পঞ্চায়তি রাজ মন্ত্রালয় (MoPR)না ইন্দিয়া মেতিওরোলোজিকেল দিপার্তমেন্ত (IMD), আর্থ সাইন্সেস মন্ত্রালয় (MoES) গা খুৎশম্নদুনা গ্রাম পঞ্চায়ৎশিংদা নুমিৎ 5নিগী নুমিৎ খুদিংগী ৱেদর ফোর্কাস্ত অমসুং পুংগী ওইনা ৱেদর ফোর্কাস্ত চেক তৌনবা মরু ওইবা অমসুং অওনবা পুরক্কদবা থৌশিল অমা -  গ্রাম পঞ্চায়ৎ-লেভেল ৱেদর ফোর্কাস্তিং - অসি 2024গী ওক্তোবর 24দা নই দিল্লীগী বিজ্ঞান ভবনদা হৌদোক্কদৌরি। খুঙ্গংগী মীয়ামবু মপাঙ্গল কনখৎহন্নবা অমসুং গ্রাসরুৎতা দিজাস্তরগী শেম-শারিবা হেনগৎহন্নবা পান্দম থম্লিবা খোঙথাং অসিনা লৈবাক অসিগী লৌমীশিং অমসুং খুঙ্গংগী মীওইশিংদা হকথেংননা কান্নবা পীগনি। সরকারগী নুমিৎ 100গী এজেন্দাগী শরুক অমা ওইনা, খোঙথাং অসিনা গ্রাসরুৎ গভর্নান্সবু মপাঙ্গল কনখৎহল্লি অমসুং তুং কোইনা চৎনবা য়াবা লৌউ-শিংউগী থবক থৌরমশিং প্রমোৎ তৌই, মসিনা খুঙ্গংগী মীশিংবু ক্লাইমেৎ রেজিলিয়ন্ত হেন্না ওইহল্লি অমসুং অকোয়বগী ফিভমগী শীংনবশিং থেংনবদা হেন্না শেম-শাহল্লি।

মসিনা IMDগী এক্সপেন্দ সেন্সর কভরেজনা মতেং পাংবা গ্রাম পঞ্চায়ৎ থাক্তা লোকেলাইজ তৌরবা ৱেদর ফোর্কস ফংহনবদা অহানবা ওইগনি। মসিনা ফোর্কাস্তশিং মন্ত্রালয়গী দিজিতেল প্লেৎফোর্মশিং: ই-গ্রামস্বরাজ, মসিনা মপাঙ্গল লৈনা লৈঙাকপা, প্রোজেক্ত ত্রেক তৌবা অমসুং রিসোর্স মেনেজমেন্ত তৌবা ঙমহল্লি; মেরি পঞ্চায়ৎ এপ, মসিনা নাগরিকশিংবু লোকেল রিপ্রজেন্তেতিবশিংগা ৱারী শানবগী খুদোংচাবা পীদুনা অমসুং ইসুশিং রিপোর্ত তৌবগী খুদোংচাবা পীদুনা কম্ম্যুনিতী এঙ্গেজমেন্ত ফগৎহল্লি; অমসুং গ্রাম মঞ্চিত্রা, দিবেলপমেন্ত প্রোজেক্তশিংগীদমক জিওস্পেসিএল ইনসাইৎশিং পীরিবা স্পেসিএল প্লান্নিংগী খুৎলাইগী খুত্থাংদা শন্দোক্কনি।

হৌদোকপগী থৌরম অদুদা, পঞ্চায়তী রাজকী মন্ত্রী, শ্রী রাজীব রঞ্জন সিংহ ওলাইস ললান সিংহ, সাইন্স অমসুং তেক্নোলোজী অমসুং আর্থ সাইন্সকী রাজ্য মন্ত্রী (ইন্দিপেন্দেন্ত চার্জ), শ্রী (দা) জিতেন্দ্র সিংহ, অমসুং পঞ্চায়তি রাজ মন্ত্রী, শ্রী প্রো. এস. পি. সিংহ বাঘেল, য়াওদুনা পঞ্চায়তি রাজ মন্ত্রীগী সেক্রেতরী, শ্রী বিবেক বরদ্ৱাজ, লৌউ-শিংউ অমসুং লৌমীশিংগী য়াইফ থৌরাং মন্ত্রালয়গী সেক্রেতরী, শ্রী দেবেশ চতুর্বেদী, আর্থ সাইন্সেস মন্ত্রালয়গী সেক্রেতরী, দা. এম. রবিচন্দ্রন, ইন্দিয়া মেতিওরোলোজিকেল দিপার্তমেন্তকী DG দোক্তর. ম্রুত্যুনজয় মোহাপত্রা, পঞ্চায়তী রাজ মন্ত্রালয়গী জোইন্ত সেক্রেতরী শ্রী অলোক প্রেম নগর অমসুং পঞ্চায়তী রাজ, এগ্রিকলচর, রুরেল দিবেলপমেন্ত, নেস্নেল দিজাস্তর মেনেজমেন্ত ওথোরিতী (NDMA), সাইন্স অমসুং তেক্নোলোজী দিপার্তমেন্ত (DST) অমসুং অতোপ্পা মরুওইবা স্তেকহোল্দরশিংগী মন্ত্রালয়শিংগী সেনিয়র ওফিসিএলশিংনা শরুক য়াখি।

