ઓડિશા અને પશ્ચિમ બંગાળના દરિયાકાંઠે ચક્રવાત દાનાની ગંભીર અસરની આશંકામાં, ભારતીય નૌકાદળ માનવતાવાદી સહાય અને આપત્તિ રાહત (HADR) કામગીરી હાથ ધરવાની તૈયારી કરી રહ્યું છે.

ઈસ્ટર્ન નેવલ કમાન્ડે આંધ્ર પ્રદેશ, ઓડિશા અને પશ્ચિમ બંગાળમાં નેવલ ઓફિસર્સ-ઈન-ચાર્જ (NOIC) સાથે સંકલનમાં એક વ્યાપક આપત્તિ પ્રતિભાવ તંત્ર સક્રિય કર્યું છે. રાજ્ય વહીવટીતંત્ર દ્વારા માંગવામાં આવે તો આવશ્યક પુરવઠો અને તબીબી સહાય પૂરી પાડવા માટે બેઝ વિક્ચ્યુઅલિંગ યાર્ડ (BVY), મટિરિયલ ઓર્ગેનાઈઝેશન અને નેવલ હોસ્પિટલ INHS કલ્યાણી જેવા એકમો સાથે મળીને કામ કરી રહી છે.

આ તૈયારીના ભાગરૂપે, HADR પેલેટ્સ, જેમાં આવશ્યક કપડાં, પીવાનું પાણી, ખોરાક, દવાઓ અને કટોકટીની રાહત સામગ્રીનો સમાવેશ થાય છે, અસરગ્રસ્ત થવાની સંભાવના હોય તેવા વિસ્તારોમાં મુખ્ય સ્થળોએ રસ્તા દ્વારા તૈનાત કરવામાં આવ્યા છે. આ ઉપરાંત જો જરૂર પડે તો પૂર રાહત અને ડાઇવિંગ ટીમોને સંકલિત બચાવ અને રાહત કામગીરીમાં મદદ કરવા માટે એકત્રિત કરવામાં આવી રહ્યાં છે.

સમુદ્રમાંથી રાહત પ્રયાસોને ટેકો આપવા માટે, પૂર્વીય ફ્લીટના બે જહાજો પુરવઠો અને બચાવ અને ડાઇવિંગ ટીમો સાથે ઉભા છે.

ભારતીય નૌકાદળ પરિસ્થિતિનું નજીકથી નિરીક્ષણ રાખી રહી છે અને હાઇ એલર્ટ પર છે, નાગરિક અધિકારીઓ અને ચક્રવાત દાનાથી પ્રભાવિત લોકોને પોતાનું સમર્થન આપવા માટે તૈયાર છે.

AP/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com