কেন্দ্রগী য়ুথ এফিয়র্স অমসুং স্পোর্তস অমসুং লেবর অমসুং এমপ্লোইমেন্তকী মন্ত্রী, দা. মন্সুখ মান্দৱিয়ানা ঙসি নই দিল্লীদা নেস্নেল স্পোর্তস গোবর্নেন্স বিল ২০২৪গী দ্রাফকী মতাংদা খন্ননবা স্তেকহোল্দরশিংগী কন্সলতেশন মীফমদা ময়াই তাংবল লৌখ্রে। মসিগী কন্সলতেশন অসি ভারত্তা স্পোর্তসকীদমক্তা য়াম্না লিংবা গোবর্নেন্স ফ্রেমৱার্ক অমা শেমগৎপগী পান্দম থম্লিবা দ্রাফ বিল অসিগী মতাংদা ইনপুতশিং খোমগৎনবা স্তেকহোল্দরশিংগা পাংথোকখিবা মীফম কয়া অমগী শরুক অমনি।

মহাক্কী ৱারোল অদুদা, দা. মান্দৱিয়ানা য়াম্না মরু ওইনা পনখি মদুদি নেস্নেল স্পোর্তস গোবর্নেন্স বিল ২০২৪গী দ্রাফ অসিনা স্পোর্তসপর্সনশিং চাউখৎ-থৌরাং অমসুং য়াইফ-থৌরাংগীদমক্তা কমপ্রেহেন্সিব ওইবা ফ্রেমৱার্ক অমা থম্নবা, এথিকেল গোবর্নেন্স লৈহন্নবা অমসুং খ্বাইদগী অফবা দিসপ্যুত রিজোল্যুশন মেকানিজম অমা পীনবগী পান্দম থম্লি। “বিল অসি এথলেতশিং, কোচশিং অমসুং অতোপ্পা স্তেকহোল্দরশিংগী তোঙান-তোঙানবা তঙাইফদবশিং অদুবু য়েংলগা হোলিস্তিক ওইবা খোংথাং অমগা লোইননা দ্রাফ তৌখি,” হায়না মহাক্না মখা তারকখি।

দা. মান্দৱিয়ানা পার্তিসিপেন্তশিংদা মখোয়গী ইনসাইতশিং অমসুং সজেসন অদুবু শিয়র তৌনবা হায়দুনা হায়রকখি, “এথলেতশিং, কোচশিং অমসুং অতোপ্পা স্তেকহোলদরশিংনা তশেংনা কান্নবা ফংনবা মসিগী বিল অসিবু হেন্না এফেক্তিব ওইবা অমা ওইহন্নবা নখোয়গী মমল য়াম্লবা ৱাখল্লোনশিং অদুগীদমক্তা মফম অসিদা কৌরিবনি।” মহাক্না স্পোর্তসতা হৈথোই-শিংথোইরবশিং অদুবু শেমগৎপদা কোচশিংনা লৌরিবা থৌদাংগী মরু ওইবা অদু খঙলদুনা মহাক্না হায়রকখি, “ঐহাক্না য়াম্না শেংনা খঙই মদুদি ঐখোয়গী কোচশিংবু হেন্না এমপাৱর তৌরিবমখৈ, জাতি অসিগীদমক্তা ময়ামদগী খ্বাইদগী হেন্না অথোইবা এথলেতশিং পুথোকপা ঙমগদৌরিবনি।”

কেন্দ্রগী মন্ত্রী অসিনা ভারতকী নহাশিংগী মতিক অমসুং মখোয়গী হৈ-শিংবা অদুবু মাইকৈ চুম্না লমজিংবীবগী মরু ওইবগী মতাংদা য়াম্না মরু ওইনা পনখি। “লৈবাক অসিদা নহাশিং, হৈ-শিংবশিং নত্রগা ৱাখল-লৌশিংগী অৱাংপা অমত্তা লৈতে। ঐখোয়গী পান্দমদি লৈঙাক্লোনগী অফবা ৱাখল্লোনদা মখোয়দা অচুম্বা মাইকৈ তাকপীবা অদুনি,” হায়না মহাক্না হায়খি।

মীফম অদুদা এথলেতশিং অমসুং কোচশিংনা ব্রাফ বিল অসিগী মতাংদা খন্ন-নৈনবদা শরুক য়ানবগী খুদোংচাবা পীবগীদমক্তা মখোয়না থাগৎপা ফোংদোকখি। মখোয়না মখোয়গী সজেসনশিং অদু ফোংদোকখি অমসুং য়াম্না মরু ওইনা পনখি মদুদি মসিগী অনৌবা থৌরাং অসিনা ভারতকী স্পোর্তসতা ইনক্লুসিব ওইবা অমসুং এথলেত-সেন্ত্রিক ওইবা লৈঙাক অমগী মাইকৈদা অফবা খোংথাং অমা থাংজিনবগী মশক তাক্লিবনি।

থৌরম অদুদা শক্নাইরবা এথলেতশিংগি তোঙান-তোঙানবা কাংলুপ কয়া অমনা শরুক য়াখি, মদুদা আর্জুনা এৱার্দীশিং, খেল রত্না এৱার্দীশিং, ওলীমপিয়নশিং, পেরালীমপিয়নশিং অমসুং দ্রোনাচার্য় এৱার্দ ফংলবা কোচশিংশু য়াওখি। মীফম অদুদা চাউরাক্না স্পোর্তসপর্সন অমসুং কোচ ৪০ রোম্না হকথেংননা শরুক য়াখি অদুগা ১২০ রোম্না ভর্চুৱল ওইনা শরুক য়াখি। হান্নগী অমসুং হৌজিক্কী মমিং লৈরবা স্পোর্তসপর্সনশিং অমসুং কোচশিং খুদম ওইনা রোঞ্জোন সোধি, মনশের সিং, নীরজ চোপ্রা, গুর্বক্স সিং, অশোক কুমার ধ্যান চান্দ, ভৱানি দেবি, নিখত জরীন, অঙ্কুর ধামা, মাহা সিং রাও, দা. সত্যা পাল সিংনা দ্রাফ বিল অসিগী মতাংদা মখোয়গী ৱাখল্লোনশিং অমসুং সজেসনশিং পীরকখি।

য়ুথ এফিয়র্স অমসুং স্পোর্তস মন্ত্রালয়না প্রি-লেজিসলেতিব কন্সলতেশনগী থৌওংগী শরুক অমা ওইনা লৈবাক মীয়ামদগী অমসুং স্তেকহোলদরশিংদগী কমেন্ত/সজেসনশিং পীরক্নবগীদমক্তা নেস্নেল স্পোর্তস গোবর্নেন্স বিল ২০২৪গী দ্রাফপু পব্লিক দোমেনদা হাপখ্রে। স্তেকহোল্দরশিং অমসুং লৈবাক মীয়ামদা ২৫.১০.১০২৪ ফাওবদা য়ারগদি ইমেল ওইনা ইমেল আই.দি. draft.sportsbill[at]gov[dot]in দা মন্ত্রালয়দা সজেসনশিং/কমেন্তশিং থাবীরক্নবা হায়জরি।

নেস্নেল স্পোর্তস গোবর্নেন্স বিল ২০২৪ দ্রাফ অসি https://yas.nic.in/sports/draft-national-sports-governance-bill-2024-inviting-comments-suggestions-general-public-and দা য়েংবা য়াগনি।

*****