কেন্দ্রগী মহৈ মশিংগী মন্ত্রী, শ্রী ধরমেন্দ্র প্রধান্না ঙসি ওস্ত্রেলিয়াগী মেলবোর্নদা পাঙথোকখিবা ওস্ত্রেলিয়ন ইন্তরনেস্নেল এজুকেসন কন্ফরেন্সতা প্লেনরী ৱারোল পীখ্রে‍। শ্রী প্রধান্না মহাক্কী কাউন্তরপার্ত, ওস্ত্রেলিয়া লৈঙাক্কী মহৈ মশিংগী মন্ত্রী মিস্তর জেসন ক্ল্যেরর MPগা মায়কৈ অনিগী ওইবা মীফমসু পাঙথোকখি‍। ভারতকী দেলিগেসনগী মেম্বরশিং, লৈবাক অনিমক্কী য়ুনিভর্সিতীশিংগী মকোকশিং, অমসুং অতৈ মীথুংশিংসু থৌরমদুদা শরুক য়াখি‍।

শ্রী প্রধান্না মহাক্কী ৱারোলদা লৈবাক অনিগী পুৱারীবু শমজিন্নহল্লিবা অমসুং হেন্না তরং তরংবা অপুন্বা তুংলমচৎকী লম্বীসু য়াৎলিবা ভারত অমসুং ওস্ত্রেলিয়াগী মরক্তা লৈরিবা অকন্বা অমসুং মতমগী মতুং ইন্না ওল্লক্লিবা মরীবু শিংথাখি‍। মরী অসিবু প্রধান মন্ত্রী শ্রী নরেন্দ্র মোদী অমসুং ওস্ত্রেলিয়াগী প্রাইম মিনিস্তর মিস্তর এন্থনী অল্বানীজকী মীৎয়েঙ শান্বা লুচিং মখাদা হেন্না মপাঙ্গল কনখৎহন্নবা ৱাফম নৌহৌননা থমখি‍।

শ্রী প্রধান্না ৪শুবা ইন্দস্ত্রিএল রিভোলুসন্দা এজুকেসন্না মহৈরোয়শিংবু তেক্নোলোজীগী ক্রিএতর অমসুং মেনেজরশিং ওইনা শেম্বা মথৌ তাই হায়বা ৱাফমসু ফোঙদোকখি‍। ভারতকী নেস্নেল এজুকেসন পোলিসীনা ওল্লক্লিবা থবক্কী কৈথেলগা চুশিন্ননবা দিজিতেল লিতরেসী, সোফ্ত স্কিল, ক্রিতিকেল থিঙ্কিং, অমসুং ইন্তরদিসিপ্লিনরী স্তদীশিংদা মীৎয়েঙ থম্বা ফ্রেমৱর্ক অমা পীরি হায়না মহাক্না মখা তাখি‍।

শ্রী প্রধান্না মহৈ মশিংগী লমদা তেংবাংনবনা ইন্দিয়া-ওস্ত্রেলিয়া মরীগী চৈঙাক্নি হায়বা ৱাফম থমখি‍। মসিদা থম্লিবা মরুওইবা পান্দমদি ভারতকী এজুকেসন সিস্তেমবু কম্পিতেন্সী-বেজ ফ্রেমৱর্ক অমা ওইনা ভারতকী নেস্নেল এজুকেসন পোলিসী (NEP)দা পীরিবা স্কিল-বেজ এজুকেসন্দা মীৎয়েঙ থমদুনা ফগৎহনবনি হায়না মহাক্না ফোঙদোকখি‍।

মন্ত্রীনা মতৌ করম্না NEP ২০২০না ভারতকী মহৈ মশিং তম্বগী লেন্দস্কেপ্পু খুদোংচাবশিংগী তুংনফম অমা ওন্থোক্লি, ইন্দি-ওস্ত্রেলিয়াগী খাঙবা কল্লবা মরী অমসুং মহৈ মশিংগী লমদা তেংবাংনবদা NEP ২০২০না মথৌ হাপ্তুনা থাংজিল্লিবা শিংথানিংঙাই ওইরবা খোঙথাংশিংগী মরমদা ৱা ঙাংখি‍। ওস্ত্রেলিয়ন য়ুনিভর্সিতী কেম্পসন ভারত্তা লিংখৎলিবা অসিদি শুপ্নতগী অহৌবনি, মতিং কয়া ফুদোক্কদবা ৱাৎলি হায়না মহাক্না মখা তাখি‍।

লৈবাক অনিসিনা পুন্না ৱাখল লৌশিং খুমাঙ চাওশিলহন্দুনা, মালেমগী শিংনবশিংগীদমক তেক্নোলোজী শীজিন্নবা অমসুং মহৈরোয়শিংগীদমক ইনোভেসন অমসুং ওন্ত্রপ্রিন্যুরসিপকী লোইনাইদ্রবা খুদোংচাবশিং শেমগৎপা ঙমগনি হায়নসু মহাক্না হায়খি‍।

