আয়ুশ মন্ত্রালয়না ২৯.১০.২০২৪দা ৯শুবা আয়ুর্বেদা দেগী থৌরম পাংথোক্নবা শেম-শাদুনা লৈরে। হন্দক্কী চহি অসিদা মালেম শিনথুংনা লৈবাক ১৫০ হেনবনা “আয়ুর্বেদা ইন্নোভেশন্স ফোর গ্লোবল হেল্থ” হায়রিবা থীম অসিদা আয়ুর্বেদা দেগীদমক্তা শেম-শাদুনা লৈরে। থৌরম অসিদা, আয়ুশ মন্ত্রালয়না নই দিল্লীগী ওল ইন্দিয়া ইনস্তিত্যুত ওফ আয়ুর্বেদা (AIIA)দা য়াম্না চাউরবা থৌরম অমা শিনগদৌরি।

আয়ুশ মন্ত্রালয়গী কেন্দ্রগী রাজ্য মন্ত্রী, আয়ুশ (I/C), শ্রী প্রতাপরাও জাধবনা আয়ুর্বেদা দেগী মরু ওইবা অদুগী মতাংদা ৱা ঙাংখি অমসুং হায়খি, “আয়ুর্বেদা দে  অসি হৌজিক্তি মালেমগী ওইবা ঈহৌ অমা ওইরক্লি। আয়ুর্বেদা দে সেলেব্রেশন্স ২০২৪তা মশিং য়াম্লবা লৈবাক ১৫০ রোম্না শরুক য়ারবা য়ারি হায়বা অসি তাবদা ঐখোয়না য়াম্না চাউথোকচৈ। মহাক্না আয়ুর্বেদা দে ২০২৪গী থীমগী মতাংদা পল্লদুনা মন্ত্রালয় অসিনা অখন্নবা মিৎয়েং থম্লিবা অদুগী মতাংদশু পনখি অমসুং মখা তারকখি মদুদি “হন্দক্কী চহি অসিগী আয়ুর্বেদা দে সেলেব্রেশন্স অসিগী থীম অসিনা মালেম পুম্বগী হকশেলদা আয়ুর্বেদানা লৌরিবা থৌদাংশিং অদুগী মতাংদা অনৌবা শক্লোন অমা পীররে। ঐখোয়গী পান্দমদি মীয়ামগী য়াইফনবগীদমক্তা হিদাক-লাংথক্কী ওইবা য়াম্না চাউবা সিস্তেম অমা ওইনা মালেম শিনথুংনা আয়ুর্বেদাবু য়োকখৎপা অদুবুনি। মসিগী মখাদা, দ ওল ইন্দিয়া ইনস্তিত্যুত ওফ আয়ুর্বেদানা লৈবাক অসি শিনথুংনা থা অমা চুপ্না পাংথোক্কদবা থৌরম অমা হৌদোকখ্রে।”

মন্ত্রালয় অসিগী ভিজন অদুগী মতাংদা পল্লদুনা, আয়ুশ মন্ত্রালয়গী সেক্রেতরী, ভৈদ্যা রাজেশ কোতেচানা হায়খি, “আয়ুর্বেদা দে সেলেব্রেশন্স অসিগী খুত্থাংদা, আয়ুশনা লৌনগন্দবা লাইনাশিং, মেন্তেল হেল্থ, এন্তিমাইক্রোবিয়েল রেজিস্তেন্স অমসুং জেরিয়াত্রিক কিয়র য়াওনা অরুবা হকশেলগা মরি লৈনবা ইশুশিং অদুবু য়েংশিন্নবা কন্তেমপোররী সাইন্সকা আয়ুর্বেদাগা পুনশিন্নবদা অখন্নবা মিৎয়েং থম্লি।”

মন্ত্রালয় অসিগী খ্বাইদগী অনৌবা থৌরাং অদুগী মতাংদা ৱা ঙাংলদুনা, মহাক্না মখা তারকখি, “আয়ুর্বেদাগী লৌশিং অসি আয়ুরগ্যান স্কীম, আয়ুশ রিসর্চ পোর্তল অমসুং নমস্তে পোর্তলগুম্বা অচৌবা অনৌবা থৌরাংশিং য়াওনা আয়ুশ গ্রিদকী শরুক অমা ওইনা দিজিতেল প্লেতফোর্মশিংগী খুত্থাংদা মীয়ামদা য়াম্না কোম্না ফংহল্লি।” হৌজিক হৌজিক্কী ওইনা আয়ুর্বেদা অসি মালেম শিনথুংনা লৈবাক ২৪দা মশক খঙনরে, অদুগা আয়ুর্বেদাগী পোত্থোকশিং অসি লৈবাক ১০০গী মথক্তা এক্পোর্ত তৌরি”.

