ପ୍ରତିରକ୍ଷା ମନ୍ତ୍ରଣାଳୟ
ପଶ୍ଚିମବଙ୍ଗ ଏବଂ ଓଡ଼ିଶା ଉପକୂଳରେ ବାତ୍ୟା ଦାନାର ଲ୍ୟାଣ୍ଡଫଲ୍କୁ ଦୃଷ୍ଟିରେ ରଖି ଆଇସିଜି ପ୍ରତିଷେଧକ ମୂଳକ ପଦକ୍ଷେପ ଗ୍ରହଣ କରିଛି
ଜାହଜ ଏବଂ ବିମାନକୁ ଗୁରୁତ୍ୱପୂର୍ଣ୍ଣ ସ୍ଥାନରେ ରଖାଯାଇଛି; ପାଣିପାଗ ଚେତାବନୀ ଏବଂ ସୁରକ୍ଷା ପରାମର୍ଶ ପ୍ରସାରିତ ହେଉଛି; ବିପର୍ଯ୍ୟୟ ପ୍ରଶମନ ଦଳ ପ୍ରସ୍ତୁତ
Posted On:
23 OCT 2024 2:49PM by PIB Bhubaneshwar
୨୪ – ୨୫ ଅକ୍ଟୋବର ୨୦୨୪ରେ, ପଶ୍ଚିମବଙ୍ଗ ଏବଂ ଓଡ଼ିଶା ଉପକୂଳରେ ଘୂର୍ଣ୍ଣିଝଡ଼ ଦାନା ଲ୍ୟାଣ୍ଡଫଲ୍ କରିବ ବୋଲି ପୂର୍ବାନୁମାନ କରାଯାଉଥିବାରୁ ସମୁଦ୍ରରେ ଜୀବନ ଏବଂ ସମ୍ପତ୍ତି ସୁରକ୍ଷିତ ରଖିବା ପାଇଁ ଭାରତୀୟ ତଟରକ୍ଷୀ ବାହିନୀ (ଆଇସିଜି) ଅଞ୍ଚଳ (ଉତ୍ତର-ପୂର୍ବ)ରେ ଅନେକ ପ୍ରତିଷେଧକ ମୂଳକ ପଦକ୍ଷେପ କାର୍ଯ୍ୟକାରୀ କରିଛି । ଆଇସିଜି ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛି ଏବଂ ଘୂର୍ଣ୍ଣିଝଡ଼ ପ୍ରଭାବରୁ ଆସୁଥିବା କୌଣସି ଜରୁରୀକାଳୀନ ପରିସ୍ଥିତିର ମୁକାବିଲା ପାଇଁ ସମସ୍ତ ସକ୍ରିୟ ପଦକ୍ଷେପ ଗ୍ରହଣ କରିଛି ।
ଆଇସିଜି ପଶ୍ଚିମବଙ୍ଗ ଏବଂ ଓଡ଼ିଶାରେ ଜାହଜ, ବିମାନ ଏବଂ ରିମୋଟ ଅପରେଟିଂ ଷ୍ଟେସନକୁ ମତ୍ସ୍ୟଜୀବୀ ଏବଂ ନାବିକ ମାନଙ୍କୁ ନିୟମିତ ପାଣିପାଗ ଚେତାବନୀ ତଥା ସୁରକ୍ଷା ପରାମର୍ଶ ପ୍ରସାରଣ କରିବାକୁ ଦାୟିତ୍ୱ ଦେଇଛି । ଏହି ଆଲର୍ଟଗୁଡିକ କ୍ରମାଗତ ଭାବରେ ସମସ୍ତ ମତ୍ସ୍ୟଜୀବୀ ଜାହଜକୁ ପଠାଯାଉଛି, ସେମାନଙ୍କୁ ତୁରନ୍ତ କୂଳକୁ ଫେରି ସୁରକ୍ଷିତ ସ୍ଥାନରେ ଆଶ୍ରୟ ନେବାକୁ ଅନୁରୋଧ କରାଯାଉଛି ।
ଆଇସିଜି ସମୁଦ୍ରରେ କୌଣସି ଜରୁରୀକାଳୀନ ପରିସ୍ଥିତିର ତୁରନ୍ତ ମୁକାବିଲା କରିବା ପାଇଁ ଏହାର ଜାହଜ ଏବଂ ବିମାନଗୁଡିକୁ ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନରେ ରଣନୈତିକ ସ୍ଥିତିରେ ରଖିଛି । ଏଥିସହ, ଆଇସିଜି କର୍ମଚାରୀମାନେ ସ୍ଥାନୀୟ ପ୍ରଶାସନ ଏବଂ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ସହ ସମନ୍ୱୟ ରକ୍ଷା କରି ଏକ ସମନ୍ୱିତ ଏବଂ ପ୍ରଭାବଶାଳୀ ପ୍ରତିକ୍ରିୟା ସୁନିଶ୍ଚିତ କରିବାକୁ କାର୍ଯ୍ୟ କରୁଛନ୍ତି ।
ଉପକୂଳବର୍ତ୍ତୀ ମତ୍ସ୍ୟଜୀବୀ ସମ୍ପ୍ରଦାୟଗୁଡିକୁ ବିଭିନ୍ନ ଚ୍ୟାନେଲ୍ ମାଧ୍ୟମରେ, ଯେପରିକି ଗ୍ରାମର ମୁଖିଆଙ୍କ ଜରିଆରେ ସୂଚନା ଦିଆଯାଇଛି ଯେ ଏହି ଘୂର୍ଣ୍ଣବଳୟ ଅତିକ୍ରମ ନକରିବା ପର୍ଯ୍ୟନ୍ତ ସମୁଦ୍ର ଭିତରକୁ ନଯିବା ପାଇଁ ସୂଚନା ଦିଆଯାଇଛି । ସହାୟତା, ଉଦ୍ଧାର ଏବଂ ରିଲିଫ ଅଭିଯାନ ପାଇଁ ଆଇସିଜି ଏହାର ଉତ୍ସର୍ଗୀକୃତ ବିପର୍ଯ୍ୟୟ ପ୍ରଶମନ ଦଳ ଏବଂ ବ୍ୟବସ୍ଥା ସହ ହାଇ ଆଲର୍ଟରେ ରହିଛି ।
SR
(Release ID: 2067497)
Visitor Counter : 25