‘বিস্ব-বন্ধু’ অমা ওইনা ভারতনা মীওইবা খুন্নাইদা য়ুম্ফম ওইবা চাওখৎ থৌরাংগী থাজবা য়াবা খোঙবু অমা ওইননবা খোঙফম চেৎনা লেপ্লি হায়নসু মন্ত্রীনা ফোঙদোকখি‍। মসিদা থম্লিবা ৱাখল্লোন্দি মালেমগী মীওইশিং শেমগত্তুনা অমসুং মখোঙ শোম্বিদুনা তুংগী মীরোলগীদমক হেন্না তরং তরংবা তুংলমচৎ অমগী থৌদাং লৌরম্বদুনি হায়না মহাক্না হায়খি‍।

মিস্তর জেসন ক্ল্যের MPনা মহাক্কী ৱারোলদা, পুন্সিদা অহোংবা পুরকপখক্তদগী হেন্বা অফবা এজুকেসন সিস্তেম অঅমগী মরুওইবা ৱাফমশিং থমখি‍। মসিনা লৈবাকশিংদা অহোংবা পুরকপা ঙমগনি হায়না মহাক্না মখা তাখি‍। ভারতকী এজুকেসন সিস্তেমবু শিংথারদুনা, ২০৩৫ ফাওবদা য়ুনিভর্সিতী দিগ্রী ফংলিবা মালেমগী মীওই মরী খুদিংগী অমমমদি ভারত্তগী ফংলক্কনি হায়না মহাক্না হায়খি‍। দীকিনগুম্বা ওস্ত্রেলিয়ন য়ুনিভর্সিতীশিংনা চহি ৩০ রোম ভারত্তা লৈরকপা পল্লদুনা, হৌজিক্তি ৱোলোঙ্গোংগীসু কেম্পস অমা লৈরে হায়না মহাক্না হায়খি‍। অসিগুম্বা থৌশিলশিং অসিদা পুক্নিং থৌগৎপিবগীদমক মহাক্না শ্রী প্রধানগী মফমদা তৌবিমল খঙবা উৎখি‍। ভারত্তা কন্সোর্সিয়ম কেম্পস অমগী ওপসনশিং থিরিবা ইনোভেইব রীছর্চ য়ুনিভর্সিতী তরুক্কী থবকপুসু মহাক্না থাগৎখি‍।

নুমিত্তুগী অঙনবা শরুক্তা, শ্রী প্রধান্না মিস্তর জেসন ক্ল্যের MPগা আর্লী চাইল্দহুদ কেয়র, ওজাশিংগী কেপাসিতী বিল্দিং, অমসুং স্কুল ত্বিন্নিং থৌশিলগী মতিংগী মতাঙদা ভারত অমসুং ওস্ত্রেলিয়াগী মান্নবা প্রাইওরিতীশিংগী মরমদা খন্ননবা উনখি‍। ভারত অমসুং ওস্ত্রেলিয়াগী হাইয়র এজুকেসসন ইন্সতিত্যুসনশিংগী মরক্তা লৈরিবা অচেৎপা মরীদা য়ুম্ফম ওইরগা, মরী অসিবু ক্রিতিকেল অমসুং ইমর্জিং তেক্নোলোজীশিংগী লমদসু চেৎশিলহন্নবা মখোয়না য়ানখি‍। মখোয়না ওস্ত্রেলিয়ন য়ুনিভর্সিতীশিংগী ব্রাঞ্চ কেম্পসশিং ভারত্তা লিংখৎপগী ওইথোকপশিংসু খন্নখি‍।

খন্নখিবা অদুদা, শ্রী প্রধান্না এসিস্তেন্ত মিনিস্তর ওফ ফোরেন এফ্যার্স, মিস্তর তিম ৱাতস MPগসু উনখি‍।

শ্রী প্রধান্না প্রেমিয়র ওফ ভিক্তোরিয়া, ওস্ত্রেলিয়া, মিস্ত্রেস জসিন্তা অলান MPগসু উনখি‍। ভিক্তোরিয়া অসি ওস্ত্রেলিয়াদা ভারতকী মীওই খ্বায়দগী মশিং য়াম্না লৈবা মফম্নি হায়না মহাক্না ফোঙদোকখি‍। মখোয়না ভিক্তোরিয়া অমসুং ইন্দিয়াগী মরক্তা স্কুলশিংগী ইন্সতিত্যুস্নেল লিঙ্কেজ মপাঙ্গল কনখৎহন্নবা ৱারী শানখি‍।

