নই দিল্লীদা পাংথোকখিবা ITU- WTSA 2024গী নাকলদা ঙরাং লোইশিনখিবা ITU ক্যালিদোস্কোপ 2024গী নিনিশুবা নুমিত্তা, AI অমসুং দিজিতেল তেক্নোলোজীশিংনা সস্তেনেবল দিবেলপমেন্ত পুরকপদা মীৎয়েং থমদুনা অহোংবা পুরক্কদবা খন্ন-নৈনবশিং পাংথোকখি। মেরি কারমেন আগুইয়ো তোরেসনা অখন্নবা প্রজেন্তেসন অমা পীদুনা হৌদোকখিবা, নুমিৎ অসিদা ইনক্লুসিব তেক্নোলোজী সোলুসনশিংদা মরুওইনা তেক্নোলোজীগী লমশিংদা পব্লিক-প্রাইবেৎ পার্তনরশিপকী থোংদা নুপীশিংবু পুক্নিং চিংশিনবা হোৎনবদা মরুওইনা মীৎয়েং থমখি।

মেরি কারমেন আগুইয়ো তোরেসনা অখন্নবা প্রজেন্তেসন অমা পীদুনা হৌদোকখিবা, নুমিৎ অসিদা ইনক্লুসিব তেক্নোলোজী সোলুসনশিংদা মরুওইনা তেক্নোলোজীগী লমশিংদা পব্লিক-প্রাইবেৎ পার্তনরশিপকী থোংদা নুপীশিংবু পুক্নিং চিংশিনবা হোৎনবদা মরুওইনা মীৎয়েং থমখি।

স্পেনগী বাস্কী কন্ত্রী য়ুনিভর্সিতীদগী ইভা ইবরোলানা প্রজেন্তেসনগী সেসন অদুদা পব্লিক- প্রাইবেৎ পার্তনরশিপকী খুত্থাংদা নুপীমচাশিংবু তেক্নোলোজীদা পুক্নিং চিংশিনবা অমসুং সস্তেনেবল দিবেলপমেন্তকীদমক এপ্লিকেসনশিং অমসুং সর্ভিসশিংগী মতাংদা প্রজেন্তেসন পীখি। ভারত সরকারগী তেলিকম্ম্যুনিকেসন দিপার্তমেন্তকী মেম্বর (সর্ভিসেস) শ্রী রোহিৎ শর্মা অমসুং IETEগী প্রসিদেন্ত শ্রী সুনিল কুমারনা সস্তেনেবল দিবেলপমেন্তকীদমক্তা সোসিএল, ইকনোমিক, এনভাইর্নমেন্ত অমসুং পোলিসী এস্পেক্তশিংদা মীৎয়েং থমখি।

থৌরম অসিদা হেল্থকেয়র, এজুকেসন অমসুং সস্তেনেবল দিবেলপমেন্তকীদমক AI এপ্লিকেসনশিংদা অনৌবা ৱাখল্লোনশিং উৎখি। AIনা হেল্থকেয়র, এজুকেসন অমসুং লৌউ-শিংউদা পীরিবা ইথিল য়াওনা, AIনা লমজিংবা দাইগ্নোস্তিক্স অমসুং খুঙ্গংগী এজুকেসনদা AIগী থৌদাংগী মতাংদা খন্ন-নৈনখি। সেসনশিং অসিদা IOTএপ্লিকেসনশিংদা সাইবর সেক্যুরিতীগী মরুওইবা অদুসু অকনবা ৱাফম থমখি অমসুং কন্তেন্ত শেমগৎপদা AIগী ইথিকেল ইম্প্লিকেসনশিং নৈনখি। অপুনবা ওইনা, থৌরম অসিনা UN সস্তেনেবল দিবেলপমেন্ত গোলশিং (SDGশিং) শৌগৎনবা তেক্নোলোজীশিং পুথোকপদা ইন্নোভেসন অমসুং ইন্তর্নেস্নেল কোলাবোরেসনগী তঙাই ফদবা অদু পনখি। নুংথিলগী পোস্তর সেসন অসিনা AIগী এজুকেসন্দা লৌরিবা থৌদাং অমসুং UN সস্তেনেবল দিবেলপমেন্ত গোলশিং (SDGশিং) ফংনবা স্পেস সিস্তেমশিং শীজিন্নবগী মতাংদা হীরমশিং য়াওনা অচৌবা রিসর্চ কোলাবোরেসন থৌগৎখি।

