পেত্রোলিয়ম অমসুং নেচরেল গ্যাস মন্ত্রালয়
ভারতকী ইথানোল পুস: ইনর্জী সিক্যুরিতীগী লম্বী অমা
২০২৪দা ১৫% ইথানোল ব্লেন্দিং ফংবগা লোয়ননা, ভারতনা ২০২৫ ফাওবদা ২০% পান্দম থম্লি
Posted On:
24 OCT 2024 1:11PM by PIB Imphal
ৱাহৌদোক
ভারতনা ইথানোল ব্লেন্দিংনচিংবা তুং কোইগদবা থৌওংশিং শীজিন্নদুনা ইনর্জীগী তুংলমচৎ সিক্যুর তৌননবা মশক থোকপা খোঙথাংশিং পায়খৎলি। মালেমগী অহুমশুবা খ্বায়দগী চাউবা ইনর্জী কঞ্জ্যুমর ওইনা, লৈবাকসিনা মাগী হেনগৎলক্লিবা ইনর্জী দিমান্দ ফংননবগীদমক মহৌশানা মপান্দগী পুশিল্লকপা থাউদা তাংদুনা লাক্লি। তাংদুনা লৈরিবা অসিনা ইনর্জী সিক্যুরিতীদা শিংনবতা নত্তনা য়াম্লবা ফোরেন করেন্সী আউতফ্লো অমা চৎলি। অদুম ওইনমক, ইথানোল ব্লেন্দিং তৌবগা লোয়ননা, ভারতকী মফমদা অকোয়বগী ফীভমদা শোকহল্লিবশিংগী পাম্বৈ পুরকপগা লোয়ননা মপান্দগী পুশিল্লকপা থাউদা তাংবা হন্থহন্নবা অফবা খুদোংচাবা লৈ। চু প্রোসেস তৌবগী বাইপ্রদক্ত অমা ওইরিবা ইথানোল অসি পেত্রোলগা য়ানশিন্নদুনা, ফোসিল ফ্যুল শীজিন্নবগী চাং হন্থহন্দুনা অইং-অশাগী খল হোংলকপা অমসুং মীয়ামগী হকশেলদা শোকহল্লিবা কার্বোন ইমিসন থাদোকপগী চাং হন্থহনবা ঙমগনি।
পেত্রোলগা ইথানোলগা য়ানশিন্নবগী থৌওং অসি পাইলোত প্রোজেক্ত অমা ওইনা ২০০১দা হৌদোকখিবনি। অদুম ওইনমক, চহি কয়া খোঙজেল তপ্না লৈরম্মি অমসুং ইথানোল পুথোকপগী থৌওং মঙম শাল্লমদে। হন্দক্তা, মপুং ফাবা রিফোর্ম কয়াগী খুত্থাঙদা, ভারতনা থৌশিল অসিগী মপুং ফাবা মতিং ফুদোকপা ঙমহনখি। হায়রিবা রিফোর্মশিং অসিনা হৌজিক, ইনর্জী সিক্যুরিতী হেনগৎহনবতা নত্তনা, খুঙ্গংগী শেন্মিৎলোন্দা অনৌবা থৱায় হাপ্তুনা অফবা মহৈ পুরক্লি। ইথানোল পুথোকপনা, লৌউ-শিংউগী সেক্তরদা ঙাক্লৌ পীদুনা অমসুং খুঙ্গংগী মফমশিংদা শেন্মিৎলোন চাওখৎহন্দুনা লৌমীশিংগী শেন্থোক্কী অনৌবা লম্বী অমা পীরি।
সোর্স: https://pib.gov.in/PressReleasePage.aspx?PRID=2055957
ইথানোল ব্লেন্দিং তৌনবগী লৈঙাক্কী ইচঙ থৌবা থৌরাং অসিনা ইথানোল ব্লেন্দিং ২৫% তৌনবা থম্লম্বা পান্দম ২০৩০দা থম্লম্বদগী ২০২৫তা ঙনখৎহন্নবা ফিরেপ অসিনা খুদম ওইরি। ৭শুবা G-STIC দিল্লী কন্ফরেন্স মনুংদা, পেত্রোলিয়ম এন্দ নেচরেল গ্যাস মন্ত্রী শ্রী হর্দীপ সিংহ পুরিনা ইথানোল ব্লেন্দিং তৌবা অমসুং