শ্রী প্রধান্না সাউথ মেলবোর্ন প্রাইমারী স্কুলদসু চৎখি অমসুং নহা ওইরিবা মহৈরোয়শিংগা ৱারী শানখি‍। মহাক্না স্কুল অদুগী ইনোভেতিব ওইবা আর্লী চাইল্দহুদ এজুকেসনগী মরমদা নৈনখি‍। NEP ২০২০না ভারত্তা অঙাংশিং নীংথিনা মপুং মরৈ ফারকপদা মরুওইরিবা আর্লী চাইল্দহুদ কেয়র এন্দ এজুকেসন্দা অকন্বা মীৎয়েঙ কমদৌনা থম্লি হায়বগী মতাঙদা মহাক্না ফোঙদোকখি‍। মহাক্না আর্লী লর্নিংবু য়ুনিভর্সেল ওইহন্নবা নুংঙাইবা অমসুং অৱাবা লৈতবা ওইহন্নবা মালেমগী খ্বায়দগী ফবা থৌওংশিং লৌশিন্নবা খোঙফমসু নৌহৌননা ফোঙদোক্লমখি‍।

শ্রী ধরমেন্দ্র প্রধান্না তেক্নোলোজী, দিজাইন, অমসুং এন্তরপ্রাইজকী মফম অমা ওইরিবা রোয়েল মেলবোর্ন ইন্সতিত্যুৎ ওফ তেক্নোলোজী (RMIT) দা চৎখি‍। মহাক্না মখোয়গী ‘দিস্কভরী দু দিভাইস’ মেদ-তেক ফেসিলিতী, ফাস্ত-ত্রেক্কিং আইদিয়জ তু প্রদক্ত য়েংখি‍। মহাক্না য়ুনিভর্সিতী অদুনা ইন্দস্ত্রী এক্সপিরিএন্স, হেন্দ্স-ওন স্কিল্স, অমসুং ৱাখল্লোনশিং পোত্থোক ওইনা পুথোকপদা মরুওইবা মীৎয়েঙ থম্লিবদুবু শিংথাখি‍। শ্রী প্রধান্না ভারতকী মহৈরোয়শিংবু তুংগী স্কিল অমসুং থবক্কীদমক শেম শাহন্নবা মতৌ করম্না RMIT গা ভারতকী মকোক থোংবা HEI শিংগা থবক তৌমিন্নবা য়াগদগে হায়বগী মতাঙদসু নৈনখি‍।

দিস্কভরী তু দিভাইসনা রিএল-ৱর্ল্দ ইম্পেক্ত পীনবগীদমক প্রোতোতাইপিং অমসুং স্কেল-অপ মেনুফেকচরগী খুত্থাঙদা ৱাখল্লোনশিংবু পোত্থোক ওইনা পুথোক্লি‍।

শ্রী প্রধান্না অথেঙবা ১৯৬০গী মতমদগী হৌনা ভারতকী মহৈরোয়শিংবু তরাম্না ওক্তুনা লাক্লিবা মোনাস য়ুনিভর্সিতীদসু চৎখি‍। শ্রী প্রধান্না য়ুনিভর্সিতী অদুগী রীছর্চ অমসুং ইনোভেসন ইকোসিস্তেম অমসুং মখোয়গী নিউ ইন্দিয়া প্লানগী খুত্থাঙদা ভারতকী ইন্সতিত্যুসসনশিংগা লৈনরিবা মহৈ মশিংগী ওইবা মরীবু হেন্না মপাঙ্গল কনখৎহন্নবগী থৌরাংগী মতাঙদসু মরুওইবা ৱাফমশিং ফংবা ঙমখি‍। মহাক্না ইনোভেসন লেব এন্দ সেন্তর ফোর নেনোফেব্রিকেসন্দসু কোয়না চত্তুনা মখোয়না ৱাখল্লোনশিংবু ইথিল পীবা ঙম্বা ইনোভেসসনশিংদা থৌদুনা চৎপদা হৈথোই শিংথোইবা মীওইশিংদা ঙাক্লৌ পীরিবা অফবা ফেসিলিতীশিংবুসু শিংথাখি‍।

মহৈ মশিংগী সেক্তরদা নাকল অনিগী ওইবা মরী ফগৎহন্নবা খোঙথাং অমা ওইনা, শ্রী প্রধান্না ওক্তোবর ২২ দগী ২৬, ২০২৪ ফাওবা ওস্ত্রেলিয়াদা চৎলি‍। খোঙচৎ অসিনা মহৈ মশিংগী লমদা নাকল অনিগী ওইবা ইন্তরেস্ততা মরুওইবা হীরমশিংদা খুৎশম্ননা চৎমিন্নবা, শরুক য়ামিন্নবা, অমসুং থোং মান্ননা চৎমিন্নবগী ফীভম পুরক্কনি হায়না থাজরি‍। চয়োল অসিগী অঙনবা শরুক ওক্তোবর ২০-২১দা, শ্রী প্রধান্না সিঙ্গাপোরদা চৎখি অমসুং স্কিল-বেজ এজুকেসন অমসুং রীছর্চকী লমদা নাকল অনিগী ওইবা তেংবাংনবগী মরী পাকথোক চাউথোকহন্নবা প্রাইম মিনিস্তর, দিপুতী প্রাইম নিমিস্তর, এজুকেসন মিনিস্তর অমসুং অতৈ মীওইশিংগা উনখি‍।

*****