DoTগী দিজিতেল কম্ম্যুনিকেসন কম্মিসনগী মেম্বর (সর্ভিসেস) শ্রী রোহিৎ শর্মানা হায়খি, “ITU কলৈদোস্কোপ 2024না  তেক্নোলোজী অমসুং সস্তেনেবিলিতীগী ইন্তর্সেক্সন এক্সপ্লোর তৌনবা মরু ওইবা প্লেৎফোর্ম অমা পীখি। IoTগী দিভাইসশিংনা সাইবর সেক্যুরিতীদা পীরিবা ইম্প্লিকেসনশিংদগী হৌরগা AIনা পুথোকপা কোপিরাইতকী কমপ্লেক্সিতীশিং অমসুং ICT সোল্যুসনশিংগীদমক ইন্তর্নেস্নেল তেক্সেসনগী তুংলমচৎ ফাওবদা, তেক্নোলোজিকেল এদভান্সনা সস্তেনেবল দিবেলপমেন্ততা কান্নবা পীবদু য়েংশিন্নবা গ্লোবেল কোওপরেসনগী মরুওইবা অদু খন্ন-নৈনখি। হীরম কয়াদা এক্সপর্তশিংনা য়েংমিন্নখিবা ইনসাইৎশিংনা হেন্না সেক্যুর, ইক্বিতেবল, অমসুং সস্তেনেবল ওইবা দিজিতেল ইকোসিস্তেম অমা শেমগৎনবগীদমক্তা মপাঙ্গল লৈবা পোলিসীশিং অমসুং ইন্নোভেতিব স্তেন্দর্দশিংগী মথৌ তাবগী মতাংদা পুক্নিং থৌগৎলি।"

নেস্নেল কম্ম্যুনিকেসন একাদেমীগী দিপুতী দিরেক্তর জেনরেল শ্রী অতুল সিনহানা হায়খি, "ঙসি উৎখিবা তোঙান তোঙানবা রিসর্চ অসিনা মালেমগী ওইবা অৱাবা কয়া মায়োক্নবদা থবক ওইনা পাংথোকপা য়াবা সোল্যুসনশিং উৎলি। মসিদা দিসিপ্লিনশিংগী মরক্তা তেংবাং পীনবগী তঙাই ফদবগী মতাংদা পুক্নিং থৌগৎলি। ঐহাক্না থাজবা থম্লি মদুদি শিয়র তৌরিবা ৱাখল্লোনশিং অসিনা তেক্নোলোজীগী তুংলমচৎপু মীয়ামগী কান্ননবগীদমক শেমগৎপদা মতেং পাংগনি।"

ITU WTSA নই দিল্লী 2024না ঙরাং IETEগী প্রসিদেন্ত সুনিল কুমারনা চিয়র লৌদুনা সস্তেনেবল দিবেলপমেন্তকীদমক্তা সোসিএল, ইকনোমিক, এনভাইর্নমেন্ত অমসুং পোলিসী এস্পেক্তশিংগী মতাংদা সেসনশিং পাংথোকপা উবা ফংখি। প্রজেন্তেসনশিং অদুদি “রোল ওফ রিফর্বিশ মোবাইল ফোন্স ইন দিজিতেল ইনক্লুজন এন্দ সস্তেনেবল দিবেলপমেন্ত”,”এদভান্সিং ত্রসৱার্দী AI ফোর সস্তেনবেল দিবেলপমেন্ত: রিকম্মেন্দেসন্স ফোর স্তেন্দর্দাইজিং AI ইন্সিদেন্ত রিপোর্তিং” অমসুং “মোদেলিং ইন্তর্নেৎ য়ুজ ইন দি গ্লোবেল দিবেলপমেন্ত কন্তেক্স” অসিনি।