অনৌবা খোঙথাং অসি হৌদোকপদা "গ্রাম পঞ্চায়ৎ লেভেলদা ৱেদর ফোর্কসশিং"গী মতাংদা ত্রেনিং ৱার্কশোপ অমা পাংথোক্কনি। ৱার্কশোপ অসিদা পঞ্চায়তী রাজ ইন্সতিত্যুসনশিংগী ইলেক্তেদ রিপ্রজেন্তেতিবশিং অমসুং স্তেত পঞ্চায়তী রাজকী ওফিসিএলশিং য়াওনা শরুক য়ারিবা মীওই 200 হেনবনা শরুক য়াগনি। ত্রেনিং সেসন অসিনা পঞ্চায়তকী মীহুৎশিং অমসুং ফঙ্কস্নরীশিংদা গ্রাসরুৎকী থাক্তা ৱেদর ফোর্কাস্তিংগী খুৎলাইশিং অমসুং রিসোর্সশিং মপুং ফানা শীজিন্ননবা লৌশিং অমসুং স্কিলশিং ফংহনগনি। মসিনা মখোয়বু ৱাখল তানা ৱারেপ লৌনবা অমসুং মখোয়গী কম্ম্যুনিতীশিংদা ক্লাইমেৎ রেসিলিয়েন্স হেনগৎহন্নবা শক্তি পীরগনি।

সরকারগী নুমিৎ 100গী এজেন্দাগী মরুওইবা মচাক অমা ওইরিবা থৌরাং অসিনা লোকেল লেবেল গভর্নান্স হেনগৎহন্নবা অমসুং ক্লাইমেৎ রেজিলিয়ন্ত ভিলেজশিং শেমগৎনবগী মায়কৈদা অচৌবা খোঙথাং অমনি। ৱেদর পেত্তর্নশিং অসি তম্বা ঙমদবা হেনগৎললকপনা গ্রাম পঞ্চায়ৎকী থাক্তা ৱাদর ফোর্কাস্তিং তৌবগী হৌদোকপা অসিনা লৌউ-শিংউগী পুন্সি মহিং ঙাকশেনবা অমসুং মহৌশাগী অৱা-অনাশিংগী মায়োক্তা খুঙ্গংগী শেম-শাবা হেনগৎহনবদা মরুওইবা খুৎলাই অমা ওইগনি। গ্রাম পঞ্চায়ৎশিংনা অইং-অশা, নোংগী চাং, নুংশিৎকী চাং অমসুং অশাগী মতাংদা নুমিৎ খুদিংগী ইনফোর্মেসন ফংলগনি। মসিনা মখোয়বু লৌউ-শিংউগী লমদা মরুওইবা ৱারেপশিং লৌবা ঙম্নবা শক্তি পীরগনি। হায়রিবা খুৎলাইশিং অসিনা দিজাস্তরগী শেম-শাবা অমসুং ইনফ্রাস্ত্রকচর প্লান্নিংবুসু মপাঙ্গল কনখৎহল্লগনি। মসিগী মথক্তা, সাইক্লোন অমসুং নোং কন্না চুবা অসিনচিংবা এক্সত্রিম ৱেদর ইভেন্তশিংগী মতাংদা পঞ্চায়ৎকী মীহুৎশিংদা SMS এলর্তশিং থারক্কনি। মসিনা পুন্সি, মহৈ-মরোং অমসুং পোৎ-চৈ ঙাকথোক্নবা অথুবা মতমদা থবক লৌখৎপা ঙম্লগনি। মসিগী থৌওং অসি গ্রাসরুৎ লেভেলদা ক্লাইমেৎ রেজিলিয়ন্ত কম্ম্যুনিতীশিং শেমগৎনবগী মায়কৈদা অহোংবা পুরকপা খোঙথাং অমনি।

***