সস্তেনেবল ইনর্জী সোলুসন্সগীদমক লেপ্লিবা খোঙফমদা মায় পাকপা হেনগৎলক্লিবা অসিগী মরমদা ৱাফম কয়া ফোঙদোকখি। চঙশিল্লিবা খোঙজেল অসিবু শকখঙলদুনা, লৈঙাক্না হান্ননা ২০% ইথানোল ব্লেন্দিং তার্গেৎ এক্সপ্লোর তৌদুনা তুংগীদমক থৌরাং য়াৎপা হৌখ্রে। ভারতনা মাগী খুদক্কী মথৌ তাবশিং ফংহনবদা মীৎয়েঙ থম্বতা নত্তনা তুংগী দিমান্দশিং ফংহন্নবা লোং-তর্ম সস্তেনেবল ইনর্জী সোলুসন্সকীদমকসু শেম শারি হায়বা মাঙদা মীৎয়েঙ থম্বা থৌরাং অসিনা তাক্লি।
ইথানোল: ভর্সেতাইল ওইবা বাইওফ্যুল অমা
ইথানোল অসি য়ীস্ত শীজিন্নদুনা চিনি ফর্মেন্তেসন তৌদুনা নৎত্রগা ইথাইলিন হায়দ্রেসনগুম্বা পেত্রোকেমিকেল থৌওংশিংগী খুত্থাঙদা মহৌশাগী ওইবা মওংদা পুথোকপা মরুওইবা বাইওফ্যুলশিংগী মরক্তা অমনি। মসি অতোপ্পা থাউ অমা ওইনা পাক শন্না শীজিন্নবতা নত্তনা তোঙান তোঙানবা ইন্দস্ত্রীশিংদা কেমিকেল সোল্ভেন্ত অমা ওইনা অমসুং ওর্গানিক কম্পাউন্দশিং পুথোকপদসু শীজিন্নৈ। ইথানোল অসি এন্তিসেপ্তিক অমসুং দিসইনফেক্তেন্ত ওইনা মেদিকেলগী লমদসু শীজিন্নদুনা মাগী ভর্সেতাইল ওইবা শীজিন্নফম হেনগৎহল্লি।
চাওখৎলক্লিবা শেন্মিৎলোন, হেনগৎলক্লিবা মীশিং, হেনগৎলক্লিবা অর্বানাইজেসন, অমসুং ওল্লক্লিবা পুন্সি মহিংনচিংবা মরম কয়ানা ভারতকী হেনগৎলক্লিবা ইনর্জী দিমান্দকী মতাঙদা, ইথানোলনা মরুওইবা থৌদাং অমা য়ারি। মার্চ ২০২৪ ফাওবদা, লম্বীগী ত্রান্সপোর্তেসন সেক্তরদা শীজিন্নরিবা থাউগী ৯৮% দি ফোসিল ফ্যুলদগী লাকপনি, অদুগা শুপ্নতগী ২%না ইথানোলগুম্বা বাইওফ্যুলনি। অসুম্না ফোসিল ফ্যুলদা তাংদুনা লৈবসিনা ইনর্জী সিক্যুরিতী, ফোরেন করেন্সী আউতফ্লো, অমসুং অকোয়বগী ফীভমদা শোকপনচিংবগা মরী লৈনবা হৌজিক মতমগী শিংনবশিং পুরক্লি।
লমদমসিদা পুথোকপা বাইওফ্যুল অমা ওইরিবা ইথানোলনা লৈবাকসিনা মপান্দগী পুশিললকপা ফোসিল ফ্যুলদা তাংবগী চাং হন্থহন্নবা স্ত্রেতেজিক ওইবা খুদোংচাবা অমা পীরি। থৌদাং লৈনা শীজিন্নবা মতমদা, ইথানোলগুম্বা বাইওফ্যুলশিং অসি অকোয়বগী ফীভমগা চুনবা অমসুং তুং কোইগদবা ওইবগা লোয়ননা হেন্না তরু তরুবা ইনর্জী লেন্দস্কেপ অমা পুরকপদা থৌদাং য়ারি। মসিগী মথক্তা, ইথানোল পুথোকপা অমসুং শীজিন্নবনা থবক পীবা, “মেক ইন ইন্দিয়া” থৌশিল য়োকখৎপা, স্বচ্ছ ভারত মিসন্দা চৈঙাক পীবা, অমসুং লৌমীশিংগী শেন্থোক শরুক অনি হেনগৎহন্বনচিংবা লৈবাক্কী পান্দমশিংগী পরিংদা চৎলি। মসিনা ফত্ত-হৌদিদগী লন শেমগত্তনা ভারতকী শেন্মিৎলোন অমসুং ইনর্জী সিক্যুরিতীদা মসিগী মরুওইবা হেনগৎহল্লি।