নুমিৎ অসি লোইশিল্লকপদা, ইন্তরেক্তিব ওইবা খন্ন-নৈনবশিংনা মরু ওইনা লৌউ-শিংউদা সাইবর সেক্যুরিতীগী শীংনবশিং অমসুং AIনা পুথোকপা কন্তেন্তদা কোপিরাইতগী ইসুশিং য়াওনা AIগী খুন্নাইগী, শেন্মিৎলোনগী, অমসুং পোলিসীগী ইম্পেক্তশিংদা মীৎয়েং থমখি। সেসনশিং অসিনা মরুওইবা সেক্তরশিংদা AI পুনশিনবগা লোয়ননা থোক্লকপা অশেংবা মালেমগী শীংনবশিং অমসুং খুদোংচাবশিংগী মতাংদা মরুওইবা ইনসাইৎশিং পীখি।

3নি শুবা নুমিৎতা, মরুওইবা পেনেল দিস্কসন অনি, গ্লোবেল স্তেন্দর্দশিং অমসুং ইন্নোভেসনগী খুদোংচাবশিংগী তুংলমচৎকী মতাংদা খন্ন-নৈনগনি, মসিগী মতুংদা পেপর এৱার্দশিং পীগনি।

কলৈদোস্কোপ 2024না তেক্নোলোজী, স্তেন্দর্দশিং অমসুং সস্তেনেবিলিতীগী মতাংদা ৱাহন্থোক লৈবা দাইলোগ অমা মখা তানা পুক্নিং থৌগৎলি। মসিনা হেন্না ইনক্লুসিব ওইবা দিজিতেলগী তুংলমচৎ অমগীদমক মালেম পুম্বনা হোৎনরিবশিংবু মাংলোমদা পুখৎলি।

ITU কলৈদোস্কোপকী মরমদা

ITU কলৈদোস্কোপ অসি একাদেমিক অমসুং ইন্দস্ত্রীগী মরক্তা লৈরিবা অৱাৎপা অদু কোকহন্নবা, তেলিকম্ম্যুনিকেসন তেক্নোলোজীশিংগী মালেমগী থাক্তা মান্নবা ৱাখল্লোনশিং ফোংদোক্নবা হোৎনবদা থৌদাং লৌরিবা চহিগী ওইবা থৌরম অমনি। 2008দা হৌরকখিবদগী, কলৈদোস্কোপ অসি দিজিতেল কম্ম্যুনিকেসনগী তুংলমচৎকী মতাংদা খন্ন-নৈনবগী খ্বাইদগী ইথিল লৈবা প্লেৎফোর্ম অমা ওইরকখি, মসিনা রিসর্চ তৌরিবশিং অমসুং ইন্নোভেতরশিংনা মখোয়গী খ্বাইদগী অফবা থবকশিং উৎনবা মফম অমা পীরি।

ITU কলৈদোস্কোপ 2024 গী ওফিসিএল ৱেবসাইৎ https://www.itu.int/en/ITU-T/academia/kaleidoscope/2024/Pages/default.aspx দা চংবীয়ু নত্ত্রগা গুগলদা  ITU কলৈদোস্কোপ 2024 নম্বীয়ু অমসুং ইভেন্ত প্রোগ্রাম, ৱাঙাংলোই অমসুং সেসনশিংগী মরমদা অকুপ্পা ই-পাউ খঙনবগীদমক অহানবা উৎলিবা ৱেবসাইৎ অদু খনবীয়ু।

WTSA 2024গী মরমদা:

ইন্তরনেস্নেল তেলিকম্ম্যুনিকেসন য়ুনিয়ন (ITU) না শীনবা WTSA 2024 অসি মালেমগী তেলিকম্ম্যুনিকেসন স্তেন্দর্দশিং শেমগৎনবা অমসুং চৎনহন্নবা প্লেৎফোর্ম অমা ওইনা মথৌ তৌরি। মসিনা মালেম শিনবা থুংনা কম্ম্যুনিকেসনগী তুংগী মওং শেম্নবগীদমক্তা রেগ্যুলেতরশিং, ইন্দস্ত্রীগী লুচিংবশিং অমসুং পোলিসী মেকরশিংবু পুনশিন্নরি।

******