হন্দক্কী চহিগী সেলেব্রেশন অসিদা স্তার্তঅপশিং অমসিং ইন্দস্ত্রীদগী মরু ওইনা শরুক য়াবা থেংনরগনি, মসিনা আয়ুর্বেদাবু গ্লোবল হেল্থ ইন্নোভেশনগী খ্বাইদগী মরু ওইবা অমা ওইহল্লগনি। খ্বাইদগি মকোক থোংবা আয়ুর্বেদা এক্সপর্তশিংনা অসিগী মরু ওইবা থৌরম অসিগীদমক্তা মখোয়গী ৱাখল্লোনশিং অমসুং থম্লিবা থাজবশিং অদুবু ফোংদোরকখি।  আয়ুশ প্রফেস্নেলশিংনা মরু ওইনা হন্দক্কী চহি অসিগী সেলেব্রেশন্স অসিগী আয়ুর্বেদাদা ইন্নোভেশন পুরকপা হায়বা থীম অসিদা য়ুমফম ওইবা অসিগী মতাংদা য়াম্না থৱায় য়াওবা উৎলকখি।

আয়ুশ মন্ত্রালয়গী এদভাইজর অমসুং শিল্লোংগী নোর্থ ইস্তর্ন ইনস্তিত্যুত ওফ আয়ুর্বেদা অমসুং হোমিওপেথী (NEIAH)গী দাইরেক্তর, দা. মনোজ নেসারিনা হায়খি, “ ‘আয়ুর্বেদা ইন্নোভেশন ফোর গ্লোবল হেল্থ’ হায়রিবা থীম অসি হকশেল য়োকখৎপদা অমসুং তোঙান তোঙানবা লাইনাগী ফিভমশিং লাইয়েংবদা আয়ুর্বেদাগী সাইন্তিফিক রেলেভেন্স অদু লৈহন্নবা আয়ুর্বেদাদা তৌখিবা অচৌবা রিসর্চকী থবকশিং অদুবু উত্থোক্নবা অখন্ননা খনগৎখিবনি। মসিনা মালেম অসিদা লৈরিবা মীপুম খুদিংমক্কী রিলিজন, ইথনিসিতী, সোসিবেল স্তেতস অমসুং জিওগ্রাফিকেল বাউন্দরীশিংগী খেৎনবা থমদনা হেল্থকিয়রগীদমক্তা আয়ুর্বেদাগী মরু ওইবা অদুবুশু উত্থোক্লি। ইন্নোভেশনদা অকন্নবা মিৎয়েং থম্বনা নহাশিংবু আয়ুর্বেদাদা মাই ওনশিন্নবা অমসুং স্তার্তঅপশিং হৌদোক্নবা পুক্নিং চিংশিল্লগনি অমসুং পুক্নিং থৌগৎলগনি। ঐহাক্না নোর্থ ইস্তকী রাজ্যশিংদা অহোংবা অমসুং থৱাই য়াওবা কয়া অমা উবা ফংই অমসুং নোর্থ ইস্তকী রাজ্য পুম্নমক্তা আয়ুর্বেদাগী পাম্নবা হেনগৎলকপা উবা ফংলি।”

জম্মু অমসুং কাশ্মিরগী আয়ুশ দাইরেক্তর, দা. মোহন সিংনা পনখি, “হন্দক্কী চহি অসিগী সেলেব্রেশন্স অসিগী থীম অসিগী মতাংদা, ঐখোয় পুম্নমক্না আয়ুর্বেদা দে ২০২৪গী থবক-থৌরমশিংগী শরুক অমা ওইবদা য়াম্না নুংঙাইবা ফাওই। ঐখোয়না আয়ুর্বেদাগী শক্তিগী খুত্থাংদা হেন্না অফবা, তুং-কোইনা লৈহৌগদবা মালেম অমা শেম্বদাকত্থোক্লবা প্রোফেস্নেলশিং, রিসর্চরশিং অমসুং স্তার্তঅপশিং য়াম্না থোইদোক-হেন্দোকপা অদুগুম্লবা মীতিন অমা ওইগনি হায়না থাজবা থম্লি।”