EBP অচৌবা মায় পাকপশিং
প্রধান মন্ত্রী নরেন্দ্র মোদীগী লুচিং মখাদা, লৈঙাক্না ইনর্জী সিক্যুরিতী হেনগৎহন্নবা, অইং অশাগী খল হোংলকপা থেংননবা, অমসুং খুঙ্গংগী শেন্মিৎলোন ফগৎহন্নবা মপুং ফাবা রিফোর্ম কয়া পায়খৎলে। পেত্রোলদা ইথানোল ২০% য়ানশিন্নবা পান্দম EBP প্রোগ্রামগী মখাদা ২০৩০দা থম্লমবনি। অদুম ওইনমক, ২০২০দা, কেবিনেত কম্মিতী ওন ইকনমিক এফ্যার্স (CCEA)না পান্দম অসি ২০২৫তা খুমাঙ চাওশিলহন্দুনা ইথানোল শীজিন্নবগী লৈঙাক্কী খোঙফম খুমাঙ চাওশিলহনখি।
ভারতকী ইথানোল ব্লেন্দেদ পেত্রোল (EBP) প্রোগ্রম অসি হৌখিবা চহি মরিসিদা ইথানোল পুথোকপগী চাং শরুক অনি হেন্না হেনগত্তুনা সেপ্তেম্বর ১৮, ২০২৪ ফালবদা লিতর করোর ১,৬২৩ য়ৌদুনা শিংথানিংঙাই ওইবা থৌশিল অমা ওইরি। মশক থোক্না হেনগৎলক্লিবা অসিনা লৈবাকসিগী ইনর্জী লেন্দস্কেপ্তা ইথানোলনা লৌরিবা থৌদাং হেনগৎহন্নবা লৈঙাক্না লেপ্লিবা খোঙফম উৎলি।
নবেম্বরদগী ওক্তোবর ফাওবা চৎনবা, ইথানোল সপ্লাই ইয়র (ESY)দা ESY ২০১৩-১৪দা পেত্রোলদা ইথানোল য়ানশিনবগী চাং লিতর করোর ৩৮ ওইদুনা ব্লেন্দিং পর্সেন্তেজ ১.৫৩% ওইরম্মি। মতুং তারকপা চহিশিংদা, লৈঙাক্না থৌশিল কয়া পায়খত্তুনা ইথানোল ব্লেন্দিংদা শিংথানিংঙাই ওইনা খুমাঙ চাওশিনবা হেল্লকখি। ESY ২০২০-২১ ফাওবদা, ব্লেন্দিং ভোল্যুম লিতর করোর ৩০২.৩দা হেনগৎলক্তুনা ব্লেন্দিং পর্সেন্তেজ ৮.১৭%দা হেনগৎলকখি। হায়রিবা মতমসিমক্তদা পেত্রোল শীজিন্নবগী চাংসু ৬৪%রোম হেনগৎলকখি।
সোর্স: https://pib.gov.in/PressReleaseIframePage.aspx?PRID=2050907
খোঙজেল অসি মখা চত্থদুনা, ব্লেন্দিং তৌবগী চাং ESY ২০২২-২৩দা লিতর করোর ৫০০ য়ৌদুনা ব্লেন্দিং পর্সেন্তেজ ১২.০৬% ফংবা ঙমখি। চৎলিবা ESY ২০২৩-২৪ অসিদা, ওগস্ত ৩১, ২০২৪ ফাওবদা ইথানোল লিতর করোর ৫৪৫.০৫ য়ানশিন্দুনা ব্লেন্দিং পর্সেন্তেজ ১৩% লানখি। শিংথানিংঙাই ওইরবা খোঙজেল অসিনা ২০১৪দা ১.৫৩% লৈরম্বদগী ২০২৪দা ১৫% য়ৌরক্তুনা মপুং ওইবা ইথানোল ব্লেন্দিং পর্সেন্তেজ মশক থোক্না হেনগৎলকপা উৎলি।
