ক, IRRI (বোরলোগ ফীল্দ এৱার্দ রেসিপিএন্ত ২০২৩) এত info-nsc2024[at]irri[dot]org

*****