নেস্‌নেল ইনস্তিত্যুত ওফ আয়ুর্বেদাগী ভাইস চান্সেলর, দা. সঞ্জীব শর্মানা মখা তারকখি, “আয়ুর্বেদা দে ২০২৪ সেলেব্রেশন্সকীদমক্তা শেম-শারিবা ঐখোয়গী মহৈরোইশিং অমসুং স্কোলরশিংগী ফিরেপ অমসুং থৱায় য়াওবা অদু য়াম্না পুক্নিং থৌগৎনিংঙাইনি। মসি হোলিস্তিক হেল্থকী অনৌবা দাইমেন্সন অমা থিজিন্নবগী খুদোংচাবা অমনি, মসিদা মালেম পুম্বগী হকশেলগীদমক্তা অরিবা ৱাখল-লৌশিংশিং অদুনা মতম অসিগী অনৌবা ইন্নোভেশনগা পুনশিল্লগনি।”

ইনস্তিত্যুত ওফ তীচিং এন্দ রিসর্চ ইন আয়ুর্বেদা (ITRA)গী দাইরেক্তর, দা. বি.জে. পাতাগিরিনা পনখি, “হন্দক্কী চহি অসিগী সেলেব্রেশন অসিদা মহৈরোইশিং, স্কোলরশিং অমসুং ইন্নোভেতরশিংনা শরুক য়াবা অসিনা চৎনবী অমসুং ইন্নোভেশন্না করম্না গ্লোবল হেল্থপু রেভোল্যুসনাইজ তৌবগে হায়বগী ময়েক লারবা খুদম্নি।”

আয়ুশ মন্ত্রালয়না গ্লোবল হেল্থকী মেনস্ত্রীমদা আয়ুর্বেদাবু য়াওহন্নবগী মাইকৈদা খন্না হোৎনরি। WHO গ্লোবল ত্রেদিস্নেল মেদিসিন সেন্তর (GTMC), আয়ুশমান ভারত য়োজনা, অমসুং রিসর্চ সেন্তর ফোর ইন্নোভেশন ইন আয়ুর্বেদা বায়োলোজীগুম্বা অনৌবা থৌরাংশিং অসিনা গ্লোবল হেল্থ সিস্তেমদা আয়ুর্বেদাগী থৌদাংবু খুমাং চাউশিনহল্লি। মসিগী মথক্তা, অমুক হন্না হিংগৎহল্লবা “আই সপোর্ত আয়ুর্বেদা” কেমপেননা আয়ুর্বেদাগী সপোর্ততা ভোত মিলিয়ন ২৫০গী মথক্তা খোম্নবগী পান্দম থম্লি। মমাংগী চহিগী কেমপেন অদু ভোত মিলিয়ন ১৬০ ফংবগা লোইননা য়াম্না অচৌবা মাইপাকপা অমা ওইখি।

মালেম অসিনা ২০২৪গী ওক্তোবর ২৯দা আয়ুর্বেদা দে তম্না চংশিল্লকপগা লোইননা, আয়ুশ মন্ত্রালয়না, মহাক্কী পার্তনর ইনস্তিত্যুতশিং, প্রোফেস্নেলশিং অমসুং মালেমগী মফম কয়াদা লৈরিবা আয়ুর্বেদাদা থৱায় য়াওজবশিংনা মসিগী তোপ-তোপ্পা সেলেব্রেশন অসিগীদমক্তা য়াম্না নুংঙাইবা ফাওই। ইন্নোভেশন অমসুং কোলাবোরেশনগী খুত্থাংদা, আয়ুর্বেদানা গ্লোবল হেল্থ অমসুং ৱেল-বিঙগীদমক্তা তুং-কোইনা চৎকদবা পাম্বৈশিং পীনবগীদমক্তা শেম-শাদুনা লৈরে।

নিংশিংগদবা অমনা আয়ুর্বেদা দেগী সেলেব্রেশন অসি চহি খুদিংগী ধনৱন্তারি জয়ন্তি (ধন্তেরাস)কী শেংলবা নুমিৎ অসিদা পাংথোকই। ২০১৬দা হেক হৌদোরকপদগী, আয়ুর্বেদা দে অসিনা মালেম অসিদা মরু ওইবা হেনগৎলকখি। হন্দক্কী চহি অসিগী সেলেব্রেশন অসি ইনর্জী অমসুং এন্থুসিয়াজম্না থল্লবা অমা ওইরদুনা ২০২৪গী ওক্তোবর২৯দা ক্লোজিং সেরেমোনী পাংথোক্লদুনা লোইশিল্লগনি। থা অসিদা, লৈবাক শিনথুংনা থৌরমশিং অমসুং থবক-থৌরম কয়া অমা পাংথোকখি, মসিনা হকশেল য়োকখৎপদা অমসুং লাইনা ঙাকথোকপদা আয়ুর্বেদাগী মরু ওইবা অদুবু উৎখি।

****

(Release ID: 2067475) Visitor Counter : 31