খোঙজেল অসিনা পুক্নিং থৌগত্তুনা, লৈঙাক্না ২০২৫ ফাওবদা ২০% ব্লেন্দিং ফংনবা পান্দম থম্লি। হৌখিবা দেকেদ অসিদা, থৌশিল অসিনা ফোরেন এক্সচেঞ্জতা লুপা করোর ১,০৬,০৭২গী সেভিং, CO2 থাদোকপগী চাং মেত্রিক তন লাখ ৫৪৪ হন্থবা, অমসুং ক্রুদ থাউ মেত্রিক তন লাখ ১৮১গী মহুৎ শিনখিবা য়াওনা মশক থোক্না কান্নবা কয়া পীখ্রে। মখা তানা, OMCশিংনা দিস্তিলরশিংদা লুপা করোর ১,৪৫,৯৩০ অমসুং লৌমীশিংদা লুপা করোর ৮৭,৫৫৮ ফংহন্দুনা প্রোগ্রাম অসিনা শেন্মিৎলোন্দা অচৌবা ইইথিল অমা পীরি।
সোর্স: https://x.com/PetroleumMin/status/1846195338715320506
২০২৫-২৬ ফাওবদা ২০% ইথানোল ব্লেন্দিং ফংনবা মরুওইবা থৌরাংশিং
২০২৫ ফাওবদা ২০% ইথানোল ব্লেন্দিংগী পান্দম ফংনবগীদমক, ইথানোল লিতর করোর ১,০১৬ মথৌ তাই। অতৈ শীজিন্নফম য়াওনা ইথানোলগী অপুন্বা দিমান্দ অসি লিতর করোর ১,৩৫০ রোম ওইগনি হায়না পারি। মথৌ তাবা অসি ফংনবগীদমক, প্লান্তশিং অসিনা ৮০% এফিকেসীদা মথৌ তৌবা হায়না পারগা ২০২৫ ফাওবদা লিতর করোর ১,৭০০ রোমগী ইথানোল প্রদক্সন কেপাসিতী শেমগৎপা মথৌ তাই। পেত্রোল শীজিন্নবা ভারী মশিং হেনগৎলকপা, মরুওইনা কাংখোঙ অনি পান্বা অমসুং পেসেঞ্জর গারী মশিং হেনগৎলকপা, লোয়ননা মোতোর স্পিরিত (MS) য়োনবগী চাং হেনগৎলকপা য়াই হায়না পানরিবা অসিগী য়েংলগা ইথানোল ব্লেন্দিং ২০% তৌবা মথৌ তাই হায়না লৈঙাক্না প্রোজেক্ত তৌরি।
মরুওইবা থৌশিলশিং মখাদা পীরি:
- ওগস্ত ২০২৪দা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা বাইওফ্যুলদা লাক্লিবা খ্বায়দগী নৌবা দিভেলপমেন্তকা থোং মান্ননা চৎনবা অমসুং ইনভেস্তমেন্ত হেন্না পুক্নিং চিংশিন্নবা শেমদোক্লবা প্রধান মন্ত্রী জী-বন য়োজনা অয়াবা পীখি। শেমদোক্লবা স্কীম অসিনা থবক পায়খৎপগী মতম চহি মঙা শাংদোক্তুনা, ২০২৮-২৯ ফাওবা ওইহল্লে, অমসুং এগ্রিকলচরেল অমসুং ফোরেস্ত্রী রেসিদ্যু, ইন্দস্ত্রিএল ৱেস্ত, সিন্থেসিস (সিন) গ্যাস, অমসুং অল্গীনচিংবা লিগ্নোসেলুলোসিক ফীদস্তোকশিংদগী বাইওফ্যুল পুথোকপগী থৌওং খুমাঙ চাওশিলহন্নবা থৌশিল য়াওহন্নবা মাগী স্কোপসু পাকথোক চাউথোকহল্লে।
- মতিং লৈনা থবক পায়খৎপগী থৌওংদা লমজিংনবা লৈঙাক্না ইথানোল ব্লেন্দিংগী মচা খায়বা রোদমেপ অমা শেম্লে।
- হেন্না মতিং লৈবা অমসুং সস্তেনেবল ওইবা সোর্সিং য়াহন্দুনা ইথানোল পুথোকপদা ফীদস্তোক শীজিন্নবগী মওং পাকথোক চাউথোকহন্নবা থৌরাংশিং পায়খৎলি।
