کیونکہ سائیکلون ڈانا 24-25 اکتوبر 2024 کو مغربی بنگال اور اوڈیشہ کے ساحلوں پر لینڈ فال کرنے کی پیش گوئی کی گئی ہے، بھارتی کوسٹ گارڈ (آئی سی جی) علاقہ (شمال مشرق) نے سمندر میں جانوں اور املاک کے تحفظ کے لیے احتیاتی  تدابیر اختیار کی ہیں۔ آئی سی جی صورتحال کی نگرانی کر رہا ہے اور طوفان کے اثرات سے پیدا ہونے والی ایمرجنسی سے نمٹنے کے لیے تیاری کے لیے پیش قدمی کی ہے۔

آئی سی جی نے کشتیوں، ہوائی جہاز اور ریموٹ آپریٹنگ اسٹیشنوں کو مغربی بنگال اور اڈیشہ میں موسمی انتباہات اور حفاظتی مشورے نشر کرنے کی ذمہ داری سونپی ہے۔ یہ انتباہات مسلسل تمام ماہی گیر جہازوں کو بھیجے جا رہے ہیں، جن میں فوری طور پر ساحل پر واپس آ کر محفوظ پناہ گاہ تلاش کرنے کی ہدایت کی گئی ہے۔

آئی سی جی نے اپنی کشتیوں اور ہوائی جہازوں کو اسٹریٹجک طور پر پوزیشن میں لا کر کسی بھی ایمرجنسی صورتحال کا تیزی سے جواب دینے کے لیے تیار کر لیا ہے۔ اضافی طور پر، آئی سی جی کے اہلکار مقامی انتظامیہ اور قدرتی آفات کے انتظامی حکام کے ساتھ ہم آہنگی میں کام کر رہے ہیں تاکہ جواب دہی کو مربوط اور مؤثر بنایا جا سکے۔

ساحلی علاقوں میں ماہی گیر برادریوں کو مختلف چینلز کے ذریعے، بشمول گاؤں کے سربراہان، آگاہ کیا گیا ہے کہ طوفان گزرنے تک سمندر میں جانے سے گریز کریں۔ آئی سی جی ہائی الرٹ پر ہے، اور اس کی مخصوص قدرتی آفات کے امدادی ٹیمیں اور وسائل مدد، بچاؤ اور امدادی کارروائیوں کے لیے تیار ہیں۔

********************

ش ح۔ اس ک-

U No.1628