- পোত্থোক পুথোক্লিবশিংদা মরম চানা শেল হঞ্জিলহন্নবা EBP প্রোগ্রামগী মখাদা ইথানোলগী চুনগদবা প্রোক্যুরমেন্ত প্রাইস অমা শেম্লে।
- EBP প্রোগ্রামগী ইথানোলদা লৌবা গুদ্স এন্দ সর্ভিস তেক্স (GST) ৫%দা হন্থহন্দুনা মসিবু প্রদ্যুসর অমসুং কঞ্জ্যুমর অনিমক্তা হেন্না পুক্নিং চিংশিন্নিংঙাই ওইহল্লে।
- স্তেত লান্না অপন্বা লৈতনা ইথানোল পুথোক পুশিন তৌবা য়াহন্নবা ইন্দস্ত্রিজ (দিভেলপমেন্ত এন্দ রিগুলেস) এক্ শেমদোক্তুনা হেন্না লায়বা ব্লেন্দিং ওপরেসন য়োকখৎলি।
- লৈবাকসিদা ইথানোল পুথোকপগী চাং হেনগৎহন্নবা পান্দমদা ইন্তরেস্ত সবসিদী পীননবা ইন্তরেস্ত সবভেন্সন স্কীম অমা হৌদোক্লে।
- পব্লিক সেক্তর ওইল মার্কেতিং কম্পেনীশিংনা (OMCs) ইথানোল লৌনবা এক্সপ্রেসন ওফ ইন্তরেস্ত ইচঙ থনা ফ্লোত তৌদুনা, দিমান্দ চাং নাইনা লৈহল্লি অমসুং মার্কেত গ্রোথ পুরক্লি।
ৱারোয়শিন
লোইশিল্লকপদা, ভারতনা ইথানোল ব্লেন্দিংগীদমক লেপ্লিবা খোঙফম অসিনা ইনর্জী সিক্যুরিতী, এনভাইরনমেন্তেল সস্তেনেবিলিতী, অমসুং শেন্মিৎলোন চাওখৎহন্নবা অওনবা পুরক্কদবা লম্বী অমা তাক্লি। ইথানোল পুথোকপগী চাং অমসুং ব্লেন্দিং পরসেন্তেজ মশক থোক্না হেনগৎলকপগা লোয়ননা, লৈঙাক অসিনা ২০২৫ ফাওবদা ২০% ব্লেন্দিং ফংনবা খোঙকাপ লাওনা থাংলি। শেমদোক্লবা প্রধান মন্ত্রী জী-বন য়োজনা অমসুং ইথানোল ব্লেন্দিংগী মচা খায়বা রোদমেদ অমা শেম্বনচিংবা স্ত্রেতেজিক ওইবা থৌরাংশিং পায়খৎপা অসি মমাঙদা লৈরম্বা শিংনবশিং লাকশিনবদা অমসুং থৌশিল অসিগী মতিং মপুং ফানা ফুদোকহন্বদা মরুওই। ভারতনা হীরম অসিদা খুমাঙ চাওশিল্লকপগা লোয়ননা, মপান্দগী পুশিল্লকপা ফোসিল ফ্যুলদা তাংবগী চাং হন্থহন্বা অমসুং খুঙ্গংগী শেন্মিৎলোন্দা মথৱায় হাপ্পগী কান্নবা অনি অসিনা হেন্না তরু তরুবা ইনর্জী ফ্যুচর অমগী থৌদাং য়াবতা নত্তনা খাঙবা কন্বা শেন্মিৎলোন পুরকপদসু মতেং পাংগনি। পায়খৎলিবা থৌরাংশিং অসিনা তুং কোইগদবা ইনর্জী সোলুসন্স পুরক্নবা ইচঙ থৌবা থৌরাং অসিবু উৎপগা লোয়ননা ভারতপু বাইওফ্যুল শীজিন্নবদা মালেমগী লুচিংবা অমগী মফমদা থম্লি অমসুং অতৈনা তুং ইল্লক্নবা লম্বী য়াৎলি।
রিফরেন্সশিং:
PDF য়েংনবগীদমক মসিদা নম্বিয়ু
******
(Release ID: 2067672)
Visitor Counter : 41